მადრიდის "რეალის" ლიდერმა, ტონი კროოსმა დავიდ ალაბას შესაძლო ტრანსფერზე კომენტარი გააკეთა.

"მე დავიდთან ერთად უკვე 7 წელია არ მითამაშია. შესაბამისად, ჩემთვის რთულია იმის თქმა, თუ რას ფიქრობს."

"რამდენჯერმე წავიკითხე იმის შესახებ, რომ ალაბა "რეალში" გადმოვა სათამაშოდ. მაგრამ, ზუსტ ინფორმაციას არ ვფლობ."

"ამ მომენტში მხოლოდ ერთი რამის თქმა შემიძლია. თუ "ბაიერნის" სასტარტო შემადგენლობაში რეგულარულად თამაშობ, მაშინ "რეალის" დონეს ნამდვილად შეესაბამები." - აცხადებს ტონი.

22-02-2021, 15:33

sandro

მეტის ნახვა

ჩემპიონთა ლიგის 1/8 ფინალური ეტაპის პირველ მატჩში მიუნხენის "ბაიერნი" რომში "ლაციოს" დაუპირისპირდება.

გთავაზობთ გუნდების სავარაუდო შემადგენლობებს მომავალი შეხვედრისთვის:

"ლაციო": რეინა - პატრიკი, აჩერბი, მუსაკიო - ლუკას ლეივა - ლაზარბი, მილინკოვიჩ სავიჩი, ლუის ალბერტო, მარუშიცი - კორეა, იმობილე.

"ბაიერნი": ნოიერი - ზულე, ბოატენგი, ერნანდესი, დეივისი - კიმიხი, ალაბა - სანე, გორეცკა, კომანი - ლევანდოვსკი.

22-02-2021, 15:02

sandro

მეტის ნახვა

ჰანს ფლიკის ასისტენტმა, მიროსლავ კლოზემ "ლაციოსთან" მატჩამდე პრესასთან ისაუბრა.

"ჩვენ ფავორიტებად მივიჩნევით წყვილში, თუმცა საქმე ასე მარტივად არ არის. უნდა დავიბრუნოთ ძველი ფორმა, სხვა შემთხვევაში, ფავორიტები ვერ ვიქნებით."

"ლაციოს არაერთი გამოცდილი ფეხბურთელი ჰყავს, რომლებსაც ხიფათის შექმნა შეუძლიათ. იმობილე, ლუის ალბერტო, მილინკოვიჩ სავიჩი და სხვები."

"მეტოქის სისუსტეს დაცვის ხაზი წარმოადგენს. ჩვენ უნდა ვეცადოთ პრესინგი და ბურთის ართმევა მის ნახევარზე. თუ ეს არ გამოგვივა, სწრაფად გადაჯგუფება მოგვიწევს."

"რა შედეგი იქნება კარგი "ბაიერნისთვის" რომში? ვფიქრობ, გოლის გატანა აუცილებლად გვჭირდება." - აცხადებს კლოზე.

22-02-2021, 14:58

sandro

მეტის ნახვა

მიუნხენის "ბაიერნის" რიგებში კორონავირუსის შემთხვევების მომრავლების შემდეგ კლუბმა ფეხბურთელებს ახალი შეზღუდვები დაუწესა.

კერძოდ, მოთამაშეებს ამ ეტაპზე არ აქვთ მაღაზიებში გასვლის უფლება ნიღბებითაც კი. მათ სახლიდან გასვლის უფლება აქვთ მხოლოდ სავარჯიშო ბაზა "საბერნერ შტრასეზე" და თამაშებ მისასვლელად.

ყველა შეხვედრა მედიასთან, სპონსორებთან, ფანებთან ამჯერად შეჩერებულია. ფეხბურთელები და სტაფის წევრები ყოველდღიურად იკეთებენ ტესტებს და გარკვეულ შემთხვევებში დღეში ორი ტესტიც კი ტარდება.

შეგახსენებთ, რომ თებერვალში "ბაიერნის" სამ ფეხბურთელს დაუდასტურდა კორონავირუსი და არსებობს საშიშროება იმისა, რომ კიდევ ერთი ქეისის შემთხვევაში მთლიანი გუნდის კარანტინში გადაყვანს გახდეს საჭირო.

22-02-2021, 14:03

sandro

მეტის ნახვა

ლონდონის "ჩელსის" გერმანელმა თავდამსხმელმა, ტიმო ვერნერმა ჩემპიონთა ლიგის ფავორიტები დაასახელა.

"ვფიქრობ, ჩემპიონთა ლიგის მოგების ყველაზე კარგი შანსი "ბაიერნს", "სიტის" და "ლივერპულს" აქვთ. ისინი ყველაზე მაღალ დონეზე იმყოფებიან."

"მათ შორის ყველაზე გამოკვეთილი ფავორიტი "ბაიერნი" მგონია, რადგან ეს კლუბი ლოქდაუნის შემდეგ საოცრად გამოიყურება."

