მიუნხენის "ბაიერნის" მთავარმა მწვრთნელმა, ჰანს ფლიკმა "ვოლფსბურგთან" მატჩამდე პრესკონფერენცია ჩაატარა.

"კიმიხის აღდგენითი პროცესი ძალიან კარგად მიმდინარეობს, თუმცა, ის ხვალ არ იქნება. არ გვსურს, მოვლენების დაჩქარება. დაველოდებით რამდენიმე დღე."

"რამდენიმე გუნდს დაახლოებით თანაბარი ქულები აქვთ დაგროვებული. მიმდინარე სეზონში ბუნდესლიგის მოსაგებად არაერთი კლუბი იბრძოლებს. ვეცდებით, მომდევნო 2 მატჩში 6 ქულა ავიღოთ და პოზიცია გავიმყაროთ."

"ლეროი ფეხბურთს ისე უყურებს, როგორც მე. მან იცის, რომ დიდი პოტენციალი აქვს, რომელსაც განვითარება სჭირდება. სერიოზული ტრავმა, ტრანსფერი, კვლავ ტრავმა, ახალი საფეხბურთო იდეების გარემო. მას ამ ყველაფერთან ადაპტაცია სჭირდება."

"როდესაც კომანს ტრავმა არ აქვს, ის დიდებული ფეხბურთელია. კინგსლი მუდამ ეხმარება თანაგუნდელებს და სიამოვნებას იღებს ფეხბურთისგან."

"ვფიქრობ, ხუთშაბათს ჯილდოს ლევანდოვსკი მიიღებს. 2020 წელს მასზე უკეთესი არავინ ყოფილა და ეს დაიმსახურა. მწვრთნელის ტიტული მეორეხარისხოვანია ჩემთვის."

"გორეცკას თამაში ხვალინდელ მატჩში გამორიცხულია. იმედი მაქვს, ის შაბათს შეძლებს დაბრუნებას." - აცხადებს ფლიკი.

15-12-2020, 16:57

sandro

მეტის ნახვა

მოგეხსენებათ, დღეს France Football-მა ყველა დროის საუკეთესო თერთმეტეული დაასახელა.

ფრანგულმა გამოცემამ, გარდა ამისა ასევე მეორე და მესამე საუკეთესო თერთმეტეულებიც გამოავლინა.

სამწუხაროდ, მეორე გუნდში ვერცერთი "ბაიერნის" ლეგენდა ვერ მოხვდა, თუმცა, მესამე შემადგენლობაში ერთბაშად სამ მიუნხენელს ვხედავთ. ესენი არიან მანუელ ნოიერი, პოლ ბრაიტნერი და ფილიპ ლამი.

სრული თერთმეტეულები შემდეგნაირად გამოიყურება:

15-12-2020, 00:21

sandro

მეტის ნახვა

16 თებერვალს ჩემპიონთა ლიგის პლეი-ოფის სტადია აიღებს სტარტს. ალბათ, საინტერესოა, როგორ გამოიყურება ბუკმეიკერების აზრით ტურნირის ფავორიტთა სია.

პირველ ადგილზე მიუნხენის "ბაიერნია", რომელსაც ყველაზე დაბალი, 3.50 კოეფიციენტი აქვს.

შანსებით მეორე და მესამე ადგილებზე "სიტი" და "ლივერპული" არიან, შესაბამისად 5.0 და 7.0 კოეფიციენტებით. ხუთეულში ასევე "იუვენტუსი" და "პსჟც" შედიან.

რაც შეეხება 1/8 ფინალურ ეტაპს. "ბაიერნის" წყვილში გამარჯვების შანსი 1.15 კოეფიციენტით ფასდება, მაშინ, როცა "ლაციოს" შემდეგ ეტაპზე გასვლას 4.50 აქვს კოეფიციენტი.

14-12-2020, 23:15

sandro

მეტის ნახვა

მიუნხენის "ბაიერნის" კაპიტანმა, მანუელ ნოიერმა ჩემპიონთა ლიგის წილისყრის შემდეგ პირველი კომენტარი გააკეთა.

