მიუნხენის "ბაიერნმა" 2020 წელს კიდევ ერთი ტრანსფერი განახორციელა.

"რეკორდმაისტერის" რიგებს ავსტრიული "პოლტენის" აწ უკვე ყოფილი ფეხბურთელი, ემილიან მეტიუ შეუერთდა.

17 წლის ავსტრიელი პოზიციით ცენტრალური ნახევარმცველია. მისი სიმაღლე 1 მეტრი და 91 სანტიმეტრი გახლავთ და მას ავსტრიის ბუნდესლიგაში თამაშის გამოცდილება აქვს.

ფეხბურთელმა ოთხწლიან კონტრაქტს მოაწერა ხელი და თავდაპირველად სარეზერვო გუნდის შემადგენლობაში ითამაშებს.

2-03-2021, 17:10

sandro

მეტის ნახვა

2020/21 წლების სეზონის დასრულების შემდეგ მიუნხენის "ბაიერნის" საწვრთნელ შტაბში ცვლილებები განხორციელდება.

გერმანული გამოცემა Kicker-ის ინფორმაციით, "რეკორდმაისტერის" სარეზერვო გუნდის მთავარი მწვრთნელის პოსტიდან ჰოლგერ შეიცს გაანთავისუფლებენ.

მის ადგილს "ბაიერნი II"-ის მთავარი მწვრთნელის პოსტზე მარტინ დემიკელისი და დენი შვარცი დაიკავებენ.

მოგეხსენებათ, ორივე მათგანი "ბაიერნის" ღირსებას წლების მანძილზე იცავდა და შესაბამისად, ისინი კარგად იცნობებ გუნდის ფილოსოფიას.

2-03-2021, 00:07

sandro

მეტის ნახვა

ევროპის ტოპ ლიგებში სათამაშო ტურების უკვე ნახევარზე მეტი მიილია და გამოიკვეთა იმ ფეხბურთელების ვინაობა, რომლებიც საუკეთესო ბომბარდირობისთვის იბრძოლებენ.

გასულ სეზონში იმედგაცრუების შემდეგ წელს მიზანთან ძალიან ახლოს არის რობერტ ლევანდოვსკი.

პოლონელ თავდამსხმელს 23 ტურის შემდეგ უკვე 28 გოლი აქვს გატანილი და 9 გოლით უსწრებს ყველაზე ახლო კონკურენტს, კრისტიანო რონალდოს.

ევროპის ტოპ ლიგების უმრავლესობაში 14-15 ტური არის დარჩენილი და შეიძლება ითქვას, რომ ლევანდოვსკი ოქროს ბუცის მოგებასთან მიმდინარე სეზონში ძალიან ახლოს არის.

ტიტულისთვის მებრძოლთა სრული სია შემდეგნაირად გამოიყურება:

1-03-2021, 23:01

sandro

მეტის ნახვა

მანჩესტერ "სიტის" მთავარმა მწვრთნელმა, პეპ გვარდიოლამ ევროპის საუკეთესო კლუბებზე ისაუბრა.

"არის თუ არა "სიტი" ევროპის საუკეთესო გუნდი? ამის თქმა ძალიან გამიჭირდება, რადგან არსებობს მიუნხენის "ბაიერნი".

"ვფიქრობ, სწორედ "რეკორდმაისტერი" არის ევროპაში საუკეთესო, რადგან ამ გუნდმა ყველა შესაძლო ტიტული მოიგო."

"რაც შეეხება ინგლისს, აქ ჩემპიონი "ლივერპულია", რადგან უკანასკნელად მათ მოიგეს ტიტული. შეუძლებელია, მარტში დაასახელო გამარჯვებულის ვინაობა." - აცხადებს გვარდიოლა.

1-03-2021, 22:34

sandro

მეტის ნახვა

ჩემპიონთა ლიგის 1/8 ფინალში მიუნხენის "ბაიერნმა" სტუმრად რომის "ლაციო" ანგარიშით 1:4 დაამარცხა.

"რეკორდმაისტერის" მხრიდან ერთ-ერთი გამორჩეული გახლდათ ნიკლას ზულე, რომელმაც გარდა დაცვაში კარგი გარჯისა, შეტევაში ბრწყინვალე მოქმედებებითაც დაგვამახსოვრა თავი.

გთავაზობთ ახალგაზრდა მცველის საუკეთესო მომენტებს იტალიური კლუბის წინააღმდეგ.

1-03-2021, 20:54

sandro

მეტის ნახვა

გერმანიის ბუნდესლიგის 23-ე ტურის დასრულების შემდეგ გამოცემა BILD-მა სიმბოლური ნაკრები დაასახელა.

"კიოლნთან" ბრწყინვალე თამაში "ბაიერნის" ფეხბურთელებს დაუფასდათ და 3 მათგანი თერთმეტეულში მოხვდნენ. ესენი არიან სერჟ გნაბრი, ლეონ გორეცკა და რობერტ ლევანდოვსკი.

