ჩემპიონთა ლიგის მეოთხედფინალურ თამაშში "პარისსენჟერმენმა" მიუნხენურ გრანდს გასვლაზე ანგარიშით 2:3 სძლია.

შეხვედრაში პარიზელთა მეკარემ, კეილორ ნავასმა, ისტორიული შედეგი დააფიქსირა. მართალია კოსტა-რიკელმა კიპერმა 2 გოლი გაუშვა, მაგრამ 10 ჯერ მოახერხა მეტოქის დარტყმის მოგერიება.

ამ სტატისტიკის ათვლა 2003 წელს დაიწყო. ასეთი შედეგი კი 1/4 ფინალებში სწორედ მის დღევანდელ ვიზავს, მანუელ ნოიერს, ჰქონდა 2016-17 წლების ჩემპიონთა ლიგის სეზონში მადრიდის "რეალის" წინააღმდეგ.

შეგახსენებთ ამ გუნდებს შორის განმეორებითი შეხვედრა 13 აპრილს პარიზში გაიმართება.

8-04-2021, 01:36

Skecher

მეტის ნახვა

ფრანგული "პსჟს" ლიდერმა, კილიან მბაპემ მიუნხენის "ბაიერნის" დამარცხების შემდეგ პირველი კომენტარი გააკეთა.

"მე მიყვარს საუკეთესოებთან თამაში და ვთვლი, რომ ნოიერი ისტორიაში ერთ-ერთი საუკეთესოა."

"მე ზეწოლას არ ვგრძნობდი. მართალია, ლიგის ფინალში მას გოლი ვერ გავუტანე, თუმცა, ახლა უკვე დუბლის გაფორმება შევძელი."

"ძალიან რთული შეხვედრა გამოვიდა ევროპის საუკეთესო კლუბის წინააღმდეგ, თუმცა, გუნდურად ვითამაშეთ და შედეგს მივაღწიეთ."

"ეს ჯერ მხოლოდ პირველი ეტაპის მატჩია. თავდაჯერებულად და კვლავ ერთიანად უნდა ვითამაშოთ განმეორებით შეხვედრაშიც." - აცხადებს მბაპე.

8-04-2021, 01:27

sandro

მეტის ნახვა

ჩემპიონთა ლიგის 1/4 ფინალის პირველ მატჩში მიუნხენის "ბაიერნმა" საკუთარ კედლებში "პსჟ" მიიღო და ანგარიშით 2:3 დამარცხდა.

თამაშის შემდეგ საბუკმეიკერო კანტორებმა კოეფიციენტები განაახლეს და გასაკვირი არ არის, რომ ახლა უკვე მთავარ ფავორიტად "პსჟ" მიიჩნევა.

თუ ამ დრომდე "ბაიერნის" გასვლას 1/2 ფინალში 1.5 კოეფიციენტი ჰქონდა, ახლა ის საკმაოდ გაიზარდა და 5.0-ს უტოლდება. საპირისპიროდ კი, "პსჟს" მომდევნო ეტაპზე გასვლის კოეფიციენტი 2.6-დან 1.16-მდე დაეცა.

რაც შეეხება ჩემპიონობას, "ბაიერნის" კოეფიციენტი ჩემპიონთა ლიგის ტიტულის მოგებაზე 4.7-ს ნაცვლად უკვე 10.0 გახდა.

8-04-2021, 01:17

sandro

მეტის ნახვა

მიუნხენის "ბაიერნისა" და "პსჟს" შეხვედრა სტუმართა გამარჯვებით, ანგარიშით 2:3 დასრულდა, მაგრამ ანგარიში ნაკლებად თუ ასახავს თამაშის სრულ სურათს.

სტატისტიკას თუ შევხედავთ მარტივად დავინახავთ, რომ "რეკორდმაისტერს" ამ მატჩში სრული სათამაშო უპირატესობა ჰქონდა, მაგრამ ის შედეგში ვერ გარდაისახა.

მიუნხენელებმა მეტოქის კარისკენ არც მეტი არც ნაკლები 31-ჯერ დაარტყეს, მაშინ, როცა "პსჟმ" იგივე მხოლოდ 6-ჯერ მოახერხა. ასევე საგრძნობია უპირატესობა კარში დარტყმების მხრივაც - 12 4-ის წინააღმდეგ.

სრული სტატისტიკა კი შემდეგნაირად გამოიყურება:

8-04-2021, 01:02

sandro

მეტის ნახვა

ჩემპიონთა ლიგის 1/4 ფინალური ეტაპის პირველ მატჩში მიუნხენის "ბაიერნმა" საკუთარ კედლებში "პსჟ" მიიღო და ანგარიშით 2:3 დამარცხდა.

თამაშის სტარტზევე 0:2 ჩამორჩენის შემდეგ ჯერ ჩუპო-მოტინგმა, შემდგომ კი თომას მიულერმა შეძლეს გოლების გატანა და ანგარიშის გათანაბრემა.