"ლაციო ძლიერი გუნდია, თუმცა, ჩვენ ფავორიტები ვართ. მათ დიდებული შემტევები ჰყავთ. ყველამ კარგად ვიცით, თუ რა შეუძლია ჩირო იმობილეს."

"ლევანდოვსკი ამ დაპირისპირებისთვის განსაკუთრებულად ემზადება და მეც ამას ვაპირებ, როგორც მეკარე."

"ამ სტადიონთან დიდი მოგონებები გვაკავშირებს, როცა "რომა" დავამარცხეთ. თავის მხრივ, მირო "ლაციოში" თამაშობდა. ასე რომ, მოუთმენლად ველოდებით ამ თამაშს." - აცხადებს მანუ.

14-12-2020, 21:31

sandro

მეტის ნახვა

მოგეხსენებათ, დღეს France Football ყველა დროის საუკეთესო თერთმეტეულს ასახელებს.

მას შემდგომ, რაც გამოცემამ მეკარისა და დაცვის ხაზის პოზიციებზე საუკეთესოები დაასახელა, ჯერი ნახევარმცველებზე მიდგა.

ფრანც ბეკენბაუერის შემდეგ თერთმეტეულში კიდევ ერთი მიუნხენელი მოხვდა, ეს ლოთარ მათეუსი გახლავთ. გამოცემამ ის სიმბოლურ ნაკრებში ხავი ერნანდესთან ერთად ნახევარდაცვის საყრდენ ზონაში განაწესა.

რაც შეეხება შემტევ ნახევარმცველებს, ამ პოზიციაზე ყველა დროის საუკეთესოდ დიეგო მარადონა და პელე დასახელდნენ.

14-12-2020, 20:19

sandro

მეტის ნახვა

მოგეხსენებათ, მიმდინარე წელს France Football ნაცვლად ყოველწლიური ოქროს ბურთის დაჯილდოებისა ყველა დროის საუკეთესო თერთმეტეულს ასახელებს.

გამოკითხვაში მსოფლიოს წამყვანი გამოცემებისგან შემდგარი 140 ჟურნალისტი იღებს მონაწილეობას და გარკვეულ პოზიციებზე უკვე დაასახელეს საუკეთესოები.

ყველა დროის საუკეთესო მცველად ჟიურიმ მიუნხენის "ბაიერნისა" და გერმანიის ეროვნული ნაკრების ლეგენდა, ფრანც ბეკენბაუერი დასახელდა. მან ხმების 33% მიიღო.

მეკარის პოზიციაზე ეს ტიტული ლევ იაშინს ერგო, მარჯვენა მცველად კაფუ დასახელდა, რაც შეეხება მარცხენა მცველს, აქ ყველაზე მეტი ხმა პაოლო მალდინიმ მიიღო.

14-12-2020, 19:34

sandro

მეტის ნახვა

დღეს ჩემპიონთა ლიგის 1/8 ფინალური ეტაპის წილისყრა გაიმართა, სადაც გაირკვა, რომ მიუნხენის "ბაიერნი" მომდევნო ეტაპზე რომის "ლაციოს" დაუპირისპირდება.

წილისყრის შემდგომ "რეკორდმაისტერის" მთავარმა მწვრთნელმა, ჰანს ფლიკმა პრესასთან პირველი კომენტარი გააკეთა.

"შედეგებით კმაყოფილები ვართ, თუმცა ვიცით, რომ იტალიურ გუნდებთან თამაში მარტივი არასდროს არის."

"კლოზესთვის ეს განსაკუთრებული დაპირისპირება იქნება, რადგან ის "ლაციოში" თამაშობდა. ვფიქრობ, საინტერესო დაპირისპირება გველოდება. ჯგუფური ეტაპის რამდენიმე მატჩს ვუყურე და რომაელებზე გარკვეული წარმოდგენა უკვე მაქვს." - აცხადებს ფლიკი.

14-12-2020, 19:26

sandro

მეტის ნახვა

რამდენიმე წუთის წინ დასრულდა ჩემპიონთა ლიგის 1/8 ფინალური ეტაპის წილისყრა და გაირკვა იმ გუნდის ვინაობა, რომელიც მიუნხენის "ბაიერნს" დაუპირისპირდება.

