მოგეხსენებათ, ზაფხულის სატრანსფერო ფანჯარა სულ ცოტა ხნის წინ დაიხურა, თუმცა, როგორც ჩანს "მანჩესტერ იუნაიტედი" უკვე ზამთრის ტრანსფერებისთვის იწყებს მზადებას.

ამერიკული გამოცემა ESPN-ის ინფორმაციით, "წითელი ეშმაკების" რადარზე მიუნხენის "ბაიერნის" ახალგაზრდა ვარსკვლავი, კინგსლი კომანი გამოჩნდა.

კლუბი გასულ პერიოდში ჯეიდონ სანჩოსა და ოსმან დემბელეს შეძენას ცდილობდა, მაგრამ არცერთი გამოუვიდა და როგორც ჩანს, ბრიტანელებმა ალტერნატივა "რეკორდმაისტერში" იპოვეს.

გუნდში ლეროი სანესა და დუგლას კოშტას მოსვლის შემდეგ ფრანგი ვინგერის შანსები კიდევ უფრო შემცირდა. "მანჩესტერი" კი ტრანსფერში სწორედ ამ შანსის გამოყენებას ეცდება.

7-10-2020, 20:26

sandro

მეტის ნახვა

გერმანიის ბუნდესლიგის ოფიციალურმა საიტმა სექტემბრის თვის საუკეთესო ფეხბურთელის წოდებისთვის მებრძოლი კანდიდატები დაასახელა.

აღსანიშნავია, რომ მიუხედავად 1 განცდილი მარცხისა 6 მოთამაშეს შორის 3 მიუნხენელი მოხვდა. ესენი არიან სერჟ გნაბრი, ლეროი სანე და იოზუა კიმიხი.

კიდევ სამი კანდიდატი კი ნიკლას ფულკრუგი ("ჰოფენჰაიმი"), ანდრეა კრამარიჩი ("ჰოფენჰაიმი") და სასა კალაჯიჩი ("შტუტგარტი").

ხმის მიცემა ​ამ ლინკის საშუალებით შეგიძლიათ.​​​

7-10-2020, 18:19

sandro

მეტის ნახვა

ცნობილმა ბრიტანულმა სტატისტიკურმა კომპანიამ სუპერკომპიუტერის გამოთვლებით ჩემპიონთა ლიგის 2020/21 წლების სეზონის მთავარი ფავორიტები დაასახელა.

გასაკვირი არ იქნება თუ გეტყვით, რომ პირველ ადგილს მიუნხენის "ბაიერნი" იკავებს. კლუბის ჩემპიონობის შანსები 20%-ით ფასდება, ფინალში გასვლისა კი - 33%. რაც შეეხება ჯგუფიდან გასვლას, ამის შანსი 89%-ით არის შეფასებული.

მეორე ადგილზე მანჩესტერ "სიტია", რომლის ჩემპიონობასაც 16% აქვს ალბათობა. მესამეზე "ლივერპულია" 12%-ით.

ხუთეულში ასევე მოხვდნენ კატალონიის "ბარსელონა" 11%-ით და "პსჟ" 9%-ით. რაც შეეხება ყველაზე ტიტულოვან კლუბს ჩემპიონთა ლიგაზე, მადრიდის "რეალის" შანსები 7%-ით შეფასდა.

7-10-2020, 15:33

sandro

მეტის ნახვა

მოგეხსენებათ, მიუნხენის "ბაიერნი" გასული სატრანსფერო ფანჯრის დროს კალუმ ჰადსონ-ოდოის დამატებას ცდილობდა, თუმცა, ტრანსფერი არ შედგა.

გერმანული გამოცემა Bild-ის ინფორმაციით, გარიგების ჩაშლის მიზეზი ლონდონის "ჩელსის" მიზეზები იყო, რომელიც ერთი შეხედვით ძალიან სასაცილოა.

კერძოდ, იმ შემთხვევაში, თუ კლუბი ახალგაზრდა ვინგერს იჯარით დაიმატებდა, მას გარკვეული რაოდენობის მატჩები უნდა ჩაეტარებინა, წინააღმდეგ შემთხვევაში კი "რეკორდმაისტერი" ჯარიმას გადაიხდიდა. გარდა ამისა, იყო ასევე გარკვეული მატჩების რიცხვი დასახელებული (ზემოხსენებულზე უფრო მაღალი), რომლის ჩატარების შემდგომაც კლუბს ეკისრებოდა ოდოის გამოსყიდვის ვალდებულება 77 მილიონ ფუნტად.

