ფეხბურთი მსოფლიოში ყველაზე პოპულარული სპორტის სახეობაა. ამაზე მეტყველბს ის ფაქტიც, რომ მნიშვნელოვანი საფეხბურთო მოვლენების დროს თვით საკანონმდებლო და აღმასრულებელ ხელისუფლებაში მყოფი პოლიტიკოსებიც დიდი აქტიურობით გამოირჩევიან.

როგორც ჩანს, მიუნხენის "ბაიერნი" ქართველ პოლიტიკოსებში დიდი პოპულარობით არ გამოირჩევა. გამოკითხული კანდიდატებიდან ხმა "რეკორდმაისტერს" მხოლოდ გოგი თოფაძემ მისცა.

იხილეთ სრული სია:

მიხეილ სააკაშვილი ("ნაციონალური მოძრაობა") - კატალონიის "ბარსელონა"

აჰმედ იმამკულიევი ("ევროპული საქართველო") - მადრიდის "რეალი"

ზურაბ ჯაფარიძე ("გირჩი") - ლონდონის "არსენალი"

გოგი თოფაძე ("მრეწველები") - მიუნხენის "ბაიერნი"

ლევან ბერძენიშვილი ("რესპუბლიკელები") - ბრაზილიის ნაკრები, გამოკვეთილად არცერთ კლუბს არ გულშემატკივრობს.

გივი თარგამაძე ("ევროპული საქართველო") - ტურინის "იუვენტუსი"

ირაკლი კობახიძე ("ქართული ოცნება") - "ბარსელონა"

კახა კალაძე ("ქართული ოცნება") - "მილანი"

ბაჩუკი ქარდავა ("ეროვნული დემოკრატები") - მადრიდის "რეალი"

ირაკლი ალასანია (უპარტიო) - მადრიდის "რეალი"

იაგო ხვიჩია ("გირჩი") - კატალონიის "ბარსელონა"

გიგა ბოკერია ("ევრპული საქართველო") - არგენტინის ნაკრები, გამოკვეთილად არცერთ კლუბს არ გულშემატკივრობს.

4-11-2020, 15:29

sandro

მეტის ნახვა

ჩემპიონთა ლიგის ჯგუფური ეტაპის მესამე ტურში მიუნხენის "ბაიერნი" ავსტრიულ "ზალცბურგს" ესტუმრა და ანგარიშით 2:6 გაანადგურა.

"რეკორდმაისტერის" მხრიდან სრული, 90 წუთი გაატარეს მინდორზე გუნდის ლიდერებმა, იოზუა კიმიხიმა და მანუელ ნოიერმა. აღსანიშნავია, რომ მოთამაშეებმა ამ შეხვედრაში ისტორიული მიღწევა გაიმეორეს.

კერძოდ, კიმიხსა და ნოიერს ზედიზედ მე-14 მოგება დაუგროვდათ ჩემპიონთა ლიგაზე. ისტორიაში კი მსგავსი შედეგი მხოლოდ კრისტიანო რონალდუს აქვს დაფიქსირებული.

იმ შემთხვევაში, თუ შემდეგ შეხვედრას, რომელშიც ხსენებული ფეხბურთელები მიიღებენ მონაწილეობას, "ბაიერნი" მოიგებს, მაშინ ისინი ახალ რეკორდს დაამყარებენ.

4-11-2020, 14:37

sandro

მეტის ნახვა

მოგეხსენებათ, დავიდ ალაბას მიუნხენის "ბაიერნში" დარჩენის ალბათობა ძალიან მცირეა. ჰერბერტ ჰაინერის ბოლოდროინდელმა განცხადებებმა კი ეს კიდევ ერთხელ დაადასტურა.

გერმანული გამოცემა Sport1-ის ინფორმაციით, "რეკორდმაისტერმა" ავსტრიელი მცველი შემცვლელს ბუნდესლიგაში, კერძოდ კი "ლაიფციგის" რიგებში მიაგნო.

