საფრანგეთის ეროვნული ნაკრებისა და მიუნხენის "ბაიერნის" ვინგერი, კინგსლი კომანი ტრავმირებულია.

ფრანგული გამოცემა RMC-ის ინფორმაციით, ახალგაზრდა ფეხბურთელმა ვარჯიშის მიმდინარეობის დროს კოჭი დაიზიანა და სწორედ ამ მიზეზით ფინეთთან გამართული შეხვედრა გამოტოვა.

ამ მომენტისთვის უცნობია, რამდენად სერიოზულია კომანის ტრავმა და მოასწრებს თუ არა ის დაბრუნებას სანაკრებო პაუზის დასრულებამდე.

12-11-2020, 13:07

sandro

მეტის ნახვა

ამხანაგურ შეხვედრაში გერმანიის ეროვნული ნაკრები ჩეხეთს მასპინძლობს.

გთავაზობთ ბუნდესნაკრების სასტარტო თერთმეტეულს მომავალი დაპირისპირებისთვის.

ტრაპი - ტაჰი, კოხი, რუდიგერი - ბაკუ, გუნდოგანი, ნეუჰაუსი, მაქსი - ჰოფმანი, უოლდშმიდტი, ბრენდტი.

11-11-2020, 22:42

sandro

მეტის ნახვა

მიუხედავად იმისა, რომ ჟურნალი France Football 2020 წელს ოქროს ბურთს არავის გადასცემს, სხვადასხვა გამოცემებმა საუკეთესო ფეხბურთელები მაინც დაასახელეს და უმეტეს მათგანში ეს ტიტული რობერტ ლევანდოვსკის დარჩა.

UEFA-ს შემდეგ ახლა უკვე ავტორიტეტულმა გამოცემა GOAL-მა დაასახელა გასული წლის საუკეთესო ფეხბურთელები და რა თქმა უნდა, პრიზი პოლონელს შეხვდა.

გამოცემამ მსოფლიოს 38 ცნობილი ჟურნალი გამოკითხა და ლევანდოვსკიმ დიდი უპირატესობით აჯობა მეორეადგილოსან კევინ დე ბრუინს. ეს კი კიდევ ერთხელ ამტკიცებს თუ როგორ მოპარა France Football-მა "ბაიერნის" ლიდერს ოქროს ბურთი.

გამოკითხვაში მესამე ადგილზე "ბარსელონას" ლიდერი, ლეო მესი გავიდა, მეოთხე და მეხუთე ადგილები კი შესაბამისად ნეიმარსა და კრისტიანო რონალდუს ერგოთ. 11 საუკეთესოს შორის "ბაიერნიდან" ასევე თომას მიულერი და იოზუა კიმიხიც მოხვდნენ.

10-11-2020, 17:21

sandro

მეტის ნახვა

მიუნხენის "ბაიერნის" ლიდერმა, იოზუა კიმიხმა წარმატებული ოპერაციის შემდეგ პირველი ფოტო გამოაქვეყნა სოციალურ ქსელებში.

"ყოველთვის წინ და არასდროს უკან. გჯეროდეს შენი თავის." - ასეთ წარწერას ურთავს ფეხბურთელი ფოტოს.

შეგახსენებთ, რომ იოზუამ ოპერაცია კვირას გაიკეთა. კიმიხი ტრავმის გამო იანვრამდე ვერ შეძლებს მინდორზე დაბრუნებას.

10-11-2020, 14:29

sandro

მეტის ნახვა

ცნობილმა ბრიტანულმა სტატისტიკურმა კომპანიამ სუპერკომპიუტერის გამოთვლებით ჩემპიონთა ლიგის 2020/21 წლების სეზონის მთავარი ფავორიტები დაასახელა.

თავდაპირველი მონაცემები ჯგუფური ეტაპის დაწყებამდე გამოქვეყნდა, რომლის მიხედვითაც "ბაიერნის" შანსები 20%-ით ფასდებოდა, ახლა კი ეს მონაცემი 24%-მდე არის გაზრდილი. მეორე ადგილს კვლავ "სიტის" შანსები იკავებს, 17%-ით, მესამე ყველაზე მაღალი პროცენტი კი "ბარსელონას" აქვს - 11.