წყაროს ცნობით, ჰასან სალიჰამიჯიჩი არაერთხელ დაუკავშირდა "ჩელსის" წარმომადგენლებს და კონტრაქტის პირობების შეცვლა მოსთხოვა, თუმცა, ისინი კომპრომისზე არ წავიდნენ. ამ ყველაფერმა კი საბოლოოდ ტრანსფერის ჩაშლა გამოიწვია.

7-10-2020, 15:10

sandro

მეტის ნახვა

მიუნხენის "ბაიერნის" ახალწვეულმა, მარკ როკამ გუნდში გადმოსვლის შემდეგ პირველი კომენტარი გააკეთა.

"მე ძალიან ბედნიერი ვარ. ეს ოცნების აღდგენას ჰგავს. ჩემთვის "ბაიერნი" უდიდესი კლუბია ისტორიაში. მოუთმენლად ველოდებოდი როდის შედგებოდა შეთანხმება და მადლობა ღმერთს, რომ ეს მოხდა."

"მოუთმენლად ველოდები ვარჯიშების დაწყებას და თანაგუნდელებთან შეხვედრას. იმედი მაქვს, რომ ჩემი დახმარებით კლუბი უფრო გაძლიერდება და ტიტულების მოგებაში შევიტან წვლილს." - აცხადებს როკა.

6-10-2020, 22:56

sandro

მეტის ნახვა

ავტორიტეტული ფრანგული გამოცემა France Football წელს ყველა დროის მსოფლიოს საუკეთესო თერთმეტეულს დაასახელებს.

გამოცემამ უკვე გამოაქვეყნა მეკარისა და დაცვის ხაზის პოზიციებზე ნომინირებული მოთამაშეები, სადაც არაერთი მიუნხენელი მოხვდა.

საუკეთესო მეკარისთვის მანუელ ნოიერი და ზეპ მაიერი იბრძოლებენ. მარჯვენა მცველისთვის ბრძოლაში "ბაიერნის" კიდევ ერთი ლეგენდა, ფილიპ ლამი იბრძოლებს. დაცვის ცენტრში ნომინირებულია ფრანც ბეკენბაუერი, რაც შეეხება მარცხენა მცველის პოზიციას, აქ პოლ ბრაიტნერი და ანდრეას ბრემე არიან.

დანარჩენ პოზიციებს France Football უახლოეს მომავალში გააჟღერებს.

6-10-2020, 22:54

sandro

მეტის ნახვა

სატრანსფერო ფანჯრის ბოლო დღეს მიუნხენის "ბაიერნმა" დუგლას კოშტა დაიმატა. ბრაზილიელმა გარემარბმა დაბრუნების შემდეგ პირველი კომენტარი გააკეთა.

"ძალიან ბედნიერი ვარ, რომ კვლავ "ბაიერნის" ღირსებას ვიცავ. ეს ჩემთვის ძალიან ემოციური მომენტია, რადგან აქ დიდებული დრო გავატარე, წარმატებებითა და ტიტულებით სავსე და დარწმუნებული ვარ, თასების მოგებას კვლავ მოვახერხებ." - აცხადებს კოშტა.

ბრაზილიელის ტრანსფერზე კომენტარი ჰასან სალიჰამიჯიჩმაც გააკეთა.

"დუგლასი ჩვენი გუნდის ფლანგებს კიდევ უფრო გააძლიერებს. ის ჩვენს გუნდს კარგად იცნობს და ადაპტაციასაც მალე გაივლის." - აცხადებს სალიჰამიჯიჩი.

6-10-2020, 22:45

sandro

მეტის ნახვა

მიუნხენის "ბაიერნი" ახალგაზრდა ნახევარმცველის, ტიაგო დანტასის გაფორმებასთან ძალიან ახლოსაა. ფეხბურთელი უკვე მიუნხენში იმყოფება, სადაც სამედიცინო შემოწმებას გადის. ალბათ საინტერესოა ვიცოდეთ, რას წარმოადგენს ტიაგო.

19 წლის ფეხბურთელი "ბენფიკას" აკადემიის აღზრდილია და მას ყველა ასაკობრივი გუნდი აქვს გამოვლილი. პოზიციით ცენტრალური ნახევარმცველი გამოირჩვა კარგი დრიბლინგითა და ბურთის კონტროლის ბრწყინვალე უნარით. ამ უკანასკნელ კომპონენტში მას ჩაბი ალონსოსაც კი ადარებენ.