სრული თერთმეტეული შემდეგნაირად გამოიყურება:

1-03-2021, 13:13

sandro

მეტის ნახვა

გერმანული გამოცემა BILD მანუელ ნოიერის შესახებ საინტერესო სტატისტიკას აქვეყნებს.

რაც არ უნდა გასაკვირი იყოს, მანუს მიუნხენის "ბაიერნში" გადმოსვლის შემდეგ 2020/21 წლების სეზონი ყველაზე ცუდია.

კერძოდ, ნოიერმა 23 ჩატარებული მატჩის შემდეგ უკვე 32 გოლი გაუშვა ბუნდესლიგაში. ამაზე მეტი გოლი კი მას მიუნხენურ კარიერაში ხსენებულ ტურნირზე არასდროს გაუშვია.

მანუს პერსონალური ანტირეკორდი ბუნდესლიგაში 2010/11 წლების სეზონით ფიქსირდება, როდესაც მან "შალკეს" მაისურით 44 გოლი გაუშვა.

თუმცა, მიმდინარე სეზონის ანტირეკორდს თავისი ახსნაც აქვს. "ბაიერნი" უფრო მეტად არის მიმართული შეტევაზე და თავის მხრივ, დაცვის ხაზის შემცდომებიც საკმაოდ მომრავლებულია.

28-02-2021, 23:21

sandro

მეტის ნახვა

ბრიტანული გამოცემების ინფორმაციით, არ არის გამორიცხული უახლოეს მომავალში ჩემპიონთა ლიგის ფინალი ევროპის ფარგლებს გარეთ ვიხილოთ.

მოგეხსენებათ, UEFA 2024 წლიდან ტურნირში სერიოზულ ცვლილებებს გეგმავს, კერძოდ, გუნდების რაოდენობის გაზრდას და ჩატარების ფორმატის შეცვლას. ამასთან ერთად, არ არის გამორიცხული ფინალური მატჩი ა.შ.შ.-ში ჩატარდეს.

წყაროს ცნობით, ევროპული ფეხბურთის მმართველი ორგანო უკვე აწარმოებს ამერიკულ მხარეებთან მოლაპარაკებას და ერთ-ერთ ვარიანტად ფინალის ნიუ იორკში ჩატარება განიხილება.

შეგახსენებთ, რომ 2024 წლამდე ჩასატარებელი ყველა ჩემპიონთა ლიგის ფინალური მატჩის მასპინძელი ცნობილია და ეს ქალაქებია: სტამბული, სანკტ-პეტერბურგი, მიუნხენი და ლონდონი.

28-02-2021, 21:32

sandro

მეტის ნახვა

ევრო 2020-ის დასრულების შემდეგ გერმანიის ნაკრებში, შესაძლოა, სერიოზული ცვლილებები განხორციელდეს.

ბრიტანული გამოცემების ინფორმაციით, მერსისაიდული "ლივერპულის" მთავარი მწვრთნელი, იურგენ კლოპი სერიოზულად ფიქრობს სეზონის დასრულების შემდეგ კლუბის დატოვებაზე.

წყაროს ცნობით, ის სტივენ ჯერარდსაც დაუკავშირდა, რომელსაც თავის პოტენციურ მემკვიდრედ განიხილავს. თუმცა, ჯერ საბოლოოდ გადაწყვეტილი არაფერია.

როგორც ცნობილია, კლოპს უკვე არაერთხელ დაუკავშირდნენ გერმანიის ფეხბურთის ფედერაციიდან და ნაკრების მთავარი მწვრთნელის პოსტი შესთავაზეს. იმ შემთხვევაში, თუ გამოცდილი სპეციალისტი "ლივერპულს" წელს დატოვებს, ფაქტობრივად, გადაწყვეტილია, რომ ევროასპარეზის შემდეგ ის ბუნდესნაკრებს ჩაუდგება სათავეში.

28-02-2021, 20:21

sandro

მეტის ნახვა

მიუნხენის "ბაიერნის" რადარზე იტალიური "ნაპოლის" სუპერვარსკვლავი, კალიდუ კულიბალი გამოჩნდა.

მოგეხსენებათ, ზაფხულში "რეკორდმაისტერის" რიგებს დავიდ ალაბა დატოვებს. ასევე აქტიურად საუბრები იმის შესახებ, რომ კლუბიდან ნიკლას ზულე და ჟერომ ბოატენგიც წავლენ. შესაბამისად, მიუნხენელები შემცვლელს ეძებენ.

იტალიური გამოცემების ინფორმაციით, "ბაიერნი" უკვე დაუკავშირდა ნეაპოლური კლუბის წარმომადგენლებს და ტრანსფერზე მოლაპარაკებებიც დაწყებულია.

წყაროს ცნობით, თავად "ნაპოლი" კულიბალის სანაცვლოდ 100 მილიონ ევროს ითხოვს. თუმცა, მიუნხენელები სატრანსფერო ფასის დაკლებას ცდილობენ.

