მიუნხენის "ბაიერნის" ლეგენდარულმა მწვრთნელმა, იუპ ჰაინკესმა ისტორიაში საუკეთესო ნახევარდაცვის სამეული დაასახელა.

"ხავი ყველა დროის ერთ-ერთი საუკეთესო ფეხბურთელია. მას მინდორზეც და მის გარეთაც დიდი ავტორიტეტი ჰქონდა."

"ვფიქრობ, ხავის, ინიესტას და ბუსკეტსის ტრიომ ისტორიაში საუკეთესო ნახევარდაცვის ხაზი ჩამოაყალიბეს."

"ხავის მსგავსი ფეხბურთელის პოვნა ძალიან რთულია. ის თამაშის ტემპს სრულად წარმართავდა. მესის პროგრესში უდიდესი როლი სწორედ მან ითამაშა." - აცხადებს ჰაინკესი.

27-04-2021, 00:03

sandro

მეტის ნახვა

დიდი ალბათობით, მომავალი სეზონიდან მიუნხენის "ბაიერნის" მთავარი მწვრთნელის პოსტს იულიან ნაგელსმანი ჩაიბარებს.

საინტერესოა, რომ 33 წლის სპეციალისტის დამატებით "რეკორდმაისტერი" ახალ სატრანსფერო რეკორდს დაამყარებს, მწვრთნელებს შორის.

კერძოდ, იმ შემთხვევაში თუ კლუბი "ლაიფციგის" მიერ მოთხოვნილ ნაგელსმანის გამოსასყიდ თანხას, 25 მილიონ ევროს გადაიხდის, ეს ისტორიაში ყველაზე დიდი საფასური იქნება.

ამ დრომდე ყველაზე დიდი თანხა მწვრთნელის კონტრაქტის გამოსასყიდად "ჩელსის" ჰქონდა გადახდილი. 2011 წელს კლუბმა ვილაშ ბოაშის სანაცვლოდ 16 მილიონი ევრო გადაიხადა.

26-04-2021, 23:46

sandro

მეტის ნახვა

მოგეხსენებათ, დიდი ალბათობით, მიმდინარე სეზონის დასრულების შემდეგ "ბაიერნის" მთავარი მწვრთნელის პოსტს ჰანს ფლიკი დატოვებს. სავარაუდოდ, ის გერმანიის ნაკრებს შეუერთდება.

მთავარი პრობლემა ფლიკის კონტრაქტია, რომელიც მას კლუბთან 2023 წლამდე აკავშირებს. წყაროების ცნობით, "რეკორდმაისტერი" მის გასაწყვეტად 7 მილიონ ევროს ითხოვს, ბუნდესნაკრები კი ამ თანხის გადახდას არ აპირებს.

გამოცემა Kicker-ის ინფორმაციით, გერმანიის ფეხბურთის ფედერაციაში 53 წლის სპეციალისტის კონტრაქტის გამოსასყიდად საინტერესო ხერხს მიაგნეს - ამხანაგური მატჩის გამართვა.

კერძოდ, საზაფხულო შესვენების დროს გერმანიის ნაკრები და მიუნხენის "ბაიერნი" ერთმანეთს დაუპირისპირდებიან. ბილეთებისა და ტრანსლირების უფლებიდან შემოსულ ფულს კი "რეკორდმაისტერი" მიიღებს.

როგორც ცნობილია, მანუელ ნოიერი, იოზუა კიმიხი, ლეონ გორეცკა, ლეროი სანე და ნიკლას ზულე ორივე გუნდის შემადგენლობაში თითო ტაიმს ჩაატარებენ.

26-04-2021, 22:35

sandro

მეტის ნახვა

გერმანული გამოცემა Sky-ს ინფორმაციით, მიუნხენის "ბაიერნის" მომავალი მთავარი მწვრთნელის ბედი უკვე გადაწყვეტილია.

წყაროს ცნობით, "რეკორდმაისტერი" დიდი ხანია იულიან ნაგელსმანთან აწარმოებს მოლაპარაკებებს და შეთანხმებაც სულ მალე შედგება.