საგრძნობლად დაიკლო მადრიდის "რეალის" შანსებმა, რომელიც თითქმის განახევრდა და 7%-იდან 4%-მდე დაეცა. ასევე შემცირდა "ლივერპულის" შანსიც, ნაცვლად 11%-ისა ახლა ის 8%-ს შეადგენს.

ხუთეულში "ბაიერნის", "სიტის", "ბარსელონასა" და "ლივერპულის" გარდა ასევე "დორტმუნდიც" მოხვდა, 6%-ით.

10-11-2020, 14:02

sandro

მეტის ნახვა

გერმანიის ბუნდესლიგის მეშვიდე ტურში მიუნხენის "ბაიერნი" დორტმუნდის "ბორუსიას" ესტუმრა და 2:3 დაამარცხა.

"რეკორდმაისტერის" მხრიდან სრული, 90 წუთი გაატარა მინდორზე ლიდერმა, თომას მიულერმა. აღსანიშნავია, რომ ამ გამარჯვებით მან ისტორიული მიღწევა დაამყარა.

კერძოდ, ეს მიულერისთვის რიგით 261-ე გამარჯვება გახლავთ გერმანიის ბუნდესლიგაში, რითაც მან ლეგენდარული ოლივერ კანი ჩამოიტოვა და გუნდის ახალი რეკორდსმენი გახლდა.

აღსანიშნავია, რომ ამ შედეგით ხსენებულ ფეხბურთელებს მხოლოდ "ჰამბურგის" ლეგენდა, მანფრედ კალცი უსწრებს, რომელსაც 291 გამარჯვება აქვს ბუნდესლიგაში. შესაბამისად, თომასს მაქსიმუმ 2 სეზონში შეუძლია ამ რეკორდის მოხსნა.

10-11-2020, 00:05

sandro

მეტის ნახვა

ბერგამოს "ატალანტას" გერმანელმა ფეხბურთელმა, რობინ გოსენსმა "ბაიერნის" ფეხბურთელებზე ემოციურად ისაუბრა.

"ეროვნულ ნაკრებში მეორე ვარჯიშის ჩატარების შემდეგ ჩემს შეყვარებულს დავურეკე და ვუთხარი:

"იცი რა არის ნამდვილი სიგიჟე? როდესაც ეს ბიჭები ("ბაიერნის" ფეხბურთელები) მინდორზე გამოდიან, შენში გამარჯვებულის მენტალიტეტი საოცრად იზრდება." - აცხადებს გოსენსი.

9-11-2020, 23:45

sandro

მეტის ნახვა

ოთხშაბათს ამხანაგური შეხვედრა გაიმართება, რომელშიც გერმანიის ეროვნული ნაკრები ჩეხეთს უმასპინძლებს.

ბუნდესნაკრების ძირითადი გუნდის წევრები, მანუელ ნოიერი, მატიას გინტერი, სერჟ გნაბრი, ლეონ გორეცკა, ტონი კროოსი, ლეროი სანე და ტიმო ვერნერი ამ თამაშში დაისვენებენ.

გთავაზობთ გერმანიის ნაკრების სავარაუდო თერთმეტეულს მომავალი დაპირისპირებისთვის.

ტრაპი - ტაჰი, კოხი, რუდიგერი - ჰენრიქსი, გუნდოგანი, ნეუჰაუსი, მაქსი - ჰოფმანი, ბრანდტი - ვოლდშმიტი.

9-11-2020, 22:58

sandro

მეტის ნახვა

2015 წელს ევროპის ჩემპიონატის საკვალიფიკაციო ეტაპის მატჩი გაიმართა, რომელშიც საქართველოს ეროვნული ნაკრები გერმანიას ესტუმრა და 2:1 დამარცხდა.

იმ შეხვედრაში "ჯვაროსნები" მართლაც ბრწყინვალედ გამოიყურებოდნენ. გთავაზობთ მანუელ ნოიერის კომენტარს ამ თამაშის შემდეგ.

"რთული შეხვედრა გამოგვივიდა. განსაკუთრებული კონცენტრაცია და სიფხიზლე გვჭირდებოდა, რადგან მეგონა საქართველოს კი არა ესპანეთს ან იტალიას ვეთამაშებოდით." - განაცხადა მანუმ.