თუმცა, 68-ე წუთზე კილიან მბაპემ "პსჟ" კიდევ ერთხელ გაიყვანა წინ და საბოლოო ანგარიში დააფიქსირა.

გთავაზობთ ფეხბურთელების შეფასებებს გამოცემა Whoscored-ის ვერსიით.

8-04-2021, 00:53

sandro

მეტის ნახვა

"ბაიერნისა" და "პსჟს" შეხვედრის მე-60 წუთზე თომას მიულერმა იოზუა კიმიხის ბრწყინვალე გადაცემა დააგვირგვინა.

იხილეთ ვიდეო.

8-04-2021, 00:23

sandro

მეტის ნახვა

მიუნხენის "ბაიერნისა" და "პსჟს" პირველი ტაიმი სტუმართა გამარჯვებით, ანგარიშით 1:2 დასრულდა.

სხვაობის მიუხედავად ძნელია იმის თქმა, რომ პარიზელები მეტოქეს რაიმე კომპონენტში ჯობიან.

"ბაიერნს" თითქმსი ყველა კომპონენტში მეტოქეზე უკეთესი ციფრები აქვს. ეს განსაკუთრებით კარგად ჩანს დარტყმებში, რომელიც 14 2-ის წინააღმდეგ არის.

ასევე, მიუნხენელებმა ჯამში 9 კუთხური მოაწოდეს, რაც ერთი ტაიმისთვის მართლაც წარმოუდგენლად დიდი რაოდენობაა.

სრული სტატისტიკა შემდეგნაირად გამოიყურება:

7-04-2021, 23:50

sandro

მეტის ნახვა

ერიკ მაქსიმ ჩუპო-მოტინგმა "ბაიერნისა" და "პსჟს" პირველი ტაიმის ბოლოს ანგარიშში სხვაობა მინიმუმამდე შეამცირა.

იხილეთ ვიდეო.

7-04-2021, 23:41

sandro

მეტის ნახვა

"ბაიერნისა" და "პსჟს" შეხვედრის 28-ე წუთზე სტუმრებმა ანგარიში 0:2 გახადეს.

"რეკორდმაისტერის" დაცვის უმძიმესი შეცდომის შემდეგ რაფა მარკინიოსმა გოლის გატანა მოახერხა.

იხილეთ ვიდეო.

7-04-2021, 23:32

sandro

მეტის ნახვა

"პსჟსთან" მატჩის დაწყებამდე მიუნხენის "ბაიერნის" ლიდერმა, რობერტ ლევანდოვსკიმ გერმანულ გამოცემა Sky-ს მცირე ინტერვიუ მისცა.

"მე ახლა სახლში ვარ, ოჯახთან ერთად. რა თქმა უნდა, მირჩევნოდა, რომ მინდორზე ვყოფილიყავი, მაგრამ ახლა ვერაფერს შევცვლით. სახლიდან ვქომაგობ ჩემს გუნდს."

"ყველაფერს ვაკეთებ, რათა მინდორზე მალევე დავბრუნდე. თუმცა, ეს მაშინ მოხდება, როდესაც თავს კარგად ვიგრძნობ." - აცხადებს ლევანდოვსკი.

პოლონელმა გამოცემასთან საუბრისას ასევე დაადასტურა, რომ ის "პსჟს" წინააღმდეგ განმეორებით მატჩში მონაწილეობას ვერ მიიღებს.

7-04-2021, 22:20

sandro

მეტის ნახვა

"ბაიერნისა" და "პსჟს" მატჩის დაწყებამდე მცირე ხნით ადრე "რეკორდმაისტერის" გვერდი სოციალურ სივრცეში პოსტს აქვეყნებს.

როგორც ჩანს, ამ მომენტში გერმანისი ქალაქ მიუნხენში თოვლია და გამონაკლისი არც "ალიანს არენაა".

იხილეთ კადრები "ბაიერნის" საშიანო არენადან:

7-04-2021, 22:14

sandro

მეტის ნახვა

ჩემპიონთა ლიგის 1/4 ფინალური ეტაპის პირველ მატჩში მიუნხენის "ბაიერნი" საკუთარ კედლებში "პსჟს" მიიღებს.

თამაშის დაწყებამდე მცირე ხნით ადრე გუნდების მთავარმა მწვრთნელებმა სასტარტო შემადგენლობები დაასახელეს.

"ბაიერნი": ნოიერი - პავარი, ზულე, ალაბა, ერნანდესი - კიმიხი, გორეცკა - სანე, მიულერი, კომანი - ჩუპო მოტინგი.

"პსჟ": ნავასი - დაგბა, მარკინიოსი, კიმპემბე, დიალო - გაიე, დანილო - დრაქსლერი, დი მარია, ნეიმარი - მბაპე.

