გერმანიის ბუნდესლიგის მეშვიდე ტურში მიუნხენის "ბაიერნი" დორტმუნდის "ბორუსიას" ესტუმრა და 2:3 დაამარცხა.

"რეკორდმაისტერის" მხრიდან სრული, 90 წუთი გაატარა მინდორზე ლიდერმა, თომას მიულერმა. აღსანიშნავია, რომ ამ გამარჯვებით მან ისტორიული მიღწევა დაამყარა.

კერძოდ, ეს მიულერისთვის რიგით 261-ე გამარჯვება გახლავთ გერმანიის ბუნდესლიგაში, რითაც მან ლეგენდარული ოლივერ კანი ჩამოიტოვა და გუნდის ახალი რეკორდსმენი გახლდა.

აღსანიშნავია, რომ ამ შედეგით ხსენებულ ფეხბურთელებს მხოლოდ "ჰამბურგის" ლეგენდა, მანფრედ კალცი უსწრებს, რომელსაც 291 გამარჯვება აქვს ბუნდესლიგაში. შესაბამისად, თომასს მაქსიმუმ 2 სეზონში შეუძლია ამ რეკორდის მოხსნა.

10-11-2020, 00:05

sandro

მეტის ნახვა

ბერგამოს "ატალანტას" გერმანელმა ფეხბურთელმა, რობინ გოსენსმა "ბაიერნის" ფეხბურთელებზე ემოციურად ისაუბრა.

"ეროვნულ ნაკრებში მეორე ვარჯიშის ჩატარების შემდეგ ჩემს შეყვარებულს დავურეკე და ვუთხარი:

"იცი რა არის ნამდვილი სიგიჟე? როდესაც ეს ბიჭები ("ბაიერნის" ფეხბურთელები) მინდორზე გამოდიან, შენში გამარჯვებულის მენტალიტეტი საოცრად იზრდება." - აცხადებს გოსენსი.

9-11-2020, 23:45

sandro

მეტის ნახვა

ოთხშაბათს ამხანაგური შეხვედრა გაიმართება, რომელშიც გერმანიის ეროვნული ნაკრები ჩეხეთს უმასპინძლებს.

ბუნდესნაკრების ძირითადი გუნდის წევრები, მანუელ ნოიერი, მატიას გინტერი, სერჟ გნაბრი, ლეონ გორეცკა, ტონი კროოსი, ლეროი სანე და ტიმო ვერნერი ამ თამაშში დაისვენებენ.

გთავაზობთ გერმანიის ნაკრების სავარაუდო თერთმეტეულს მომავალი დაპირისპირებისთვის.

ტრაპი - ტაჰი, კოხი, რუდიგერი - ჰენრიქსი, გუნდოგანი, ნეუჰაუსი, მაქსი - ჰოფმანი, ბრანდტი - ვოლდშმიტი.

9-11-2020, 22:58

sandro

მეტის ნახვა

2015 წელს ევროპის ჩემპიონატის საკვალიფიკაციო ეტაპის მატჩი გაიმართა, რომელშიც საქართველოს ეროვნული ნაკრები გერმანიას ესტუმრა და 2:1 დამარცხდა.

იმ შეხვედრაში "ჯვაროსნები" მართლაც ბრწყინვალედ გამოიყურებოდნენ. გთავაზობთ მანუელ ნოიერის კომენტარს ამ თამაშის შემდეგ.

"რთული შეხვედრა გამოგვივიდა. განსაკუთრებული კონცენტრაცია და სიფხიზლე გვჭირდებოდა, რადგან მეგონა საქართველოს კი არა ესპანეთს ან იტალიას ვეთამაშებოდით." - განაცხადა მანუმ.

9-11-2020, 20:38

sandro

მეტის ნახვა

მოგეხსენებათ, წარსულში არაერთ დიდებულ ქართველ ფეხბურთელს უთამაშია გერმანიის ბუნდესლიგაში და ბევრმა მათგანმა დიდი კვალიც დატოვა საკუთარ გუნდებში.

მათ შორის ერთ-ერთი გამორჩეული ლევან კობიაშვილი გახლდათ, რომელიც წლების მანძილზე იცავდა გელზერკიხენის "შალკეს" ღირსებას.

2016-17 წლების სეზონში "შალკე" მიუნხენის "ბაიერნს" შინ დაუპირისპირდა. მატჩის მიმდინარეობის დროს კობიმ საოცარი გასროლით აიღო ოლივერ კანის კარი.