როგორც ცნობილია, დაახლოებით 48 საათის განმავლობაში კლუბი უკვე ოფიციალურად დაადასტურებს, რომ მომავალი სეზონიდან "ბაიერნს" 33 წლის სპეციალისტი ჩაიბარებს.

მიუნხენელები ნაგელსმანის სანაცვლოდ "ლაიფციგს" 25 მილიონ ევროს გადაუხდიან.

26-04-2021, 19:34

sandro

მეტის ნახვა

მას შემდგომ, რაც ჰანსი ფლიკმა მიუნხენის "ბაიერნიდან" წასვლა დააანონსა, არ წყდება საუბრები მის პოტენციურ შემცვლელთან დაკავშირებით.

გერმანულმა გამოცემა BR24-მა ჰერბერტ ჰაინერს კითხვა დაუსვა იმის შესახებ, გაწვრთნის თუ არა "რეკორდმაისტერს" იულიან ნაგელსმანი, რაზეც ჰაინერმა ორაზროვანი პასუხი გასცა.

"ბაიერნი ყველა ადამიანისთვის ძალიან მიმზიდველი ადგილია. დამერწმუნეთ, ჩვენს გუნდს მომავალ სეზონშიც შესანიშნავი მწვრთნელი ეყოლება." - აცხადებს ჰაინერი.

26-04-2021, 12:20

sandro

მეტის ნახვა

მიუნხენის "ბაიერნის" ლიდერი, რობერტ ლევანდოვსკი კარიერის დასრულებაზე ალაპარაკდა.

"ამჟამად მსოფლიოს საუკეთესო გუნდში ვთამაშობ და მსურს, რომ რაც შეიძლება დიდხანს გაგრძელდეს ეს."

"ვფიქრობ, კიდევ 5 წლის განმავლობაში შემიძლია უმაღლეს დონეზე დავრჩე. ამ დრომდე კარიერის დასრულებას არ ვაპირებ." - აცხადებს ლევანდოვსკი.

25-04-2021, 23:33

sandro

მეტის ნახვა

სოციალურ ქსელებში მიუნხენის "ბაიერნის" 2021/22 წლების სეზონის საშინაო ფორმის ფოტოები გავრცელდა.

მიმდინარე სეზონისგან განსხვავებით, მომავალი სეზონის ფორმაში შუა, მკრთალი ხაზები გამქრალია. გარდა ამისა, მხრების ადგილზე ადიდასის თეთრი ხაზები არის დამატებული.

იხილეთ ფოტოები:



ეს კი შესადარებლად მიმდინარე სეზონის ფორმა:

25-04-2021, 20:21

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ ჰანსი ფლიკის წასვლის თაობაზე ისაუბრა.

"ვადასტურებ, ფლიკმა მართლაც გვითხრა, რომ მას კლუბიდან წასვლა სურს, თუმცა, შევთანხმდით, რომ "მაინცთან" მატჩის შემდეგ სასაუბროდ დავსხდებოდით."

"ერთი რამ ნათელია. თუ მის მოთხოვნას დავაკმაყოფილებთ, ისეთი გამოსავალი უნდა ვიპოვოთ, რომლითაც ყველა მხარე კმაყოფილი დარჩება."

"მაინცთან მატჩის შემდეგ ორი კვირის განმავლობაში მატჩების ჩატარება არ გვიწევს. ეს დიდი დროა."

"ჯერ-ჯერობით საბოლოოდ გადაწყვეტილი არაფერია. მოლაპარაკებების შემდეგ საბოლოო გადაწყვეტილებას გულშემატკივრები გაიგებენ." - აცხადებს რუმენიგე.

25-04-2021, 12:38

sandro

მეტის ნახვა

გერმანიის ბუნდესლიგის 31-ე ტურში მიუნხენის "ბაიერნი" სტუმრად "მაინცს" დაუპირისპირდა და ანგარიშით 2:1 დამარცხდა.