7-04-2021, 21:54

sandro

მეტის ნახვა

სტატისტიკურმა გამოცემა Whoscored-მა საკუთარი რეიტინგების მიხედვით მიუნხენის "ბაიერნისა" და "პსჟს" კომბინირებული თერთმეტეული გამოავლინა.

შემადგენლობაში ის მოთამაშეები მოხვდნენ, რომლებსაც ჩემპიონთა ლიგის მიმდინარე სეზონში ყველაზე მაღალი რეიტინგები აქვს და დღეს გასამართ მატჩში მიიღებენ მონაწილეობას.

თერთმეტეულში "ბაიერნის" მხრიდან 6 ფეხბურთელი მოხვდა,

სრული შემადგენლობა შემდეგნაირად გამოიყურება:

7-04-2021, 16:23

sandro

მეტის ნახვა

გერმანული გამოცემა BILD ჰანს ფლიკის მომავალთან დაკავშირებით საგანგაშო ინფორმაციას ავრცელებს.

წყაროს ცნობით, 56 წლის სპეციალისტმა კლუბს აცნობა, ამჟამინდელი სიტუაციით უკმაყოფილოა და რომ ზაფხულში "ბაიერნის" რიგების დატოვების ვარიანტს განიხილავს.

მთავარ პრობლემას მისი და ჰასან სალიჰამიჯიჩის დაძაბული ურთიერთობა წარმოადგენს. მხარეები სხვა მრავალ საკითხთან ერთად ტრანსფერებზეც ვერ თანხმდებიან.

BILD-ის ინფორმაციით, ფლიკს გარკვეული ცვლილებები სურს ზაფხულში შემადგენლობის მხრივ, თუმცა, სალიჰამიჯიჩი სხვა აზრზეა. რაც შეეხება კლუბს, "ბაიერნში" მიიჩნევენ, რომ ტრანსფერები კლუბის ბორდის საქმეა, ხოლო მწვრთნელმა კი მის განკარგულებაში მყოფ ფეხბურთელებს უნდა მიხედოს.

როგორც ცნობილია, ფლიკს ამ ეტაპზე არ სურს გარკვეული საჯარო განცხადებების გაკეთება, რადგან ამით საფრთხეში ჩააგდებს "ბაიერნის" ამბიციებს ბუნდესლიგასა და ჩემპიონთა ლიგაზე. სეზონის დასრულების შემდეგ კი ის აუცილებლად ჩაატარებს შეხვედრებს კლუბის მესვეურებთან.

7-04-2021, 12:26

sandro

მეტის ნახვა

რამდენიმე დღის წინ გავრცელდა ინფორმაცია იმის შესახებ, რომ ჟერომ ბოატენგი სეზონის ბოლოს მიუნხენის "ბაიერნის" რიგებს დატოვებს.

ამ თემაზე კითხვა პრესკონფერენციაზე ჰანს ფლიკს დაუსვეს. როგორც ჩანს, უმნიშვნელოვანესი მატჩის წინ მსგავსი ინფორმაციის გუნდიდან გაჟონვამ "ბაიერნის" დამრიგებელი ძალიან გააბრაზა.

"არ ვიცი, ეს ინფორმაცია საიდან მოხვდა მედიაში." - სწორედ ასეთი პასუხი გასცა ფლიკმა დასმულ შეკითხვას.

როგორც BILD ავრცელებს, ბოატენგის თემა დიდი ხანია რაც ფლიკსა და სალიჰამიჯიჩს შორის კონფლიქტის ერთ-ერთი მიზეზია.

გუნდის დამრიგებელს სურს, რომ ვეტერანი მცველი "ბაიერნში" დარჩეს, თუმცა, საწინააღმდეგო აზრზეა სალიჰამიჯიჩი.

7-04-2021, 00:59

sandro

მეტის ნახვა

ფრანგული "პსჟს" პირველმა ნომერმა, კეილორ ნავასმა "ბაიერნთან" მატჩამდე მანუელ ნოიერზე ისაუბრა.

"ნოიერი დიდებული მეკარეა, თუმცა, ეს არ იქნება ჩვენი დუელი. ჩვენ არ ვთამაშოთ ჩოგბურთს და არც ერთმანეთს ვუპირისპირდებით ერთი-ერთზე."

"თანამედროვეობაში არაერთი დიდებული მეკარეა. საუკეთესოს ტიტულს ბევრი მათგანი იმსახურებს. ვფიქრობ, 5-6 მეკარის გამორჩევა შეიძლება." - აცხადებს ნავასი.

შეგახსენებთ, რომ "ბაიერნისა" და "პსჟს" 1/4 ფინალური ეტაპის პირველი მატჩი 7 აპრილს, თბილისის დროით 23:00 საათზე გაიმართება.

6-04-2021, 23:50

sandro

მეტის ნახვა