ბრიტანული გამოცემა The SUN-ის ინფორმაციით, ინგლისური გრანდების რადარზე მიუნხენის "ბაიერნის" ამომავალი ვარსკვლავი, ჯამალ მუსიალა გამოჩნდა.

როგორც ცნობილია, "რეკორდმაისტერი" და ახალგაზრდა ნახევარმცველი ახალი კონტრაქტის პირობებზე ვერ თანხმდებიან.

17 წლის ფეხბურთელი წელიწადში 6 მილიონ ევროს ითხოვს ანაზღაურების სახით, "ბაიერნი" კი ნაკლებს სთავაზობს.

წყაროს ცნობით, "მანჩესტერი" და "ლივერპული" აქტიურად აკვირდებიან მუსიალას სიტუაციას და იმ შემთხვევაში, თუ მიუნხენური გრანდი მასთან შეთანხმებას ვერ მიაღწევს, არ არის გამორიცხული, ფეხბურთელი ზაფხულში სწორედ ნისლიან ალბიონზე გადაბარგდეს.

20-01-2021, 20:45

sandro

მეტის ნახვა

ბოლო დღეებში გავრცელდა ინფორმაცია, რომლის მიხედვითაც დავიდ ალაბამ სამედიცინო შემოწმება გაიარა და სულ მალე მადრიდის "რეალთან" წინასწარ კონტრაქტს მოაწერს ხელს.

აღნიშნულ თემაზე კომენტარი ავსტრიელი მცველის აგენტმა, პინი ზაჰავმა გააკეთა.

"ვადასტურებ, ალაბამ მართლაც გაიარა სამედიცინო შემოწმება. თუმცა, მან ეს თავისი სურვილით გააკეთა."

"დავიდს სურს, რომ მომავალი გუნდის არჩევამდე ზედმეტი ტრავმები აირიდოს თავიდან." - აცხადებს ალაბა.

20-01-2021, 19:43

sandro

მეტის ნახვა

UEFA-ს ოფიციალურმა საიტმა 2020 წლის სიმბოლური ნაკრები დაასახელა.

თერთმეტეულში ყველაზე მეტი, 5 ფეხბურთელი მიუნხენის "ბაიერნიდან" მოხვდა.

იხილეთ სრული შემადგენლობა:

20-01-2021, 16:41

sandro

მეტის ნახვა

მიუნხენის "ბაიერნის" ავსტრიელი ცენტრალური მცველი, დავიდ ალაბა კარიერას მადრიდის "რეალში" გააგრძელებს.

ესპანური გამოცემა Marca-ს ინფორმაციით, 28 წლის ფეხბურთელი უკვე იმყოფებოდა მადრიდში, სადაც "სამეფო კლუბის" ექიმთან სამედიცინო შემოწმება გაიარა.

წყაროს ცნობით, მხარეებს შორის შეთანხმება უკვე შედგა. ალაბა "რეალთან" წინასწარ კონტრაქტს სულ მალე მოაწერს ხელს და ინფორმაციაც მალე გაოფიციალურდება.

ავსტრიელის "სამეფო კლუბში" ტრანსფერს სხვა გავლენიანი ევროპული გამოცემებიც ადასტურებენ. როგორც ცნობილია, ფეხბურთელი ოთხწლიან კონტრაქტს მოაწერს ხელს და მისი ანაზღაურება 11 მილიონი ევრო იქნება, ასევე ბონუსებიც.

შეგახსენებთ, რომ ალაბას "ბაიერნთან" კონტრაქტი მიმდინარე წლის ზაფხულში ეწურება და ის თავისუფალი აგენტის სტატუსით ტოვებს კლუბს.

19-01-2021, 09:27

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ სამომავლო ტრანსფერებზე კომენტარი გააკეთა.

"გადავიხდით თუ არა უპამეკანოსა და ნეუჰაუსის გამოსასყიდ თანხას? ამჟამად მხოლოდ ერთი რამ არის ნათელი, ამ კრიზისის დროს თუ ტრანსფერს ანხორციელებ, ინვესტიცია სწორ ფეხბურთელებში უნდა ჩადო."

"ტრანსფერების გაკეთება ჰასან სალიჰამიჯიჩს ეხება. თუმცა, გასულ წელთან შედარებით ახლა უფრო ოპტიმისტურად ვართ განწყობილები რადგან ვფიქრობთ, რომ მომავალი სეზონიდან ფანები დაუბრუნდებიან სტადიონს." - აცხადებს რუმენიგე.

18-01-2021, 22:18

sandro

მეტის ნახვა

მიუნხენის "ბაიერნმა" დუგლას კოშტას თაობაზე მნიშვნელოვანი გადაწყვეტილება მიიღო.

იტალიური გამოცემების ინფორმაციით, "რეკორდმაისტერი" სეზონის დასრულებას აღარ დაელოდება და ფეხბურთელს ტურინში იანვარშივე დააბრუნებს.

წყაროს ცნობით, მიუნხენში თვლიან რომ კოშტა ვერ ერგება მათ სათამაშო სტილსა და ტაქტიკას და შესაბამისად, გუნდში მის ყოფნას პოზიტივი ვერ მოაქვს.