წყაროს ცნობით, გუნდის ერთ-ერთი მთავარი სამიზნე მომავალი სატრანსფერო ფანჯრის დროს დაიოტ უპამეკანო იქნება.

ფრანგმა ცენტრალურმა მცველმა, ბოლო 1 წლის განმავლობაში დიდი პროგრესი აჩვენა და გრანდების ყურადღება მიიპყრო. "ბაიერნი" მის შეძენას ზაფხულშიც ცდილობდა, თუმცა არ გამოუვიდა.

დიდი ალბათობით, მას შემდეგ, რაც მომავალ წელს ალაბა კლუბს დატოვებს, "ბაიერნი" აქტიურად გადაერთვება უპამეკანოს ტრანსფერზე.

3-11-2020, 15:32

sandro

მეტის ნახვა

დღეს, 3 ნოემბერს მიუნხენის "ბაიერნისა" და გერმანული ფეხბურთის ლეგენდას, გერდ მიულერს 75 წელი შეუსრულდა.

სამწუხაროდ, ვეტერანი ფეხბურთელის მდგომარეობა არცთუ სახარბიელოა. აღნიშნულ თემაზე გერდ მიულერის მეუღლემ, უში მიულერმა BILD-თან ისაუბრა.

"ის თითქმის არაფერს ჭამს, ძალიან მძიმედ ყლაპავს. თითქმის 24 საათის განმავლობაში წევს. იშვიათად იღვიძებს, ზოგჯერ კის და არას თქმას ახერხებს. სასიამოვნოა ყოველი წუთი, როდესაც ის იღვიძებს."

"ის ყოველთვის მებრძოლი და მამაცი იყო, მთელი ცხოვრების მანძილზე. ახლაც ასეა. თვალის გახელის მომენტში ის კვლავ ძილბურანშია, საკვებს ასე იღებს."

"გერდი მშვიდად არის, არ ვფიქრობ, რომ მას რაიმე სტანჯავს." - აცხადებს მიულერის მეუღლე.

3-11-2020, 14:33

sandro

მეტის ნახვა

ჩემპიონთა ლიგის ჯგუფური ეტაპის მესამე ტურში მიუნხენის "ბაიერნი" ავსტრიულ "ზალცბურგს" ესტუმრება.

"რეკორდმაისტერის" მთავარმა მწვრთნელმა, ჰანს ფლიკმა მატჩამდე ერთი დღით ადრე განაცხადი დაასახელა.

აღსანიშნავია, რომ შემადგენლობაში ვერ მოხვდა ლეონ გორეცკა, რომელსაც მიკროტრავმა აწუხებს და ამ მიზეზით უწევს გამოტოვება. ასევე სიაში არ არის ნიკლას ზულეც, რომელსაც კორონავირუსი დაუდასტურდა.

სრული განაცხადი შემდეგნაირად გამოიყურება:

2-11-2020, 23:31

sandro

მეტის ნახვა

მიუნხენის "ბაიერნის" მცველმა, დავიდ ალაბამ თავის მომავალზე კიდევ ერთი მნიშვნელოვანი განცხადება გააკეთა.

"კონტრაქტზე მოლაპარაკებები მიმდინარეობდა. მეორე თუ მესამე შეხვედრის შემდეგ დამირეკეს და მითხრეს, თუ დავთანხმდებოდი ტრეიდში (ფეხბურთელების გაცვლაში) ჩართვას. ეს სახეში სილის გაწვნას ჰგავდა."

"ჩემს კონტრაქტზე საუბრები ჯერ კიდევ ერთი წლის წინ დაიწყო, როდესაც კორონა არც კი არსებობდა. თუმცა, მაშინაც ვერ ვხედავდი რაიმე სახის პატივისცემას ამ თემაზე." - აცხადებს ალაბა Sky Sport-თან საუბრის დროს.

2-11-2020, 21:43

sandro

მეტის ნახვა

მიუნხენის "ბაიერნის" მარცხენა მცველმა, ლუკას ერნანდესმა თავის მდგომარეობაზე გამოცემა Kicker-თან ისაუბრა.