ტიაგოს საკმაოდ დიდი პოტენციალის მქონე ფეხბურთელად მიიჩნვენ. მისი სატრანსფერო ღირებულება 1.5 მილიონ ევროს შეადგენს. ის "ბაიერნის" რიგებს იჯარის წესით შეუერთდა და დიდი ალბათობით, სეზონს მეორე გუნდში გაატარებს. კლუბს მისი გამოსყიდვის უფლება ექნება.

გთავაზობთ ფეხბურთელის საუკეთესო მომენტებს კარიერიდან.

6-10-2020, 19:08

sandro

მეტის ნახვა

მიუნხენის "ბაიერნის" ახალწვეულმა, ერიკ მაქსიმ ჩუპო-მოტინგმა პირველი კომენტარი გააკეთა ტრანსფერის დადასტურების შემდეგ.

"სასიამოვნო გრძნობაა ბუნდესლიგაში დაბრუნება და საუკეთესო გერმანულ კლუბში თამაში. ვის არ სურს "ბაიერნის" მაისურით გამოსვლა?"

"ეს ჩემთვის უდიდესი პატივია. "ბაიერნი" ყოველთვის ყველა ტიტულის მოსაგებად იბრძვის და ვეცდები, რომ მიზნის მიღწევაში ჩემი წვლილი შევიტანო." - აცხადებს კამერუნელი.

შეგახსენებთ, რომ ჩუპო-მოტინგი კლუბს ერთი წლის ვადით, თავისუფალი აგენტის სტატუსით შეუერთდა.

5-10-2020, 18:11

sandro

მეტის ნახვა

მიუნხენის "ბაიერნის" ოფიციალურმა საიტმა დაადასტურა, რომ გუნდის რიგებს კამერუნელი თავდამსხმელი, ერიკ მაქსიმ ჩუპო-მოტინგი შეუერთდა.

31 წლის ფეხბურთელი კლუბს თავისუფალი აგენტის სტატუსით შეუერთდა და ერთწლიან კონტრაქტს მოაწერა ხელი.

ჩუპო მოტინგი "რეკორდმაისტერის" რიგებში ცამეტნომრიანი მაისურით ითამაშებს.

შეგახსენებთ, რომ უკანასკნელად ფეხბურთელი "პსჟს" რიგებში გამოდიოდა და ორწლიანი კარიერის განმავლობაში 51 მატჩში 9 გოლი გაიტანა.

5-10-2020, 18:09

sandro

მეტის ნახვა

სატრანსფერო ფანჯრის დახურვამდე მცირე ხნით ადრე მიუნხენის "ბაიერნმა" გააქტიურება დაიწყო.

იტალიური გამოცემების ინფორმაციით, "რეკორდმაისტერი" ძალიან ახლოს არის დუგლას კოშტას დაბრუნებასთან.

წყაროს ცნობით, ბრაზილიელი ვინგერი უკვე მიუნხენში იმყოფება, სადაც ხვალ სამედიცინო შემოწმებას გაივლის და ამის შემდეგ ტრანსფერი ოფიციალურად დადასტურდება.

კოშტა "ბაიერნში" ერთწლიანი იჯარით ბრუნდება. კლუბს მისი გამოსყიდვის უფლება ექნება.

4-10-2020, 21:54

sandro

მეტის ნახვა

მიუნხენის "ბაიერნი" ლონდონის "ჩელსის" ამომავალი ვარსკვლავის, კალუმ ჰადსონ ოდოის ტრანსფერზე მუშაობას განაგრძობს.

გერმანული გამოცემების ინფორმაციით, "რეკორდმაისტერმა" ახალგაზრდა ვინგერის სანაცვლოდ პირველი ოფიციალური შეთავაზება უკვე გააკეთა და ახლა პასუხს ელოდება.

წყაროს ცნობით, მიუნხენელები ოდოის ერთწლიანი იჯარით დამატებას, შემდგომ 70 მილიონი ფუნტის სანაცვლოდ გამოსყიდვის უფლებით აპირებენ. თუმცა, თავად "ჩელსის" მოთხოვნა გამოსყიდვის აუცილებლობაა.

