ცნობილმა იტალიურმა გამოცემა Tuttosport-მა 2020 წლის საუკეთესო ახალგაზრდა ფეხბურთელი გამოავლინა.

გამოკითხვაში, რომელშიც წამყვანი ევროპული გამოცემების რედაქტორები იღებდნენ მონაწილეობას, პირველი ადგილი დორტმუნდის "ბორუსიას" ამომავალმა ვარსკვლავმა, ერლინ ჰოლანდმა დაიკავა.

მიუნხენის "ბაიერნის" ვუნდერკინდი, ალფონსო დეივისი ნომინაციაში მხოლოდ და მხოლოდ მესამე ადგილს დასჯერდა და ზემოხსენებული ჰოლანდის გარდა ასევე ანსუ ფატის ჩამორჩა.

მეოთხე და მეხუთე ადგილებზე შესაბამისად ჯეიდონ სანჩო და ედუარდო კამავინგა გავიდნენ.

21-11-2020, 14:21

sandro

მეტის ნახვა

გერმანიის ბუნდესლიგის მომდევნო ტურის შეხვედრაში მიუნხენის "ბაიერნი" ბრემენის "ვერდერს" უმასპინძლებს.

გთავაზობთ "რეკორდმაისტერის" სავარაუდო თერთმეტეულს მომავალი შეხვედრისთვის.

ნოიერი - პავარი, ბოატენგი, ალაბა, ერნანდესი - ხავი მარტინესი, გორეცკა - გნაბრი, მიულერი, კომანი - ლევანდოვსკი.

20-11-2020, 14:50

sandro

მეტის ნახვა

მიუნხენის "ბაიერნის" ვარსკვლავმა, ჟერომ ბოატენგმა თავის მომავალზე მოულოდნელი განცხადება გააკეთა.

"ყოველთვის ვამბობდი, რომ სიახლეების გამოცდა მსურდა. ახალი გამოწვევების მიღება და გადალახვა მიყვარს. მომავალში ცვლილებებს არ გამოვრიცხავ. თუმცა, ახლა მხოლოდ მოპოვებული 5 ტიტულის დაცვაზე ვფიქრობ."

"ბოლო თვეების განმავლობაში თავს ძალიან კარგ ფორმაში ვგრძნობ. მჯერა, რომ უმაღლეს დონეზე თამაში კვლავ შემიძლია." - აცხადებს ბოატენგი.

19-11-2020, 21:52

sandro

მეტის ნახვა

ევროპულმა გამოცემებმა მსოფლიოს საკლუბო ჩემპიონატის საპრიზო ფონდის დეტალები გამოაქვეყნეს.

იმ შემთხვევაში, თუ მიუნხენის "ბაიერნი" ჩემპიონობას მოახერხებს, მაშინ გუნდი დაახლოებით 10 მილიონ ამერიკულ დოლარს მიიღებს. მეორეადგილოსანი 5 მილიონს, მესამე და მეოთხეადგილოსნები კი შესაბამისად 4 და 3 მილიონ აშშ დოლარს.

მოგეხსენებათ, "რეკორდმაისტერი" ტურნირს 1/2 ფინალიდან იწყებს, რაც ნიშნავს, რომ კლუბს გარანტირებული აქვს 3 მილიონი ევროს მიღება.

შეგახსენებთ, რომ FIFA-ს გადაწყვეტილებით ტურნირი 2021 წლის თებერვალში ჩატარდება.

19-11-2020, 21:26

sandro

მეტის ნახვა

მიუნხენის "ბაიერნის" ცენტრალურმა მცველმა, ჟერომ ბოატენგმა საინტერესო განცხადება გააკეთა.

"მე მთლიანად ფოკუსირებული ვარ გასულ სეზონში მოგებული 5 ტიტულის შენარჩუნებაზე. როდესაც დრო მოვა, სიამაყით გავიხსენებ ამ პერიოდსა და მიღწევებს."

"თავს ძალიან კარგად ვგრძნობ და ვფიქრობ, რომ ჯერ კიდევ ვინარჩუნებ მაღალ ფორმას. ამაში ყველაზე დიდი წვლილი, რა თქმა უნდა, ჰანს ფლიკსა და ჩემს თანაგუნდელებს მიუძღვით, რომლებიც გვერდში მიდგანან."