"მათ აქვთ მცირე ჩავარდნები, მაგალითად "არმინიასთან" 3-3, მაგრამ ეს საერთო სურათს ვერ ცვლის." - აცხადებს ვერნერი.

22-02-2021, 13:39

sandro

მეტის ნახვა

ჩემპიონთა ლიგის 1/8 ფინალური ეტაპის პირველ შეხვედრაში მიუნხენის "ბაიერნი" სტუმრად რომის "ლაციოს" წინააღმდეგ ითამაშებს.

მატჩამდე ორი დღით ადრე UEFA-მ შეხვედრის მთავარი არბიტრის ვინაობა დაასახელა. ეს გახლავთ ორელ გრინფილდი.

39 წლის სპეციალისტს ამ დრომდე "რეკორდმაისტერის" ერთი შეხვედრა განუსჯია. ჯგუფურ ეტაპზე მის მიერ წაყვანილ შეხვედრაში გუნდმა "ლაიფციგს" 3:1 სძლია. თუმცა, თამაშის მიმდინარეობის დროს მთავარმა არბიტრმა მარკ როკა გააძევა.

შეგახსენებთ, რომ "ლაციოსა" და "ბაიერნის" შეხვედრა 3 თებერვალს, თბილისის დროით 23:55 საათზე დაიწყება.

22-02-2021, 00:03

sandro

მეტის ნახვა

გერმანულმა გამოცემებმა მიუნხენის "ბაიერნის" ლიდერის, თომას მიულერის დაბრუნების თარიღი დაასახელეს.

დიდი ალბათობით, 31 წლის შემტევი "რეკორდმაისტერს" 6 მარტს, "დორტმუნდის" წინააღმდეგ გასამართ უმნიშვნელოვანეს შეხვედრაში დაუბრუნდება.

მიულერს დოჰაში ყოფნის დროს, 10 თებერვალს კორონავირუსი დაუდასტურდა და მას შემდეგ, სამწუხაროდ, ამ დრომდე ვერ შეძლო გამოჯანმრთელება.

სავარაუდოდ, თომასი თვის ბოლომდე შეძლებს ვირუსის დამარცხებას, რის შემდეგაც დაიწყება აღდგენითი ვარჯიშები. ამის შემდეგ კი ის შემადგენლობაში დაბრუნებას მოახერხებს.

21-02-2021, 22:33

sandro

მეტის ნახვა

რომის "ლაციოს" მთავარმა მწვრთნელმა, სიმონე ინძაგიმ მიუნხენის "ბაიერნთან" დაპირისპირებამდე მომავალ მეტოქეზე ისაუბრა.

"მიუნხენის "ბაიერნი" ერთადერთი კლუბია, რომელიც არ მსურდა კენჭისყრის დროს ამოსულიყო."

"ვიცით, რომ რთული დაპირისპირება გველოდება და მეტოქე ფავორიტია. მათ სულ ცოტა ხნის წინ მოიგეს ჩემპიონთა ლიგა. თუმცა, ჩვენ არავისი გვეშინია."

"ბაიერნს ამჟამად გარკვეული პრობლემები აქვს. ჩვენ ამ გამოწვევით სიამოვნება უნდა მივიღოთ." - აცხადებს ინძაგი.

21-02-2021, 22:06

sandro

მეტის ნახვა

მიუნხენის "ბაიერნის" აღმასრულებელმა დირექტორმა, კარლ ჰაინც რუმენიგემ გერმანულ გამოცემასთან ინტერვიუში საინტერესო განცხადება გააკეთა.

"ჯერ არ ვიცი რას გავაკეთებ "ბაიერნიდან" წასვლის შემდეგ. თავდაპირველად მცირე შესვენებას ავიღებ, შემდეგ კი არ გამოვრიცხავ, რომ საერთოდ წავიდე ფეხბურთიდან."

"უკვე 66 წლის ვარ და ბევრი ადამიანი სწორედ ამ დროს გადის პენსიაზე."

"ჩემი კარიერის ყველაზე დიდი შეცდომა? იურგენ კლინსმანის მოყვანა "ბაიერნის" მწვრთნელად. მან გუნდში 1 წელიც ვერ იმუშავა." - აცხადებს რუმენიგე.

21-02-2021, 13:55

sandro

მეტის ნახვა

ესპანური გამოცემების ინფორმაციით, ზაფხულის სატრანსფერო ფანჯრის დროს მიუნხენის "ბაიერნი" სერიოზულად იყო დაინტერესებული კატალონიის "ბარსელონას" ამომავალი ვარსკვლავის, პედრის დამატებით.

წყაროს ცნობით, "რეკორდმაისტერი" მზად იყო 18 წლის ნახევარმცველის სანაცვლოდ 40 მილიონი ევრო გადაეხადა, თუმცა, "ბლაუგრანამ" უარი განაცხადა.