"რეკორდმაისტერის" მომავალი მეტოქე მიუნხენის რომის "ლაციო" იქნება.

პირველი მატჩი იტალიის დედაქალაქში ჩატარდება, განმეორებითი შეხვედრა კი მიუნხენში, ალიანს არენაზე გაიმართება.

შეახსენებთ, რომ პლეი-ოფის ეტაპი თებერვალში აიღებს სტარტს.

სრული წყვილები შემდეგნაირად გამოიყურება:

"გლადბახი" - "მანჩესტერ სიტი"

"ლაციო" - "ბაიერნი"

"ატლეტიკო" - "ჩელსი"

"ლაიფციგი" - "ლივერპული"

"პორტუ" - "იუვენტუსი"

"ბარსელონა" - "პსჟ"

"ატალანტა" - "რეალი"

"სევილია" - "დორტმუნდი"

14-12-2020, 15:16

sandro

მეტის ნახვა

გერმანიის ეროვნული ნაკრების ყოფილმა ნახევარმცველმა, სამი ხედირამ საინტერესო განცხადება გააკეთა.

"თუ ახალგაზრდა ფეხბურთელი გყავს, რომელიც ისეთივე დონეზე თამაშობს, როგორც ვეტერანი, მაშინ მას შანსი უნდა მიეცეს. თუმცა, არასწორია ისინი გამოიძახო მხოლოდ ასაკის გამო."

"გერმანიის ეროვნულმა ნაკრებმა დაკარგა თავისი სახე გასულ წლებში ახალი ფეხბურთელების გამოძახებებით."

"იმ შემთხვევაში, თუ ლიოვი ნაკრებში ვეტერანებს დააბრუნებს, მაშინ დავრწმუნდები, რომ ის ძლიერი ადამიანია." - აცხადებს ხედირა.

13-12-2020, 23:50

sandro

მეტის ნახვა

ორშაბათს, 14 დეკემბერს ჩემპიონთა ლიგის წილისყრაა, სადაც მიუნხენის "ბაიერნის" მეტოქე გაირკვევა 1/8 ფინალურ ეტაპზე.

აღნიშნულ ფაქტთან დაკავშირებით ჩვენს გვერდზე ჩატარდა შემდეგი სახის გამოკითხვა: "ვინ გსურთ ჩემპიონთა ლიგის 1/8 ფინალში მეტოქედ", სადაც სულ 364-მა ადამიანმა მიიღო მონაწილეობა.

ხმების უმრავლესობა, 59%, ანუ 212 ხმა კატალონიის "ბარსელონამ" მიიღო. მეორე ადგილზე რომის "ლაციო" გავიდა 57 ხმით (15.66%), მესამეზე კი - "პორტუ", 43 ხმა (11.81%).

ყველაზე ნაკლებად "ბაიერნის" ქართველ ქომაგებს "სევილიასთან" დაპირისპირება სურთ - 16 ხმა (4.4%). "ატალანტამ" კი ხმების 9% აიღო - 33.

13-12-2020, 20:23

sandro

მეტის ნახვა

მიუნხენის "ბაიერნის" მცველებმა, დავიდ ალაბამ და ჟერომ ბოატენგმა მისაბაძი საქციელით კიდევ ერთხელ გამოიჩინეს თავი.

ფეხბურთელები წლების მანძილზე საშობაოდ სტუმრობდნენ ვენის ერთ-ერთ ბავშვთა საავადმყოფოს და პატარების გასამხნევებლად მათთან დიდ დროს ატარებდნენ.

სამწუხაროდ, წელს კორონავირუსის გამო სტუმრობა ვეღარ მოხერხდა, თუმცა, ფეხბურთელებმა ბავშვებს გული არ დაწყვიტეს და დისტანციურად, ინტერნეტის მეშვეობით ესაუბრნენ მათ.