"რეკორდმაისტერის" მხრიდან ერთადერთი გოლი ტრავმის შემდეგ დაბრუნებულმა რობერტ ლევანდოვსკიმ გაიტანა.

პოლონელს ბუნდესლიგის 2020/21 წლების სეზონში უკვე 36 გოლი აქვს გატანილი. ყველა დროის რეკორდი კი სწორედ ზემოხსენებულ ფეხბურთელს ეკუთვნის, რომელმაც 1971/72 წლების სეზონში 40 გოლი გაიტანა.

შესაბამისად, დარჩენილ 3 ტურში ლევანდოვსკის 4 გოლი სჭირდება ხსენებული შედეგის გასამეორებლად. 5 გოლის შემთხვევაში კი ახალ რეკორდს დაამყარებს.

24-04-2021, 21:19

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "მაინცთან" მატჩის შემდეგ პრესასთან ისაუბრა.

"პირველ რიგში, კომპლიმენტები ჩვენს დღევანდელ მეტოქეს. მათ სწრაფი გოლები გაიტანეს და კარი ძალიან კარგად დაიცვეს. პირველ ტაიმში ვერაფერი შევძელით."

"მეორე ტაიმში შედარებით უკეთესად ავთამაშდით, თუმცა, გუნდს გადაღლა ეტყობოდა, ეს უნდა გაიგოთ. საკმარისად ძლიერები არ აღმოვჩნდით."

"ყველა თამაშის მოგება გვსურს, დღესაც ეს იყო მიზანი. მაგრამ, საკუთარი თავი კარგად ვერ წარმოვაჩინეთ და ამას უნდა შევეგუოთ."

"გავიფორმებთ თუ არა ხვალ ტიტულს? სხვა გუნდების მატჩებზე არასდროს ვფიქრობ. ჩემი საფიქრალი მხოლოდ "ბაიერნის" მომავალი მატჩებია." - აცხადებს ფლიკი.

24-04-2021, 21:08

sandro

მეტის ნახვა

"მაინცისა" და "ბაიერნის" შეხვედრის საწყის წუთებში მანუელ ნოიერის შეცდომით მასპინძლები დაწინაურდნენ.

იხილეთ ვიდეო.

24-04-2021, 17:46

sandro

მეტის ნახვა

გერმანიის ბუნდესლიგის 31-ე ტურში მიუნხენის "ბაიერნი" სტუმრად "მაინცს" დაუპირისპირდება.

მატჩის დაწყებამდე მცირე ხნით ადრე ჰანს ფლიკმა სასტარტო შემადგენლობა დაასახელა.

ნოიერი - პავარი, ბოატენგი, ალაბა, დეივისი - კიმიხი, გორეცკა - სანე, მიულერი, კომანი - ლევანდოვსკი.

24-04-2021, 16:32

sandro

მეტის ნახვა

ანდალუსიის "სევილიას" ნახევარმცველმა, ივან რაკიტიჩმა განაცხადა, რომ მას მიუნხენის "ბაიერნში" თამაშის შანსი ჰქონდა.

"ბაიერნს ჩემი ტრანსფერი შესთავაზეს 2019 წელს, თუმცა, მე ეს არ ვიცოდი. სამწუხაროა, რომ სალიჰამიჯიჩმა ეს წინადადება უარით გაისტუმრა. დიდი სიამოვნებით ვითამაშებდი ნოიერთან ერთად."

"ამ კლუბში თამაში ნებისმიერი ფეხბურთელისთვის დიდი პატივია. გასული წლების მანძილზე "ბაიერნმა" დიდი პროგრესი განიცადა. ამის შემხედვარე მხოლოდ შეგიძლია მიულოცო ამ წარმატების შემოქმედებს."

"ჩემპიონთა ლიგიდან გავარდნის მიუხედავად "ბაიერნი" ევროპის საუკეთესო კლუბია. სამწუხაროა, რომ ამ გუნდში თამაშის საშუალება არ მომეცა." - აცხადებს რაკიტიჩი.

