აგენტმა პეპეს მომავალზე ოფიციალური განცხადება გააკეთა

ფრანგული "ლილის" ახალგაზრდა გარემარბის, ნიკოლა პეპეს, აგენტმა თავისი კლიენტის მომავალზე კომენტარი გააკეთა.

მაიკლ ნჩომ ფრანგული გამოცემა "Telefoot-თან" საუბრისას ნიჭიერი შემტევის სამომავლო გეგმები განიხილა.

"მას სამომავლოდ ერთი კონკრეტული ჩემპიონატი არ აქვს ამორჩეული. ნიკოლა უბრალოდ კარგ პროექტს ელოდება და ამის შემდეგ გააკეთებს არჩევანს", - აღნიშნა მაიკლმა.

23 წლის ფრანგი ვინგერი მიუნხენის "ბაიერნის" ერთ-ერთი სატრანსფერო სამიზნეა ზაფხულისთვის.

ნიკოლა პეპემ მიმდინარე სეზონში, ყველა ტურნირზე ერთად, 28 თამაშში 16 გოლი გაიტანა და 8 საგოლე გადაცემა გააკეთა.