შეგახსენებთ, რომ ოდოისადმი ინტერესი თავად "ბაიერნის" მთავარმა მწვრთნელმა, ჰანს ფლიკმაც დაადასტურა.

3-10-2020, 23:20

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ბერლინის "ჰერტასთან" მატჩამდე ვრცელი პრესკონფერენცია ჩაატარა.

"კუისენსი ახლა რთულ სიტუაციაშია. მე მას ვესაუბრე და სრული მხარდაჭერა გამოვუცხადე. მიკაელს დღეს ჩვენთან ერთად არ უვარჯიშია, რადგან კორონას ტესტი ჯერ არ გაუვლია, შესაბამისად, ხვალ არ იქნება."

"ტრანსფერების განსახორციელებლად ჯერ კიდევ არის დრო. დაველოდოთ ორშაბათს, ყველაფერი მაშინ გაირკვევა."

"სვენი უდიდესი პროფესიონალია. როგორც ადამიანი და როგორც ფეხბურთელი, ძალიან მოგვენატრება. მას წარმატებას ვუსურვები "ჰამბურგის" რიგებში."

"ჰადსონ ოდოი ბრწყინვალე ფეხბურთელია. მას შესანიშნავად შეუძლია შეტევის ნებისმიერ პოზიციაზე თამაში და გასაკვირი არ არის, რომ ინტერესს ვიჩენთ."

"ალაბა და გორეცკა ვარჯიშს დაუბრუნდნენ. კომანს "დორტმუნდთან" თამაშამდეც აწუხებდა კუნთის ტრავმა. მისი თამაში ხვალ საეჭვოა." - აცხადებს ფლიკი.

3-10-2020, 17:16

sandro

მეტის ნახვა

5 ოქტომბერს ევროპაში სატრანსფერო ფანჯარა იხურება და როგორც ჩანს, მიუნხენის "ბაიერნი" ამ დრომდე რამდენიმე მოთამაშის დამატებას აპირებს.

გამოცემა Sky Sport-ის ინფორმაციით, "რეკორდმაისტერმა" უკვე გაიფორმა კატალონიის "ესპანიოლის" ვარსკვლავი, მარკ როკა და გუნდი ოფიციალურ განცხადებას უახლოეს საათებში გაავრცელებს.

წყაროს ცნობით, მიუნხენელებმა 23 წლის ნახევარმცველის სანაცვლოდ 9 მილიონი ევრო გადაიხადეს და კიდევ 6 მილიონი ბონუსების სახით არის გათვალისწინებული.

როკამ "ესპანიოლის" დღევანდელი ვარჯიში გამოტოვა და მიუნხენში ჩაფრინდა, სადაც სამედიცინო შემოწმებას გაივლის და ტრანსფერი საბოლოოდ დაიხურება.

3-10-2020, 16:50

sandro

მეტის ნახვა

მიუნხენის "ბაიერნის" ახალგაზრდა ნახევარმცველმა, მალიკ ტილმანმა უმძიმესი დაზიანება მიიღო.

გერმანული გამოცემების ინფორმაციით, 18 წლის ფეხბურთელმა ჯვარედინი იოგები გაიწყვიტა, რის გამოც ის დაახლოებით 4-6 თვის განმავლობაში ვერ შეძლებს დაბრუნებას.

ტილმანი 2015 წლიდან "ბაიერნის" აკადემიის წევრია და გასულ სეზონში სარეზერვო გუნდშიც ჰქონდა დებიუტი. იგი საკმაოდ კარგ ფორმაში იყო და 8 თამაშში 5 გოლის გატანაც მოასწრო.

3-10-2020, 16:43

sandro

მეტის ნახვა

კატალონიის "ბარსელონას" მარჯვენა მცველმა, სერხი რობერტომ მიუნხენის "ბაიერნთან" განცდილი გამანდგურებელი მარცხის მიზეზი დაასახელა.

"ვფიქრობ, "ბაიერნთან" იმიტომ წავაგეთ, რომ მეტოქე საკმარისად ვერ შევაფასეთ. ჩვენ მათ მოუმზადებლები დავუპირისპირდით და შედეგიც სახეზეა."

"თუმცა, ეს სეზონი წარსულს ჩაბარდა და დროა დავივიწყოთ. ახლა გაცილებით უფრო ძლიერები ვართ და ტიტულების მოსაგებად ვიბრძოლებთ." - აცხადებს რობერტო.

2-10-2020, 17:12

sandro

მეტის ნახვა