24-04-2021, 14:33

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "მაინცთან" მატჩამდე პრესკონფერენცია ჩაატარა.

"ბუნდესლიგაში 34 ტურის შემდეგ პირველ ადგილზე ყოფნა დიდი პატივია. ეს ძალიან მნიშვნელოვანი ტურნირია ყველა მონაწილე გუნდისთვის."

"ლევანდოვსკის დიდი მიზანი აქვს, გერდ მიულერის რეკორდის მოხსნა. ის, გორეცკა და გნაბრი გუნდს დაუბრუნდნენ. შემადგნელობა ეტაპობრივად ივსება."

"მაინცთან მატჩის შემდეგ ორკვირიანი პაუზა გვაქვს. ფეხბურთელებს დასვენების საშუალება მიეცემათ. გადაბმულად ამდენი თამაშის ჩატარების შემდეგ ეს საჭირო იყო."

"რუმენიგეს დიდი გამოცდილება აქვს. ის იმსახურებდა UEFA-ში მსგავს თანამდებობას."

"ყველაფერს აქვს თავისი საზღვრები. ოჯახის შეურაცხყოფა არ შეიძლება. ჩემსა და სალიჰამიჯიჩს შორის კონფლიქტი არ ყოფილა. მან უდიდესი როლი ითამაშა გუნდის წარმატებაში."

"ტიტულის შენარჩუნება ჩვენი მიზანია, თუმცა, "მაინცმა" ძალიან კარგი მატჩები ჩაატარა ბოლო ტურებში." - აცხადებს ფლიკი.

23-04-2021, 18:13

sandro

მეტის ნახვა

მას შემდგომ, რაც სუპერლიგის არაერთმა კლუბმა ტურნირის დატოვების შესახებ მიიღო გადაწყვეტილება, გაჩნდა ცნობები, რომ მათ გარკვეული სახის ჯარიმის გადახდა მოუწევთ. ეს ცნობა ფლორენტინო პერესმაც დაადასტურა ინტერვიუს დროს, თუმცა, ზუსტი თანხა არ დაუსახელებია.

ევროპული გამოცემების ინფორმაციით, ჯარიმა საკმაოდ სოლიდურია და ის არანაკლებ 300 მილიონ ევროს შეადგენს.

როგორც ცნობილია, სუპერლიგაში შესულ ყველა კლუბს კონტარქტზე ჰქონდა მოწერილი ხელი, რომლის დარღვევის შემთხვევაშიც სწორედ ზემოხსენებული თანხის გადახდა მოუწევთ.

შეგახსენებთ, რომ სუპერლიგის დატოვება 12-დან 9 კლუბმა დაადასტურა. ამ დრომდე ტურნირზე რჩებიან მადრიდის "რეალი", კატალონიის "ბარსელონა" და ტურინის "იუვენტუსი".

23-04-2021, 12:28

sandro

მეტის ნახვა

იტალიური გამოცემა Calciomercato-ს ინფორმაციით, "პსჟს" ნახევარმცველს, იულიან დრაქსლერს მიუნხენის "ბაიერნში" სურს კარიერის გაგრძელება.

გერმანელ ნახევარმცველს კლუბთან კონტრაქტი სეზონის დასრულების შემდეგ ეწურება და თავისუფალი აგენტი ხდება.

წყაროს ცნობით, დრაქსლერის აგენტი უკვე დაუკავშირდა "ბაიერნის" წარმომადგენლებს და მისი კლიენტი შესთავაზა.

ჯერ-ჯერობით უცნობია თავად "რეკორდმაისტერის" პოზიცია. დიდი ალბათობით, ზაფხულში მიუნხენელები უპამეკანოს ტრანსფერის შემდეგ დიდი თანხების გადახდას მოერიდებიან და არ არის გამორიცხული, დრაქსლერი უფასოდ დაიმატონ.

23-04-2021, 00:04

sandro

მეტის ნახვა