"პრესაში წავიკითხე რომ თითქოს კონტრაქტს არ ვახანგრძლივებ და წასვლა გადაწყვეტილი მაქვს და ამან ძალიან გამაკვირვა, რადგან მტკნარი სიცრუეა. თუმცა, ახლა ამ თემაზე ნაკლებად ვფიქრობ."

"დავიდზე მხოლოდ ერთი რამის თქმა შემიძლია. ის დიდებული ადამიანი და პიროვნებაა და როგორც პრესაში ახასიათებენ, თითქოს ის ფულზე დახარბებულია, ეს არ შეესაბამება სიმართლეს."

"ფლიკთან პირველი შეხვედრის დროს მან მითხრა: "ჟერომ, ვიცი რისი გაკეთება შეგიძლია. მთავარია ფორმაში ჩადგე." დეკემბერში მან მითხრა, რომ ჩემი გადასაწყვეტი იყო წასვლა-დარჩენის საკითხი, მაგრამ, მას ჩემი შენარჩუნება გაახარებდა."

"ჰანს ფლიკმა ჩემში დაინახა, რომ ჯერ კიდევ შემეძლო მაღალ დონეზე თამაში და ამან თავდაჯერება შემმატა. სულ ეს იყო რაც მჭირდებოდა."

"გერმანიის ნაკრებზე ჩემი პოზიცია არაერთხელ დამიფიქსირებია და ნაკრების პოზიციაც ნათელია. მწვრთნელის სურვილის შემთხვევაში მე არ გამოვრიცხავ დაბრუნებას, თუმცა, მთავარია შესაბამის ფორმაში ვიყო." - აცხადებს ბოატენგი.

19-11-2020, 20:02

sandro

მეტის ნახვა

დღეს ქალთა ჩემპიონთა ლიგის საკვალიფიკაციო ეტაპის მატჩი გაიმართა, რომელშიც ლანჩხუთის "გურია" რუმინულ "კლუჟს" ესტუმრა და ანგარიშით 0:1 დაამარცხა.

აღსანიშნავია, რომ ქართველმა გოგონებმა ამ წარმატებით ჩემპიონთა ლიგის დასკვნით ეტაპზე მონაწილეობის უფლება მოიპოვეს.

დასკვნითი ეტაპი პლეი-ოფისგან შედგება და მასში ევროპის 32 საუკეთესო გუნდი იღებს მონაწილეობას, რომელთა შორის არიან ისეთი გრანდებიც, როგორებიც არიან მიუნხენის "ბაიერნის", კატალონიის "ბარსელონას" და სხვა ქალთა გუნდები.

შესაბამისად, არის შესაძლებლობა იმისა, რომ "გურია" სწორედ ამ გრანდებიდან ერთ-ერთს შეხვდეს და საქართველოში რომელიმე მათგანი ვიხილოთ.

ჩვენი გვერდის სახელით ვულოცავთ ლანჩხუთურ კლუბს ამ დიდ წარმატებას.

19-11-2020, 19:14

sandro

მეტის ნახვა

მადრიდის "რეალის" მთავარი მწვრთნელი, ზინედინ ზიდანი მიუნხენის "ბაიერნის" ვარსკვლავს, დავიდ ალაბას ითხოვს.

გერმანული გამოცემა Kicker-ს ინფორმაციით, "სამეფო კლუბის" დამრიგებელს ახალი ცენტრალური მცველი ესაჭიროება გუნდში და მთავარ კანდიდატად სწორედ ავსტრიელ მოთამაშეს განიხილავს.

მოგეხსენებათ, ალაბას "ბაიერნის" ხელმძღვანელობასთან სიტუაცია არეული აქვს და ახალი კონტრაქტის გაფორმებას არ აპირებს. შესაბამისად, დიდი ალბათობით ის სეზონის ბოლოს თავისუფალი აგენტის სტატუსით დატოვებს გუნდს.

წყაროს ცნობით, მხარეებს შორის მოლაპარაკებები უკვე დაწყებულია და ახლა ჯერი ხელფასის ოდენობაზეა.