"ჩემი პირველი წელი რთული იყო, თუმცა, დასაფიქრებლად ბევრი დრო მქონდა. არ ვარ იმედგაწბილებული. კლუბი მენდო და მზად ვარ, მათი იმედები გავამართლო."

"მებრძოლი ვარ. "ბაიერნმა" ჩემს სანაცვლოდ 80 მილიონი ევრო გადაიხადა, რაც დიდი ინვესტიციაა. მზად ვარ ვაჩვენო, რომ ვიმსახურებ ამ მაისურის ტარებას. მსურს გავიწყინო როგორც ინდივიდუალურად, ასევე გუნდურად."

"დაცვის რომელი პოზიცია მხიბლავს? ჩემთვის ამას მნიშვნელობა არ აქვს. მწვრთნელს სადაც დავჭირდები, მზად ვარ იქ ვითამაშო." - აცხადებს ლუკასი.

2-11-2020, 20:37

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ჩემპიონთა ლიგის მატჩამდე პრესკონფერერენციაზე ისაუბრა.

"ნიკლასი გამოგვაკლდა. სამწუხაროა, რადგან ახლა არჩევანი ნაკლები გვაქვს. ფეხბურთში კორონას შემთხვევები მომრავლდა და ამას უნდა შევეგუოთ. იმედი მაქვს, ეს ბოლო იქნება გუნდში."

"ალაბას თემაზე პირველ რიგში მინდა ვთქვა, რომ უსიამოვნოა, როდესაც ეს წამოიწია ასეთ მნიშვნელოვან კვირაში. ორი რთული მატჩი გველოდება და მათზე უნდა ვიყოთ კონცენტრირებული."

"მოხარული ვიქნები, თუ დავიდი გუნდში დარჩება. ის უმაღლესი დონის პროფესიონალია, რომელიც ფანებშიც დიდი პოპულარობით სარგებლობს. დარწმუნებული ვარ, ის აქ ყოფნის პერიოდში ყველაფერს გაიღებს მინდორზე."

"ლუკას ერნანდესის პოზიცია? მე პირადად მას უფრო მეტად ცენტრალური მცველის ადგილზე განვიხილავ."

"ზალცბურგში გარკვეული პერიოდი ვმუშაობდი და მხოლოდ დადებითი მომენტები მახსენდება. თუმცა, შემდეგ გერმანიის ნაკრებიდან შემოთავაზება მივიღე, რაზეც არ დავფიქრებულვარ ისე დავთანხმდი."

"მეტოქეს შესანიშნავი, ახალგაზრდული გუნდი ჰყავს, რომელიც მუდამ შეტევაზეა დაგეშილი. ბოლო წლებში "ზალცბურგმა" დიდი პროგრესი განიცადა. ისინი თანამედროვე ფეხბურთს თამაშობენ."

"

2-11-2020, 20:34

sandro

მეტის ნახვა

ჩემპიონთა ლიგის ჯგუფური ეტაპის მესამე ტურში მიუნხენის "ბაიერნი" ავსტრიულ "ზალცბურგს" ესტუმრება.

გთავაზობთ "რეკორდმაისტერის" სავარაუდო თერთმეტეულს მომავალი დაპირისპირებისთვის.

ნოიერი - პავარი, ბოატენგი, ალაბა, ერნანდესი - კიმიხი, ტოლისო - გნაბრი, მიულერი, სანე - ლევანდოვსკი.

2-11-2020, 18:36

sandro

მეტის ნახვა

მიუნხენის "ბაიერნის" მცველი, დავიდ ალაბა მატჩისწინა პრესკონფერენციაზე ჰანს ფლიკთან ერთად გამოვიდა.

"ჰაინერის განცხადება გუშინ, ნიუსები გავიგე. ეს განსაკუთრებული სიტუაციაა. არ ვიცი, რა მოხდება მომავალში. ამაზე დასაფიქრებლად დროც კი არ მქონია."