გავიხსენოთ ეს ლეგენდარული გოლი.

9-11-2020, 20:22

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა დავიდ ალაბას მდგომარეობაზე ისაუბრა.

"ის აქ ძალიან დიდი ხანია რაც თამაშობს. პროფესიონალ ფეხბურთელად დავიდი "ბაიერნში" ჩამოყალიბდა და ახლა ის გუნდის ერთ-ერთი საკვანძო ფეხბურთელია. ასე რომ, კარგი იქნება, თუ დარჩება."

"ახლა ალაბა მარტო ზის საჭესთან. თავისი მომავალი მხოლოდ მისსავე ხელშია. გადაწყვეტილება პირადად მან უნდა მიიღოს." - აცხადებს ფლიკი.

9-11-2020, 19:50

sandro

მეტის ნახვა

ევროპის წამყვან ჩემპიონატებში უკვე საწყისი 7-8 ტური მიილია და დაახლოებით ვიცით, თუ რომელი ფეხბურთელები იბრძოლებენ ოქროს ბუცის პრიზისთვის.

გასაკვირი არ იქნება თუ გეტყვით, რომ ამჟამად ჩამონათვალს მიუნხენის "ბაიერნის" ფორვარდი, რობერტ ლევანდოვსკი ლიდერობს.

პოლონელ ფეხბურთელს 11 გოლი აქვს გატანილი და შესაბამისად 22 ქულა დაგროვებული, მეორე ადგილოსან მოთამაშეებს კი 8 ქულით ასწრებს.

ამ მომენტისთვის ოქროს ბუცი 2021-ისთვის მებრძოლთა სია შემდეგნაირად გამოიყურება:

9-11-2020, 18:12

sandro

მეტის ნახვა

გერმანიის ეროვნული ნაკრების მთავარმა მწვრთნელმა, იოახიმ ლიოვმა ეროვნულ გუნდში ვეტერანი ფეხბურთელების, ჟერომ ბოატენგის, თომას მიულერისა და მატს ჰუმელსის შესაძლო დაბრუნებაზე ისაუბრა.

"ჩვენ უკვე მივიღეთ გადაწყვეტილება ამ თემასთან დაკავშირებით და შეცვლა არ იგეგმება. ახლა უკან დაბრუნება ნამდვილად არ შეგვიძლია."

"თუ მომავალ წელს სცენარი რადიკალურად შეიცვლება და გუნდის მნიშვნელოვანი მოთამაშეები ტრავმას მიიღებენ, ამ შემთხვევაში ალტერნატიულ სცენარზე აუცილებლად ვიფიქრებთ." - აცხადებს ლიოვი.

9-11-2020, 14:31

sandro

მეტის ნახვა

მიუნხენის "ბაიერნის" ოფიციალურმა საიტმა იოზუა კიმიხის ტრავმასთან დაკავშირებით განცხადება გაავრცელა.

"იოზუა კიმიხმა დაზიანება შაბათს, "დორტმუნდის" წინააღმდეგ გამართული შეხვედრის 36-ე წუთზე მიიღო."

"კიმიხის მარჯვენა ფეხის გვერდითი მენისკის ოპერაციამ კვირას საღამოს წარმატებით ჩაიარა. "ბაიერნის" სამედიცინო შტაბის ვარაუდით ფეხბურთელი რეაბილიტაციის სრული კურსის გავლის შემდეგ იანვარში შეძლებს დაბრუნებას." - წერია განცხადებაში.

9-11-2020, 02:28

sandro

მეტის ნახვა

მიუნხენის "ბაიერნის" გარემარბმა, სერჟ გნაბრიმ თავის ყოფილ მწვრთნელზე, არსენ ვენგერზე საინტერესო განცხადება გააკეთა.

"რა განსხვავებაა ფლიკსა და ვენგერს შორის? პირადად მე, ფლიკთან უფრო გახსნილი ვარ, ვიდრე ვენგერთან. ამის მთავარი მიზეზი ასაკია. როდესაც ახალგაზრდა ფეხბურთელი ხარ, კომუნიკაცია გიჭირს, უფრო მეტად მორცხვი ხარ."