გარდა ამისა, კოშტას ანაზღაურება სეზონში 6 მილიონი ევროა, რაც საკმაოდ მაღალია და სწორედ ამიტომ "ბაიერნს" ურჩევნია, რომ ბრაზილიელი შუა სეზონის დროს დააბრუნოს "იუვენტუსში".

18-01-2021, 20:51

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ ჰაინც რუმენიგემ პეპ გვარდიოლასთან ერთ-ერთი შეხვედრის ემოციური მომენტი გაიხსენა.

"ერთი საღამო ჩემი მეხსიერებიდან არასდროს წაიშლება. 2015 წლის ნოემბერში პეპთან შეხვედრა გვქონდა და მან მითხრა, რომ კლუბს ტოვებდა, ახალი გამოწვევები სჭირდებოდა."

"მან ყველაფერზე გულღიად ისაუბრა. ძალიან ემოციური შეხვედრა იყო. მან იტირა, ცრემლების შეკავება ვერც მე მოვახერხე."

"ჩვენს შორის დიდი მეგობრობა ჩამოყალიბდა. ხშირად ვეკონტაქტებით ერთმანეთს." - აცხადებს რუმენიგე.

18-01-2021, 16:46

sandro

მეტის ნახვა

გერმანიის ბუნდესლიგის მე-16 ტურში მიუნხენის "ბაიერნმა" მნიშვნელოვანი 3 ქულა ჩაიწერა და უახლოეს მდევარს 4 ქულით გაასწრო.

"რეკორდმაისტერის" გამარჯვებაში ლომის წილი დაიდო ალფონსო დეივისმა, რომელსაც, ფაქტობრივად, იდეალური თამაში ჰქონდა და ბრწყინვალე სტატისტიკაც დააფიქსირა.

ფონზი "ფრაიბურგის" წინააღმდეგ 81-ჯერ შეეხო ბურთს. 58 გადაცემიდან ყველა ზუსტი აღმოჩნდა, აქედან 2 მნიშვნელოვანი გადაცემა გახლდათ. ასევე მისი 6 დრიბლინგიდან 5 წარმატებული აღმოჩნდა.

დეივისი დაცვაშიც ბრწყინვალედ გამოიყურებოდა და 2-ჯერ ჩაჭრა ბურთი. 11 ორთაბრძოლიდან კი 9 მის სასარგებლოდ დასრულდა. შეფასება 7.7 კი "ბაიერნის" მცველებს შორის ყველაზე მაღალი გახლდათ.

18-01-2021, 00:09

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "ფრაიბურგთან" მოგებული მატჩის შემდეგ პრესკონფერენციაზე ისაუბრა.

"მარტივი თამაში არ გვქონია. დღეს თავიდანვე ვგრძნობდი, რომ ჩემი ფეხბურთელები ორთაბრძოლებში კარგად გამოიყურებოდნენ და ამ ფაქტმა ძალიან გამახარა."

"ლევანდოვსკიმ კარგი გოლი გაიტანა. თუმცა, ამის შემდეგ მეორეც უნდა გაგვეტანა და ვფიქრობ, თამაში სხვანაირად წავიდოდა."

"დღეს დაცვა კარგად გამოიყურებოდა. გოლი კუთხურიდან გავუშვით, მაგრამ ასეთები ხდება ხოლმე."

"გამიხარდა თუ არა კონკურენტების ქულების დაკარგვა? არა. ჩვენ მხოლოდ ჩვენს თამაშზე უნდა ვიყოთ კონცენტრირებულები. 4 ქულით წინ გასვლა კარგია, მაგრამ არ შეიძლება ყურადღების მოდუნება."

"არ მიყვარს კონკრეტული ფეხბურთელების გამორჩევა, მაგრამ დღეს სანე ძალიან კარგი იყო. მისი პროგრესი მუდმივად შეინიშნება და დღეს კიდევ ერთხელ დაამტკიცა თავისი მაღალი დონე." - აცხადებს ფლიკი.

17-01-2021, 22:12

sandro

მეტის ნახვა

გერმანიის ბუნდესლიგის მე-16 ტურში მიუნხენის "ბაიერნმა" მნიშვნელოვანი სამი ქულა მოიპოვა "ფრაიბურგის" წინააღმდეგ.

სამწუხაროდ, მატჩის მიმდინარეობის დროს დაზიანება მიიღო სერჟ გნაბრიმ, რის გამოც მის ნაცვლად მინდორზე ლეროი სანე გამოვიდა.

როგორც ჰანს ფლიკმა თამაშის დასრულების შემდეგ განაცხადა, გნაბრის ტრავმა სერიოზული არ გახლავთ და მას მხოლოდ კუნთის დაჭიმულობა აწუხებს. ჯერ-ჯერობით უცნობია, როდის დაბრუნდება ფეხბურთელი მინდორზე.

შეგახსენებთ, რომ ეს გნაბრისთვის რიგით მეორე ტრავმა გახლავთ 2021 წელს. "მაინცთან" მიღებული დაზიანების გამო მას "გლადბახთან" დასვენება მოუწია.