19-11-2020, 15:50

sandro

მეტის ნახვა

მოგეხსენებათ, მიუნხენის "ბაიერნის" ცენტრალურ მცველს, ჟერომ ბოატენგს კლუბთან კონტრაქტი სეზონის დასრულების შემდეგ ეწურება და დიდი ალბათობით, მისი გახანგრძლივება არ მოხდება.

გამოცდილი ფეხბურთელის დასამატებლად არაერთი ევროპული გრანდი იბრძვის, მათ სიას კი იტალიური "მილანიც" შეუერთდა.

იტალიური გამოცემების ინფორმაციით, "როსონერიში" დარწმუნებულები არიან, რომ ბოატენგი დაცვის ხაზს მნიშვნელოვნად გააძლიერებს და გუნდს ჩემპიონობაში დაეხმარება. მის დასამატებლად მოლაპარაკებები უკვე დაწყებულია.

შეგახსენებთ, რომ ბოატენგის გადაბირება ასევე ბრიტანულ გუნდებს, "არსენალსა" და "ჩელსისაც" სურთ.

18-11-2020, 20:45

sandro

მეტის ნახვა

გერმანიის ეროვნული ნაკრებისა და მიუნხენის "ბაიერნის" კაპიტანმა, მანუელ ნოიერმა ვეტერანი ფეხბურთელების გამოძახების თემაზე კომენტარი გააკეთა.

"სამივე ეს ფეხბურთელი ეროვნულ გუნდს ძალიან გამოდგებოდა. ეს მათ წარსულშიც დაამტკიცეს. თანაც, არც ჟერომს, არც მატსს და არც თომასს სანაკრებო კარიერა ჯერ არ დაუსრულებიათ."

"რა თქმა უნდა, ეს გარკვეული სახის პრობლემაა. ვნახოთ, როგორ მოგვარდება ის. თუმცა, ნაკრებში ფეხბურთელის გამოძახება მთავარი მწვრთნელის პრეროგატივაა." - აცხადებს მანუ. 

18-11-2020, 19:10

sandro

მეტის ნახვა

გერმანიის ეროვნული ნაკრების ბოლოდროინდელი შედეგებიდან გამომდინარე ვარაუდობენ, რომ სულ მალე იოახიმ ლიოვი გუნდს დატოვებს.

გერმანული გამოცემა BILD-ის ინფორმაციით, ბუნდესნაკრებში გადაწყვეტილება უკვე მიღებულია და შედეგების მიუხედავად 60 წლის სპეციალისტი ევროპის ჩემპიონატის შემდეგ გუნდს დატოვებს.

წყაროს ცნობით, ფედერაციაში მის შემცვლელად ორ ვარიანტს განიხილავენ. ესენი არიან ჰანს ფლიკი და იურგენ კლოპი.

მოგეხსენებათ, ფლიკი წლების მანძილზე მუშაობდა ნაკრებში  მწვრთნელის ასისტენტად. ახლა კი ფედერაცია მოლაპარაკებებს იწყებს, რათა ის მთავარ მწვრთნელად მიიწვიონ.

იურგენ კლოპი კი უფრო მეტად სათადარიგო ვარიანტია. გერმანელ სპეციალისტს "ლივერპულთან" კონტრაქტი 2024 წლამდე აკავშირებს და ნაკლებად სავარაუდოა, რომ მანამდე კლუბი დატოვოს.

18-11-2020, 15:13

sandro

მეტის ნახვა

ლეგენდარულმა გერმანელმა ნახევარმცველმა, ბასტიან შვაინშტაიგერმა ესპანეთთან მარცხის შეფასება გააკეთა.

"ეს საშინელება იყო, დიდი დარტყმა ზურგში. ყველაზე ცუდი არა მარცხი და ანგარიში, არამედ გუნდის შემართება იყო. შეგრძნება მქონდა, რომ გერმანიის ნაკრები გუნდი არ იყო."

"არცერთი გერმანელი ფეხბურთელის შეძახილი არ ისმოდა. მინდვრიდან მხოლოდ და მხოლოდ ესპანელების ხმას გაიგონებდი."

"ასეთი მატჩის მერე ყველაფერს ხაზი არ უნდა გადაუსვა, თუმცა უნდა გაანალიზო. უნდა შეცვალო რაღაცები. არ შეიძლება გერმანიის ნაკრები ასე გამოვიდეს. ამ გუნდს აქვს გარკვეული ღირებულებები, რომლებიც აუცილებლად დასაცავია." - აცხადებს ბასტი.