"ვფიქრობ არსენი "ბაიერნშიც" უდიდეს წარმატებას მიაღწევდა. მან უკვე დაამტკიცა "არსენალში", რომ დიდებული მწვრთნელია, რომელსაც გუნდისთვის გამარჯვების მოპოვება შეუძლია." - აცხადებს გნაბრი.

8-11-2020, 23:49

sandro

მეტის ნახვა

მოგეხსენებათ, მიუნხენის "ბაიერნის" ცენტრალურმა ნახევარმცველმა და ლიდერმა, იოზუა კიმიხმა სერიოზული დაზიანება მიიღო, რის გამოც ის გუნდს სავარაუდოდ 2-3 თვის განმავლობაში ვერ დაეხმარება. ალბათ საინტერესოა, ვინ უნდა ჩაანაცვლოს ის ნახევარდაცვის ხაზში. ვარიანტი სამია.

პირველი ეს გახლავთ კორენტინ ტოლისო. ახალგაზრდა ფრანგი ნახევარმცველისთვის ალბათ ეს ბრწყინვალე შანსი იქნება თავისი შესაძლებლობების დასამტკიცებლად. ის გუნდში 2017 წელს მოვიდა, თუმცა, პირველი სეზონის შემდეგ ძალიან იშვიათად ეძლევა ძირითად შემადგენლობაში შანსი და ახლა შეუძლია, რომ ჰანს ფლიკს აჩვენოს თავისი დონე.

კიმიხის მსგავსად ტოლისოს კარგად შეუძლია როგორც შეტევითი, ასევე დაცვითი ფუნქციების შეთავსება. შესაბამისად, ის ცენტრალური ნახევარდაცვის ზონაში ნამდვილად კარგი არჩევანი იქნებოდა.

მეორე ვარიანტი ხავი მარტინესია. ბასკი საყრდენი გასულ ზაფხულს წასვლის პირას იყო, თუმცა, საბოლოოდ გუნდში დარჩა და როტაციის დროს მას ეძლევა სათამაშო დრო. კიმიხის ტრავმის შემდეგ კი ეს ციფრი უფრო გაიზრდება. მარტინესს "ბაიერნის" ისტორიაში დიდი როლი უკავია. მან 2013 წელს ჩემპიონთა ლიგის მოგებაში დიდი წვლილი შეიტანა და მას შემდეგ ყოველწლიურად ამტკიცებს, რომ უმაღლესი დონის ფეხბურთელია. მისი გამოცდილების ხარჯზე ნამდვილად შეიძლება ითქვას, რომ ის თავისუფლად მოახერხებს კიმიხის ჩანაცვლებას საყრდენ ზონაში. მთავარი კითხვაა, რამდენად შესწევს იმის ძალა ამ გადატვირთული გრაფიკის დროს სრული დატვირთვით ითამაშოს დიდი ხნის მანძილზე.

და მესამე ვარიანტი მარკ როკა გახლავთ. ის კიდევ ერთი ესპანელი ნახევარმცველია, რომელიც გუნდს ზაფხულში შეუერთდა. როკა ძალიან ნიჭიერი და პერსპექტიული მოთამაშეა, რომელზეც "ბაიერნი" დიდ იმედებს ამყარებს, თუმცა, სამწუხაროდ 1 სათასო მატჩის გარდა მისი შესაძლებლობების ნახვა ვერ მოვახერხეთ. დიდი ალბათობით, ის კვლავ ვერ იქნება ძირითად შემადგენლობაში, თუმცა, ის აუცილებლად მისცემს დასვენების საშუალებას გორეცკასა და ზემოხსენებულ მოთამაშეებს და ამით მისი სათამაშო დროც გაიზრდება.

8-11-2020, 23:07

sandro

მეტის ნახვა

მიუნხენის "ბაიერნისა" და გერმანიის ეროვნული ნაკრების ლიდერმა, მანუელ ნოიერმა კარიერის შესაძლო დასრულებაზე ისაუბრა.

"ჩემი მიზანი არ არის, რომ ყველაზე დიდხანს ვითამაშო. მსურს, მაქსიმალური სიამოვნება მივიღო თამაშისგან. ბედნიერი ვარ ყოველი ჩატარებული სეზონით, რომელშიც გუნდს ვეხმარები."