"მე ვარ ფეხბურთელი, რომელსაც "ბაიერნში" თამაში სიამოვნებს. ნამდვილად არ ვიცი როგორ განვითარდება მოვლენები გუშინდელი განცხადების შემდეგ. ჯერ-ჯერობით ოფიციალურად არავინ დამკავშირებია."

"სრულიად მესმის გულშემატკივრების რეაქცია, თუმცა, მე ამ საკითხზე სრულიად განსხვავებული ხედვა მაქვს."

"გასული 7 დღის განმავლობაში 3 მატჩი ჩავატარე და სხვა რამეზე საფიქრად დრო არ მქონდა. "ბაიერნი" ჩემთვის ნომერ პირველი პრიორიტეტია. სხვა კლუბებთან კონტაქტი არ მქონია."

"უმჯობესი იქნებოდა, რომ საშინაო ამბები კვლავ კლუბში რჩებოდეს. გარკვეული ინფორმაციები, რომლებიც გავრცელდა, არ შეესაბამება სიმართლეს. გულნატკენი ვარ იმის გამო, რომ კლუბის წარმომადგენლებმა ეს სიცრუე ოფიციალურად არ უარყვეს." - აცხადებს ალაბა.

2-11-2020, 18:24

sandro

მეტის ნახვა

3 ნოემბერს ჩემპიონთა ლიგის შეხვედრა გაიმართება, რომელშიც მიუნხენის "ბაიერნი" ავსტრიულ "ზალცბურგს" ესტუმრება.

მატჩამდე ერთი დღით ადრე "რეკორდმაისტერის" ოფიციალურმა საიტმა დაადასტურა, რომ გუნდის ცენტრალურ მცველს, ნიკლას ზულეს კორონავირუსი აქვს.

როგორც ცნობილია, ახალგაზრდა ფეხბურთელმა ტესტი დღეს ჩაიტარა და სამწუხაროდ, დადებითი პასუხი მიიღო.

ამჟამად ზულე თვითიზოლაციაში იმყოფება. მის გარდა "ბაიერნის" არცერთ ფეხბურთელს არ დაუდასტურდა Covid 19.

2-11-2020, 15:29

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, ჰერბერტ ჰაინერმა დავიდ ალაბას კონტრაქტზე ისაუბრა.

"ჩვენ მას წარვუდგინეთ სრულიად სამართლიანი და მაღალანაზღაურებადი კონტრაქტი, განსაკუთრებით კი მიმდინარე მოვლენების გათვალისწინებით.

"დავიდის აგენტს ვუთხარით, რომ პასუხი ოქტომბრის დასრულებამდე გვჭირდებოდა, რადგან სამომავლო გეგმები განგვესაზღვრა. თუმცა, შაბათამდე მათგან არანაირი პასუხი არ მიგვიღია."

"შემდგომ, ჩვენი სპორტული დირექტორი, ჰასან სალიჰამიჯიჩი მათ აგენტს ესაუბრა და ასეთი პასუხი მიიღო: "კონტრაქტი კვლავ არადამაკმაყოფილებელია, მოსაფიქრებლად დრო გვჭირდება."

"ჩვენ კი ვთვლით, რომ ჩვენი პოზიცია სრულიად ნათელია. ეს ნიშნავს, რომ მეტი შეთავაზება აღარ იქნება." - აცხადებს ჰაინერი.

2-11-2020, 02:21

sandro

მეტის ნახვა

შაბათს გერმანიის ბუნდესლიგის სეზონის ერთ-ერთი ცენტრალური შეხვედრა გაიმართება, რომელშიც დორტმუნდის "ბორუსია" მიუნხენის "ბაიერნს" უმასპინძლებს.

მატჩამდე რამდენიმე დღით ადრე გერმანულმა გამოცემა BILD-მა დაადასტურა, რომ "ყვითლებს" ლიდერი, მატს ჰუმელსი ვერ დაეხმარებათ.