28-02-2021, 20:01

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "კიოლნის" დამარცხების შემდეგ პრესასთან ისაუბრა.

"კინგსლიმ ბოლო პერიოდში რამდენიმე მატჩი ჩაატარა შეუცვლელად. მას ვესაუბრე და ვიცოდი, რომ 100%-ით მზად არ იყო ფიზიკურად სათამაშოდ. სწორედ ამიტომ მას დასვენების საშუალება მივეცით. ეს დაიმსახურა."

"ლეონი ბრწყინვალე იყო "აინტრახტთან" თამაშში. დღეს კი ასისტების ჰეთ-თრიკი შეასრულა. ვფიქრობ, ის დღეს მინდორზე საუკეთესო იყო."

"მიულერმა კარანტინის შემდეგ პირველივე თამაშში საგოლე გადაცემა შეასრულა, გნაბრიმ კი ტრავმის შემდეგ დუბლი გაიფორმა. ვფიქრობ, არაფრის დამატება არ არის საჭირო. ისინი თავის დონეს ამტკიცებენ."

"არ მსურს ერნანდესისა და დეივისის შედარება. ფონზიმ დღეს ძალიან ბევრი იშრომა, ლუკასი კი თავის დონეს მუდამ ამტკიცებს. ვფიქრობ, ძალიან კარგია როდესაც ამხელა არჩევანის თავისუფლება არსებობს." - აცხადებს ფლიკი.

27-02-2021, 21:26

sandro

მეტის ნახვა

მიუნხენის "ბაიერნის" გარემარბმა, სერჟ გნაბრიმ "კიოლნის" დამარცხების შემდეგ პრესასთან ისაუბრა.

"სანამ მე და თომასი მინდორზე შემოვიდოდით, გუნდისთვის საქმეები იდეალურად არ მიდიოდა. საბედნიეროდ, მალევე 3:1 გავხადეთ ანგარიში და ამან ყველაფერი გაამარტივა."

"მომავალში ჩვენ აუცილებლად უნდა შევამციროთ მეტოქის შანსები, სხვა შემთხვევაში დავისჯებით."

"შეუძლებელია იმის თქმა, რომ 90 წუთის მანძილზე მეტოქეს 1 შანსსაც არ მისცემ. უბრალოდ, მსგავსი შემთხვევები მაქსიმალურად უნდა ავირიდოთ თავიდან." - აცხადებს გნაბრი.

27-02-2021, 21:11

sandro

მეტის ნახვა

გერმანიის ბუნდესლიგის 23-ე ტურში მიუნხენის "ბაიერნმა" "კიოლნი" მიიღო და ანგარიშით 5:1 დაამარცხა.

მატჩის საუკეთესო ფეხბურთელად "რეკორდმაისტერის" ნახევარმცველი, ლეონ გორეცკა დასახელდა, რომელმაც 3 საგოლე გადაცემის შესრულება მოახერხა.

გერმანელ ფეხბურთელს ასისტების გარდა ასევე სხვა კომპონენტებშიც ბრწყინვალე მატჩი ჰქონდა.

გორეცკა 63-ჯერ შეეხო ბურთს და პასების სიზუტე 87% ჰქონდა. რაც შეეხება შორეულ გადაცემებს, ის ამ კომპონენტში უნაკლო იყო და 100%-იანი სიზუსტე ჰქონდა.

რაც შეეხება დაცვით ასპექტს, ლეონმა 5 დუელი მოიგო ხოლო ბურთის ჩაჭრა 2-ჯერ მოახერხა.

27-02-2021, 20:33

sandro

მეტის ნახვა

გერმანიის ბუნდესლიგის 23-ე ტურში მიუნხენის "ბაიერნმა" საკუთარ კედლებში "კიოლნი" მიიღო და ანგარიშით 5:1 გაანადგურა.

იდეალური გამოდგა ეს შეხვედრა "რეკორდმაისტერის" შემტევებისთვის. რობერტ ლევანდოვსკიმ და სერჟ გნაბრიმ დუბლებით გამოიჩინეს თავი, ლეონ გორეცკამ კი ასისტების ჰეთ-თრიკი შეასრულა.

გთავაზობთ ფეხბურთელების შეფასებებს გამოცემა Whoscored-ის ვერსიით.

27-02-2021, 20:21

sandro

მეტის ნახვა

"ბაიერნისა" და "კიოლნის" შეხვედრის 65-ე წუთზე თომას მიულერის საგოლე გადაცემის შემდეგ ლევანდოვსკიმ დუბლი გაიფორმა.

იხილეთ ვიდეო.

27-02-2021, 20:07

sandro

მეტის ნახვა

მიუნხენის "ბაიერნისა" და "კიოლნის" შეხვედრის 33-ე წუთზე რობერტ ლევანდოვსკიმ ანგარიში 2:0 გახადა.

იხილეთ ვიდეო.

27-02-2021, 19:12

sandro

მეტის ნახვა