18-11-2020, 12:35

sandro

მეტის ნახვა

ბოლო დროს ნაჩვენები შედეგებისა და ესპანეთთან განცდილი 6:0 მარცხის შემდეგ ბევრი ვარაუდობდა, რომ იოახიმ ლიოვს დაკავებული თანამდებობიდან გაუშვებდნენ.

აღნიშნულ თემაზე კომენტარი გერმანიის ეროვნული ნაკრების დირექტორმა, ოლივერ ბიერხოფმა გააკეთა.

"დარჩება თუ არა ლიოვი ევრო 2020-მდე? რა თქმა უნდა კი. ეს თამაში არაფერს ცვლის. ჩვენ ვენდობით ლიოვს და ეჭვი არ გვეპარება არაფერში."

"როდესაც საქმე ეროვნული ნაკრების მწვრთნელს ეხება, ჩვენ ტურნირიდან ტურნირამდე ვაფასებთ მას. გვსურს ევროპის ჩემპიონატზე მაქსიმალურ წარმატებას მივაღწიოთ." - აცხადებს ბირხოფი.

18-11-2020, 10:27

sandro

მეტის ნახვა

გერმანიის ეროვნული ნაკრების მთავარმა მწვრთნელმა, იოახიმ ლიოვმა ესპანეთთან განცდილი მტკივნეული მარცხის შემდეგ პირველი კომენტარი გააკეთა.

"რთულია რაიმე განმარტების გაკეთება. ყველაფერი არასწორად წაგვივიდა. პირველივე ტაიმში სამი ბურთით ჩამოვრჩით მეტოქეს."

"მეორე ტაიმში პერსონალური მეურვეობა ვცადეთ, პრესინგზე გადავედით და გოლის გატანას შევეცადეთ, მაგრამ ესპანელებმა შანსი არ დაგვიტოვეს. ისინი ჩვენზე სწრაფები და ზუსტები იყვნენ." - აცხადებს ლიოვი.

18-11-2020, 02:14

sandro

მეტის ნახვა

გერმანიის ეროვნული ნაკრების ლიდერმა, ტონი კროოსმა ესპანეთთან გამანადგურებელი, 6-0 მარცხის შემდეგ პირველი კომენტარი გააკეთა.

"ეს, შესაძლოა, ჩემს კარიერაში ყველაზე მძიმე მარცხი არ არის, თუმცა, ერთ-ერთი ყველაზე მტკივნეული ნამდვილადაა."

"ჩვენ მათი შეჩერება უბრალოდ ვერ შევძელით. ესპანეთმა გვანახა, თუ როგორ უნდა შეუტიოს გუნდმა." - აცხადებს კროოსი.

18-11-2020, 02:01

sandro

მეტის ნახვა

რამდენიმე წუთის წინ დასრულდა ერთა ლიგის ჯგუფური ეტაპის ბოლო ტურის შეხვედრა, რომელშიც გერმანია ესპანეთთან განადგურდა - 6:0.

აღსანიშნავია, რომ გუნდმა ამ შედეგის "წყალობით" ახალი ანტირეკორდი დაამყარა.

კერძოდ, ისტორიაში ბუნდესნაკრები 4 ბურთზე მეტის სხვაობით ოფიციალურ შეხვედრაში არასდროს დამარცხებულა. დღეს კი, როგორც ხედავთ, ყველაზე მტკივნეული წაგება განიცადა გუნდმა.

უკანასკნელად გერმანია 6 ბურთის სხვაობით 1931 წელს დამარცხდა და ისიც ამხანაგურ შეხვედრაში, ავსტრიის წინააღმდეგ, 6-0

18-11-2020, 01:45

sandro

მეტის ნახვა

ერთა ლიგის ჯგუფური ეტაპის ბოლო ტურის მატჩში გერმანიის ეროვნული ნაკრები ესპანეთს ესტუმრა და განადგურდა - 6:0.

გთავაზობთ ფეხბურთელების შეფასებებს გამოცემა Whoscored-ის ვერსიით.

18-11-2020, 01:37

sandro

მეტის ნახვა