9-11-2020, 20:38

sandro

მეტის ნახვა

მოგეხსენებათ, წარსულში არაერთ დიდებულ ქართველ ფეხბურთელს უთამაშია გერმანიის ბუნდესლიგაში და ბევრმა მათგანმა დიდი კვალიც დატოვა საკუთარ გუნდებში.

მათ შორის ერთ-ერთი გამორჩეული ლევან კობიაშვილი გახლდათ, რომელიც წლების მანძილზე იცავდა გელზერკიხენის "შალკეს" ღირსებას.

2016-17 წლების სეზონში "შალკე" მიუნხენის "ბაიერნს" შინ დაუპირისპირდა. მატჩის მიმდინარეობის დროს კობიმ საოცარი გასროლით აიღო ოლივერ კანის კარი.

გავიხსენოთ ეს ლეგენდარული გოლი.

9-11-2020, 20:22

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა დავიდ ალაბას მდგომარეობაზე ისაუბრა.

"ის აქ ძალიან დიდი ხანია რაც თამაშობს. პროფესიონალ ფეხბურთელად დავიდი "ბაიერნში" ჩამოყალიბდა და ახლა ის გუნდის ერთ-ერთი საკვანძო ფეხბურთელია. ასე რომ, კარგი იქნება, თუ დარჩება."

"ახლა ალაბა მარტო ზის საჭესთან. თავისი მომავალი მხოლოდ მისსავე ხელშია. გადაწყვეტილება პირადად მან უნდა მიიღოს." - აცხადებს ფლიკი.

9-11-2020, 19:50

sandro

მეტის ნახვა

ევროპის წამყვან ჩემპიონატებში უკვე საწყისი 7-8 ტური მიილია და დაახლოებით ვიცით, თუ რომელი ფეხბურთელები იბრძოლებენ ოქროს ბუცის პრიზისთვის.

გასაკვირი არ იქნება თუ გეტყვით, რომ ამჟამად ჩამონათვალს მიუნხენის "ბაიერნის" ფორვარდი, რობერტ ლევანდოვსკი ლიდერობს.

პოლონელ ფეხბურთელს 11 გოლი აქვს გატანილი და შესაბამისად 22 ქულა დაგროვებული, მეორე ადგილოსან მოთამაშეებს კი 8 ქულით ასწრებს.

ამ მომენტისთვის ოქროს ბუცი 2021-ისთვის მებრძოლთა სია შემდეგნაირად გამოიყურება:

9-11-2020, 18:12

sandro

მეტის ნახვა

გერმანიის ეროვნული ნაკრების მთავარმა მწვრთნელმა, იოახიმ ლიოვმა ეროვნულ გუნდში ვეტერანი ფეხბურთელების, ჟერომ ბოატენგის, თომას მიულერისა და მატს ჰუმელსის შესაძლო დაბრუნებაზე ისაუბრა.

"ჩვენ უკვე მივიღეთ გადაწყვეტილება ამ თემასთან დაკავშირებით და შეცვლა არ იგეგმება. ახლა უკან დაბრუნება ნამდვილად არ შეგვიძლია."

"თუ მომავალ წელს სცენარი რადიკალურად შეიცვლება და გუნდის მნიშვნელოვანი მოთამაშეები ტრავმას მიიღებენ, ამ შემთხვევაში ალტერნატიულ სცენარზე აუცილებლად ვიფიქრებთ." - აცხადებს ლიოვი.

9-11-2020, 14:31

sandro

მეტის ნახვა

მიუნხენის "ბაიერნის" ოფიციალურმა საიტმა იოზუა კიმიხის ტრავმასთან დაკავშირებით განცხადება გაავრცელა.

"იოზუა კიმიხმა დაზიანება შაბათს, "დორტმუნდის" წინააღმდეგ გამართული შეხვედრის 36-ე წუთზე მიიღო."

"კიმიხის მარჯვენა ფეხის გვერდითი მენისკის ოპერაციამ კვირას საღამოს წარმატებით ჩაიარა. "ბაიერნის" სამედიცინო შტაბის ვარაუდით ფეხბურთელი რეაბილიტაციის სრული კურსის გავლის შემდეგ იანვარში შეძლებს დაბრუნებას." - წერია განცხადებაში.

9-11-2020, 02:28

sandro

მეტის ნახვა

მიუნხენის "ბაიერნის" გარემარბმა, სერჟ გნაბრიმ თავის ყოფილ მწვრთნელზე, არსენ ვენგერზე საინტერესო განცხადება გააკეთა.