31 წლის მცველმა დაზიანება "არმინიასთან" მატჩის ბოლო წუთებზე მიიღო, რის გამოც შესაცვლელი შეიქნა.

უკვე გადაწყვეტილია, რომ ჰუმელსი "დორტმუნდს" ჩემპიონთა ლიგაზე ვერ დაეხმარება. ასევე, ფაქტობრივად გამორიცხულია მისი თამაში "ბაიერნის" წინააღმდეგაც.

შეგახსენებთ, რომ შეხვედრა 7 ნოემბერს, თბილისის დროით 21:30 საათზე გაიმართება.

2-11-2020, 01:56

sandro

მეტის ნახვა

დავიდ ალაბას ირგვლივ ატეხილი სატრანსფერო აჟიოტაჟი კვლავ არ წყდება.

როგორც ჩანს, 28 წლის მცველი მიუნხენის "ბაიერნის" რიგებში თავის უკანასკნელ სეზონს ატარებს, რომლის დასრულების შემდეგაც ის ახალ კლუბს მიაშურებს.

"რეკორდმაისტერის" დირექტორთა საბჭოს წევრის, ჰერბერტ ჰაინერის განცხადებით, კლუბმა თავისი შეთავაზების (11 მილიონ ევროს + 6 მილიონი ბონუსები) ანულირება მოახდინა.

მისი თქმით, ხსენებული შეთავაზება ძალაში ოქტომბრის ბოლომდე იყო, ვადის ამოწურვის შემდეგ კი კონტრაქტს ძალა დაეკარგა.

ჯერ-ჯერობით უცნობია, გააკეთებს თუ არა "ბაიერნი" ახალ შეთავაზებას. თუმცა, ერთი რამ ცხადია, ალაბას ზემოხსენებული პირობები არ აკმაყოფილებს და მასზე დათანხმებას არ აპირებს.

2-11-2020, 01:53

sandro

მეტის ნახვა

კატალონიის "ბარსელონას" რადარზე მიუნხენის "ბაიერნის" ამომავალი ვარსკვლავი, ალფონსო დეივისი გამოჩნდა.

კანადელმა მარცხენა მცველმა გასულ სეზონში ბრწყინვალე პროგრესი აჩვენა და მსოფლიოს ერთ-ერთ საუკეთესო მოთამაშედ ჩამოყალიბდა საკუთარ პოზიციაზე. თუმცა, ლუკას ერნანდესის დაბრუნების შემდეგ მას სათამაშო დრო შეუმცირდა.

ევროპული გამოცემების ინფორმაციით, "ბლაუგრანა" სწორედ ამ უკანასკნელი შანსის გამოყენებას აპირებს და ეცდება, რომ ფეხბურთელი მიმზიდველი კონტრაქტით მოთაფლოს.

ჯერ-ჯერობით უცნობია, რა თანხას აპირებს ესპანური გრანდი დეივისის სანაცვლოდ.

2-11-2020, 00:22

sandro

მეტის ნახვა

დავიდ ალაბას შესაძლო მომავალთან დაკავშირებით საუბრები არ წყდება. არ არის გამორიცხული ავსტრიელი მცველი "ლივერპულის" რიგებში ვიხილოთ.

ევროპული გამოცემების ინფორმაციით, მერსისაიდელების ნახევარმცველი, ტიაგო ალკანტარა პირადად აპირებს ტრანსფერში ჩართვას და 28 წლის მცველთან შეხვედრას.

მოგეხსენებათ, ფეხბურთელები წლების განმავლობაში ერთად იცავდნენ "ბაიერნის" ღირსებას და შესაბამისად, ტიაგო კარგად იცნობს ავსტრიელ მოთამაშეს.

შეგახსენებთ, რომ ალაბას კონტრაქტი 2021 წელს ეწურება და იანვრიდან მას უკვე ნებისმიერ კლუბთან შეუძლია წინასწარი კონტრაქტის გაფორმება.

1-11-2020, 20:05

sandro

მეტის ნახვა