17-01-2021, 21:08

sandro

მეტის ნახვა

გერმანიის ბუნდესლიგის მე-16 ტურში მიუნხენის "ბაიერნმა" საკუთარ კედლებში "ფრაიბურგი" მიიღო და დაძაბულ ბრძოლაში 2:1 დაამარცხა.

შეხვედრის პირველი გოლი მე-7 წუთზე, რობერტ ლევანდოვსკიმ გაიტანა. აღსანიშნავია, რომ პოლონელმა ამის წყალობით ახალი რეკორდი დაამყარა.

კერძოდ, ლევანდოვსკის 16 ტურის შემდეგ ბუნდესლიგაში უკვე 21 გოლი აქვს გატანილი, რაც ტურნირის ისტორიაში საუკეთესო შედეგია.

17-01-2021, 20:51

sandro

მეტის ნახვა

გერმანიის ბუნდესლიგის მე-16 ტურში მიუნხენის "ბაიერნმა" საკუთარ კედლებში "ფრაიბურგი" მიიღო და ანგარიშით 2:1 დაამარცხა.

გთავაზობთ ფეხბურთელების შეფასებებს გამოცემა Whoscored-ის ვერსიით.

17-01-2021, 20:26

sandro

მეტის ნახვა

მიუნხენის "ბაიერნის" დირექტორთა საბჭოს წევრმა, კარლ-ჰაინც რუმენიგემ ჩემპიონთა ლიგაზე საინტერესო ცვლილებები დააანონსა.

"სიმართლე გითხრათ, ჩემპიონთა ლიგის ჯგუფური ეტაპის მატჩები ცოტა არ იყოს მოსაწყენია. ამას UEFA-შიც კარგად ხვდებიან."

"ჩემი ინფორმაციით, ამ ფორმატის ცვლილებაზე მუშაობა უკვე დაწყებულია და უახლოეს მომავალში დიდ სიახლეებს უნდა ველოდოთ." - აცხადებს რუმენიგე.

15-01-2021, 23:52

sandro

მეტის ნახვა

ლეგენდარულმა გერმანელმა ფეხბურთელმა, ლოთარ მათეუსმა მიუნხენის "ბაიერნის" მდგომარეობაზე ისაუბრა.

"ბაიერნი სატრანსფერო პოლიტიკის გამო აუცილებლად გასაკრიტიკებელია. მათ გაუშვეს პერიშიჩი, კოუტინიო და ტიაგო. სამივე მათგანი გუნდისთვის მნიშვნელოვანი ფეხბურთელი იყო."

"დასაწყისიდანვე ვიცოდით, რომ წინ გრძელი, რთული სეზონი გველოდა. ახალი ტრანსფერების შემთხვევაში კი მისი გადალახვა გამარტივდებოდა."

"ხშირად შევხვდებით გუნდში კონცენტრაციის ნაკლებობას. ამის რამდენიმე მიზეზი არსებობს. გადაღლა, რამდენიმე მატჩის ჩატარება მიყოლებით, არდადეგების დროის არარსებობა." - აცხადებს მათეუსი.

15-01-2021, 23:44

sandro

მეტის ნახვა

გერმანიის ბუნდესლიგის მე-16 ტურში მიუნხენის "ბაიერნი" საკუთარ კედლებში "ფრაიბურგს" დაუპირისპირდება.

გთავაზობთ "რეკორდმაისტერის" სავარაუდო შემადგენლობას მომავალი მატჩისთვის.

ნოიერი - პავარი, ბოატენგი, ალაბა, ერნანდესი - გორეცკა, კიმიხი - გნაბრი, მიულერი, კომანი - ლევანდოვსკი.

15-01-2021, 22:26

sandro

მეტის ნახვა

გერმანული გამოცემა Sport1-ის ინფორმაციით, მიუნხენის "ბაიერნის" ახალგაზრდა მეკარე, ალექსანდრ ნუბელი უკმაყოფილებას გამოთქვამს.

24 წლის ფეხბურთელი "რეკორდმაისტერს" სეზონის დაწყებამდე შეუერთდა, თუმცა, მას მხოლოდ 2 შეხვედრაში მიეცა თავის გამოჩენის საშუალება. ესენია თასის პირველ ეტაპზე "დურენის" წინააღმდეგ და ჩემპიონთა ლიგაზე "ატლეტიკოსთან", როცა ნოიერი ტრავმირებული იყო.

წყაროს ცნობით, ნუბელი და მისი აგენტი უკმაყოფილოები არიან იმით, რომ ისეთ უმნიშვნელო მატჩშიც კი, როგორიც "ლოკომოტივთან" ლიგის ბოლო ტურის შეხვედრა იყო, ფეხბურთელს სათამაშო დრო არ მიეცა.

მოგეხსენებათ, "ბაიერნში" გადმოსვლამდე მას გარკვეულ გარანტირებულ სათამაშო დროს დაჰპირდნენ, თუმცა, ეს დაპირება არ სრულდება და შესაბამისად, ნუბელი და აგენტი შესაბამის განმარტებებს ითხოვენ.

15-01-2021, 18:42

sandro

მეტის ნახვა