"რა განსხვავებაა ფლიკსა და ვენგერს შორის? პირადად მე, ფლიკთან უფრო გახსნილი ვარ, ვიდრე ვენგერთან. ამის მთავარი მიზეზი ასაკია. როდესაც ახალგაზრდა ფეხბურთელი ხარ, კომუნიკაცია გიჭირს, უფრო მეტად მორცხვი ხარ."

"ვფიქრობ არსენი "ბაიერნშიც" უდიდეს წარმატებას მიაღწევდა. მან უკვე დაამტკიცა "არსენალში", რომ დიდებული მწვრთნელია, რომელსაც გუნდისთვის გამარჯვების მოპოვება შეუძლია." - აცხადებს გნაბრი.

8-11-2020, 23:49

sandro

მეტის ნახვა

მოგეხსენებათ, მიუნხენის "ბაიერნის" ცენტრალურმა ნახევარმცველმა და ლიდერმა, იოზუა კიმიხმა სერიოზული დაზიანება მიიღო, რის გამოც ის გუნდს სავარაუდოდ 2-3 თვის განმავლობაში ვერ დაეხმარება. ალბათ საინტერესოა, ვინ უნდა ჩაანაცვლოს ის ნახევარდაცვის ხაზში. ვარიანტი სამია.

პირველი ეს გახლავთ კორენტინ ტოლისო. ახალგაზრდა ფრანგი ნახევარმცველისთვის ალბათ ეს ბრწყინვალე შანსი იქნება თავისი შესაძლებლობების დასამტკიცებლად. ის გუნდში 2017 წელს მოვიდა, თუმცა, პირველი სეზონის შემდეგ ძალიან იშვიათად ეძლევა ძირითად შემადგენლობაში შანსი და ახლა შეუძლია, რომ ჰანს ფლიკს აჩვენოს თავისი დონე.

კიმიხის მსგავსად ტოლისოს კარგად შეუძლია როგორც შეტევითი, ასევე დაცვითი ფუნქციების შეთავსება. შესაბამისად, ის ცენტრალური ნახევარდაცვის ზონაში ნამდვილად კარგი არჩევანი იქნებოდა.

მეორე ვარიანტი ხავი მარტინესია. ბასკი საყრდენი გასულ ზაფხულს წასვლის პირას იყო, თუმცა, საბოლოოდ გუნდში დარჩა და როტაციის დროს მას ეძლევა სათამაშო დრო. კიმიხის ტრავმის შემდეგ კი ეს ციფრი უფრო გაიზრდება. მარტინესს "ბაიერნის" ისტორიაში დიდი როლი უკავია. მან 2013 წელს ჩემპიონთა ლიგის მოგებაში დიდი წვლილი შეიტანა და მას შემდეგ ყოველწლიურად ამტკიცებს, რომ უმაღლესი დონის ფეხბურთელია. მისი გამოცდილების ხარჯზე ნამდვილად შეიძლება ითქვას, რომ ის თავისუფლად მოახერხებს კიმიხის ჩანაცვლებას საყრდენ ზონაში. მთავარი კითხვაა, რამდენად შესწევს იმის ძალა ამ გადატვირთული გრაფიკის დროს სრული დატვირთვით ითამაშოს დიდი ხნის მანძილზე.

და მესამე ვარიანტი მარკ როკა გახლავთ. ის კიდევ ერთი ესპანელი ნახევარმცველია, რომელიც გუნდს ზაფხულში შეუერთდა. როკა ძალიან ნიჭიერი და პერსპექტიული მოთამაშეა, რომელზეც "ბაიერნი" დიდ იმედებს ამყარებს, თუმცა, სამწუხაროდ 1 სათასო მატჩის გარდა მისი შესაძლებლობების ნახვა ვერ მოვახერხეთ. დიდი ალბათობით, ის კვლავ ვერ იქნება ძირითად შემადგენლობაში, თუმცა, ის აუცილებლად მისცემს დასვენების საშუალებას გორეცკასა და ზემოხსენებულ მოთამაშეებს და ამით მისი სათამაშო დროც გაიზრდება.

8-11-2020, 23:07

sandro

მეტის ნახვა