"ეს ვიზიტი ყოველწლიურად უდიდეს სიამოვნებას მანიჭებდა. ჟერომმა და მე ვიფიქრეთ, რომ რამენაირად კარგ ხასიათზე დაგვეყენებინა ბავშვები და ვფიქრობ, ეს მოვახერხეთ."

"ამ ბავშვებს გვერდში დგომა სჭირდებათ უმძიმესი სენის დასახმარებლად და ვფიქრობ კარგი იქნება, თუ უფრო მეტი ცნობილი სახე გაიმეორებს იგივეს." - აცხადებს ალაბა.

13-12-2020, 20:16

sandro

მეტის ნახვა

მიუნხენის "ბაიერნის" ბანაკიდან სასიხარულო ამბები ვრცელდება.

გუნდის მთავარი მწვრთნელის, ჰანს ფლიკის განცხადებით, იოზუა კიმიხის აღდგენითი პროცესი ძალიან კარგად მიმდინარეობს და ის მომავალი კვირიდან უკვე გუნდს შეუერთდება.

როგორც ცნობილია, ახალგაზრდა ნახევარმცველს წლის ბოლომდე უკვე სრული დატვირთვით ვარჯიშის უფლებაც ექნება და ამის შემდეგ შეძლებს მატჩებში მონაწილეობის მიღებას.

მოგეხსენებათ, "ბაიერნს" 2020 წელს სულ 2 მატჩის ჩატარება დარჩა და ფლიკი კიმიხის დაყენებას ამ თამაშებში არ გარისკავს. დიდი ალბათობით, კიმიხი 3 იანვარს, "მაინცის" წინააღმდეგ შეხვედრაში დაბრუნდება.

13-12-2020, 18:13

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა ბერლინის "უნიონთან" ფრედ ნათამაშები მატჩის შემდეგ კომენტარი გააკეთა.

"უნიონის გოლის ეპიზოდში ცუდად დავიცავით თავი. პირველ წუთებში, თითქოს, მინდორზე საერთოდ არ ვიყავით. მეტოქის პირველივე შეტევაზე გოლის გაშვება თავდაჯერებულობას გიკარგავს."

"გუნდის დაცვით უკმაყოფილო ვიყავი. ასევე, შეტევაშიც ვერ ვქმნიდით სივრცეებს. ამაზე შესვენების დროს ვისაუბრეთ და მეორე ტაიმი უკეთესად ჩავატარეთ, მაგრამ, საერთო ჯამში უკეთესად უნდა ვითამაშოთ."

"გორეცკამ სირბილის დროს მცირე დისკომფორტი იგრძნო. სერიოზული არაფერია, თუმცა, თავის დაზღვევის მიზნით შევცვალეთ."

"ზულემ დღეს ტრავმის გამო არ ითამაშა. ამ შემთხვევაშიც სერიოზული არაფერია. ოთხშაბათს დაგვიბრუნდება." - აცხადებს ფლიკი.

13-12-2020, 00:52

sandro

მეტის ნახვა

გერმანიის ბუნდესლიგის მე-11 ტურში მიუნხენის "ბაიერნი" დედაქალაქურ "უნიონს" ესტუმრა და დაუზავდა - 1:1.

"რეკორდმაისტერის" მხრიდან ერთადერთი გოლის ავტორი რობერტ ლევანდოვსკი გახდა.

გთავაზობთ ფეხბურთელების შეფასებებს გამოცემა Whoscored-ის ვერსიით.

12-12-2020, 23:40

sandro

მეტის ნახვა

"უნიონისა" და "ბაიერნის" შეხვედრის 68-ე წუთზე რობერტ ლევანდოვსკიმ ანგარიშის გათანაბრება მაოხერხა.

იხილეთ ვიდეო.

12-12-2020, 23:02

sandro

მეტის ნახვა

გერმანიის ბუნდესლიგის შეხვედაში მიუნხენის "ბაიერნი" სტუმრად ბერლინის "უნიონს" უპირისპირდება.

გთავაზობთ მატჩის საყურებელ ლინკებს.

ლინკი 1 (სეტანტა)

​ლინკი 2​​​

​ლინკი 3​​​

12-12-2020, 21:13

sandro

მეტის ნახვა