მოგეხსენებათ, ესპანურ გრანდს ფინანსური პრობლემები აქვს. თუმცა, "ბარსელონა" პედრიში თავიდანვე ხედავდა დიდ პოტენციალს და შესაბამისად, უარი თქვა კლუბმა მის გაშვებაზე.

20-02-2021, 23:53

sandro

მეტის ნახვა

მიუნხენის "ბაიერნის" კაპიტანმა, მანუელ ნოიერმა "ფრანქფურტთან" განცდილი მარცხის შემდეგ პირველი კომენტარი გააკეთა.

"ბიელფილდთან თამაშის შემდეგ ჭკუა ვერ ვისწავლეთ. ასეთი გუნდების წინააღმდეგ მსგავსი თამაში საკმარისი არ არის."

"მეორე ტაიმი კარგი იყო, მაგრამ, თამაშის სტარტიდანვე უნდა დავიწყოთ გამოფხიზლება. სხვა შემთხვევაში ძალიან გაგვიჭირდება."

"თუ "ლაციოსთანაც" ისევე ვითამაშებთ, როგორც დღეს მეორე ტაიმში, მაშინ გამარჯვებას მოვახერხებთ." - აცხადებს ნოიერი.

20-02-2021, 22:42

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ფრანქფურტის "აინტრახტთან" განცდილი მარცხის შემდეგ პირველი კომენტარი გააკეთა.

"თამაშში კარგად ვერ ჩავერთეთ. "აინტრახტი" კი პირიქით, ძალიან კარგად მოქმედებდა. პირველ ტაიმშიც ისევე რომ გვეთამაშა, როგორც შესვენების შემდეგ, ანგარიში სხვანაირი იქნებოდა."

"ბევრი ტრავმირებული და ინფიცირებული მოთამაშე დაგვიგროვდა. რამდენიმე დღიან მონაკვეთში ბევრი მგზავრობა მოგვიწია. ჩვენც ადამიანები ვართ. თუმცა, მაინც ამაყი ვარ ჩემი გუნდით."

"ლეონ გორეცკასგან მსგავს თამაშს არ ველოდი. ის მეორე ტაიმში ძალიან კარგად ჩაერთო და ჩანს, რომ ვირუსმა უარყოფითად მასზე არ იმოქმედა." - აცხადებს ფლიკი.

20-02-2021, 21:50

sandro

მეტის ნახვა

"აინტრახტისა" და "ბაიერნის" შეხვედრის 54-ე წუთზე რობერტ ლევანდოვსკიმ ლეროი სანეს ბრწყინვალე მოქმედების შემდეგ გოლი გაიტანა.

იხილეთ ვიდეო.

20-02-2021, 20:00

sandro

მეტის ნახვა

გერმანიის ბუნდესლიგის 22-ე ტურში მიუნხენის "ბაიერნი" ფრანქფურტის "აინტრახტს" სტუმრობს.

გთავაზობთ მატჩის საყურებელ ლინკებს.

​ლინკი 1 (სეტანტა)​​​

​ლინკი 2​​​

​ლინკი 3​​​

​ლინკი 4​​​

​ლინკი 5​​​

20-02-2021, 18:14

sandro

მეტის ნახვა

გერმანიის ბუნდესლიგის 22-ე ტურში მიუნხენის "ბაიერნი" სტუმრად ფრანქფურტის "აინტრახტს" დაუპირისპირდება.

მატჩის დაწყბამდე 1 საათით ადრე ჰანს ფლიკმა სასტარტო თერთმეტეული დაასახელა.

ნოიერი - ზულე, ბოატენგი, ალაბა, დეივისი - კიმიხი, მარკ როკა - სანე, ჩუპო მოტინგი, კომანი - ლევანდოვსკი.

20-02-2021, 17:37

sandro

მეტის ნახვა

მიუნხენის "ბაიერნის" ლეგენდამ, ოლივერ კანმა საკლუბო კარიერა გაიხსენა და აღნიშნა, რომ მას "მანჩესტერში" გადასვლის შანსი ჰქონდა.

"სერ ალექს ფერგიუსონი დღემდე ძალიან გაბრაზებულია ჩემზე იმის გამო, რომ მე "მანჩესტერში" არ გადავედი სათამაშოდ."

"ის ფიქრობდა, რომ 2003 ან 2004 წელს მე მის კლუბში გადავიდოდი. თუმცა, მე მსურდა, რომ "ბაიერნში" ეპოქა შემექმნა და ჩემი თავი კლუბისთვის მიმეძღვნა."

"დღევანდელი გადმოსახედიდან როდესაც ვუყურებ ვფიქრობ, რომ ეს უნდა გამეკეთებინა. ინგლისში თამაში ნამდვილად დიდი გამოწვევა იქნებოდა." - იხსენებს კანი. 

19-02-2021, 23:26

sandro

მეტის ნახვა