"ცხოვრებისგან გამუდმებით რაღაცას სწავლობ. ვცდილობ, ვარჯიშებზე ყველაფერი გავიღო, რათა განვვითარდე. ეს იქნება ფეხით თამაში, კარიდან გამოსვლები, ნახტომები თუ სხვა ასპექტები." - აცხადებს ნოიერი.

8-11-2020, 20:26

sandro

მეტის ნახვა

მოგეხსენებათ, "დორტმუნდთან" გამართული შეხვედრის პირველ ტაიმში "რეკორდმაისტერის" ლიდერმა, იოზუა კიმიხმა ტრავმა მიიღო, რის გამოც მინდვრის დატოვება მოუწია. საქმე გვერდითი იოგების დაზიანებასთან გვაქვს.

გერმანული გამოცემა BILD-ის ინფორმაციით, პროგნოზი ორგვარია. შესაძლოა, 25 წლის ნახევარმცველი 2 კვირაში დაბრუნდეს, ან სულაც 3 თვემდე მოუწიოს უქმობა. ეს დამოკიდებულია ტრავმის სიმძიმეზე.

თუ აღმოჩნდება, რომ იოგები გაწყვეტილია, მაშინ ოპერაცია იქნება აუცილებელი და ამ შემთხვევაში იოზუას დაახლოებით 2-3 თვე ვერ ვიხილავთ მინდორზე.

თუ საქმე გვაქვს მხოლოდ დაჭიმულობასთან, მაშინ კიმიხი მცირე დასვენების შემდეგ, დაახლოებით 2-4 კვირაში დაბრუნდება. საბოლოო პასუხი სავარაუდოდ ხვალ, სრული შემოწმების შემდეგ გახდება ცნობილი.

8-11-2020, 15:10

sandro

მეტის ნახვა

გერმანიის ბუნდესლიგის მე-7 ტურში მიუნხენის "ბაიერნი" დორტმუნდის "ბორუსიას" ესტუმრა და ანგარიშით 2:3 დაამარცხა.

მატჩში სრული, 90 წუთი გაატარა მინდორზე "რეკორდმაისტერის" მცველმა, დავიდ ალაბამ, რომელმაც თავი გოლითაც გამოიჩინა.

აღსანიშნავია, რომ ეს ავსტრიელი მცველის კარიერაში რიგით მე-200 ბუნდესლიგური გამარჯვება გახლდათ, რითაც ის ახალი რეკორდსმენია,

კერძოდ, ალაბას ამ შედეგის მისაღწევად 273 მატჩი დასჭირდა. ასე მცირე რაოდენობის თამაშებში 200 მოგება კი ისტორიაში არცერთ ფეხბურთელს არ აქვს.

8-11-2020, 02:07

sandro

მეტის ნახვა

მიუნხენის "ბაიერნის" კაპიტანმა, მანუელ ნოიერმა დორტმუნდის "ბორუსიასთან" გამარჯვების შემდეგ პირველი კომენტარი გააკეთა.

"სრულიად დამსახურებული გამარჯვება მოვიპოვეთ, განსაკუთრებით კი მეორე ტაიმში. ჩვენ უკეთესები ვიყავით და თამაშს სრულად ვაკონტროლებდით."

"ალაბას გოლი შესვენების წინ მნიშვნელოვანი იყო. ამან დამშვიდებისა და ამოსუნთქვის საშუალება მოგვცა. მეორე ტაიმი კი გაცილებით კარგად ჩავატარეთ." - აცხადებს კაპიტანი.

შეგახსენებთ, რომ "რეკორდმაისტერმა" ანგარიშით 2:3 იმარჯვა და ცხრილში ლიდერობა განიმტკიცა.

8-11-2020, 02:00

sandro

მეტის ნახვა

დორტმუნდის "ბორუსიას" ცენტრალურმა მცველმა, მატს ჰუმელსმა იოზუა კიმიხის ტრავმაზე კომენტარი გააკეთა.

"სიმართლე გითხრათ მომენტი კარგად ვერ დავინახე, რადგან შორს ვიდექი, თუმცა, იოზუას რეაქცია ნამდვილად ცუდი იყო. მისი სახე კარგად არ გამოიყურებოდა."

"კიმიხი დიდებული ადამიანი და ფეხბურთელია. მას როგორც გუნდიდან, ასევე ნაკრებიდან ვიცნობ. მალე დაბრუნებას ვუსურვებ." - აცხადებს ჰუმელსი.

8-11-2020, 01:01

sandro

მეტის ნახვა