მიუნხენის "ბაიერნის" ლიდერმა, რობერტ ლევანდოვსკიმ ოქროს ბურთის შესახებ ისაუბრა.

"შეიძლება, მათ ძალიან ადრე მიიღეს ტიტულის გაუქმების გადაწყვეტილება. ფეხბურთელებმა, მწვრთნელებმა და ჟურნალისტებმა კარგად იციან, რომ წელს საუკეთესო სეზონი მქონდა."

"ჩვენ საოცარი წელი გვქონდა. ყველა ტიტული მოვიგეთ და ძალიან კარგად ვთამაშობდით, ეს ყველამ დაინახა."

"თუმცა, პერსონალური ჯილდოები ყოველთვის გუნდს ეკუთვნის. მათ გარეშე შეუძლებელია რაიმე წარმატების მიღწევა." - აცხადებს ლევანდოვსკი.

4-12-2020, 16:00

sandro

მეტის ნახვა

გერმანიის ბუნდესლიგის მეათე ტურში მიუნხენის "ბაიერნი" "ლაიფციგს" უმასპინძლებს.

გთავაზობთ გუნდების სავარაუდო თერთმეტეულებს მომავალი დაპირისპირებისთვის.

"ბაიერნი": ნოიერი - პავარი, ბოატენგი, ალაბა, ერნანდესი - ტოლისო, გორეცკა - გნაბრი, მიულერი, კომანი - ლევანდოვსკი.

"ლაიფციგი": გულაშჩი - კონატე, უპამეკანო, ჰოლშტენბერგი - მუკიელე, საბიცერი, ადამსი, ანხელინო - ოლმო, ნკუნკუ - ფორსბერგი.

4-12-2020, 13:19

sandro

მეტის ნახვა

ლეგენდარულმა გერმანელმა ფეხბურთელმა, ლოთარ მათეუსმა 2020 წლის საუკეთესო ფეხბურთელის ჯილდოს ფავორიტი დაასახელა.

"ამჟამად მსოფლიოს საუკეთესო ფეხბურთელი მხოლოდ ერთია და ის რობერტ ლევანდოვსკია. შეიძლება ითქვას, რომ პოლონელი სრულყოფილია."

"მესი, რონალდუ, მბაპე. ისინიც უძლიერესები არიან და ბრწყინვალე სეზონი ჰქონდათ. მაგრამ, მათგან განსხვავებით ლევანდოვსკიმ ყველა ტიტული მოიგო."

"ჩემპიონთა ლიგა, ბუნდესლიგა, ევროპის სუპერთასი და ყველგან ოქროს ბუცი. ლევანდოვსკი ამ სტატუსს იმსახურებს." - აცხადებს მათეუსი.

4-12-2020, 01:02

sandro

მეტის ნახვა

მიუნხენის "ბაიერნის" ხელმძღვანელობამ სამაგალითო გადაწყვეტილება მიიღო.

მოგეხსენებათ, კორონავირუსის პანდემიამ ევროპული გრანდების ბიუჯეტს სერიოზული ზიანი მიაყენა. თუმცა, "რეკორდმაისტერი" საკუთარი თანამშრომლების გახარებას მაინც ახერხებს.

გერმანული გამოცემების ინფორმაციით, კლუბში მომსახურე პერსონალის ყველა წევრი საშობაოდ ბონუსის სახით 1500 ევროს მიიღებს.

3-12-2020, 23:10

sandro

მეტის ნახვა

საქართველოს ფეხბურთის ფედერაციის ოფიციალურმა საიტმა ძალიან სასიხარულო ინფორმაცია გამოაქვეყნა.


"ევრო 2023-ის ახალგაზრდულ ნაკრებთა ფინალური მატჩი საქართველოში, ბათუმის სტადიონზე შედგება, ხოლო გახსნით მატჩს რუმინეთი უმასპინძლებს." - წერია განცხადებაში.

3-12-2020, 20:38

sandro

მეტის ნახვა

მიუნხენის "ბაიერნის" რიგებში სასიხარულო ამბებია. გუნდის მარცხენა მცველი, ალფონსო დეივისი დასაბრუნებლად ემზადება.

დღეს კანადელმა ფეხბურთელმა სრული დატვირთვით ივარჯიშა, რაც ნიშნავს, რომ ფონზის უკვე მომდევნო შეხვედრაში მონაწილეობის მიღების უფლება აქვს. ინფორმაცია კლუბის ოფიციალურმა საიტმა დაადასტურა.

მოგეხსენებათ, შაბათს "ბაიერნი" პრინციპულ დაპირისპირებაში "ლაიფციგს" შეხვდება. შესაბამისად, თუ ჰანს ფლიკი გადაწყვეტს, მასში მონაწილეობის მიღება ალფონსო დეივისსაც შეეძლება. თუმცა, უფრო მეტად მისი დაბრუნება შემდეგ კვირაში არის მოსალოდნელი.

შეგახსენებთ, რომ კანადელმა უკანასკნელი შეხვედრა 24 დეკემბერს, "აინტრახტის" წინააღმდეგ ჩაატარა.

3-12-2020, 18:53

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა გერმანულ გამოცემასთან ინტერვიუში საინტერესო თემებზე ისაუბრა.

"ჩემთვის ყველაზე მნიშვნელოვანი სწორად თამაშია. ვიცი, რომ ამ გუნდს დიდი პოტენციალი აქვს შეტევაში და ეს მეტოქეზე ორმაგად ზრდის წნეხს. ჩვენს ფეხბურთელებს საკუთარი თავის რწმენა აქვთ გაზრდილი."

"ჩემი ხედვით "ბაიერნის" დნმ უნდა გადაეცემოდეს მთელს გუნდს და საწვრთნელ პერსონალს. ეს დნმ არა მხოლოდ ძირითად გუნდში, არამედ აკადემიებში, სკაუტინგში და ნებისმიერ საკითხში უნდა ჩანდეს."

"თუ მე არ შემიძლია გამოწვევებს ვუპასუხო, მაშინ "ბაიერნში" არაფერი მესაქმება. ჩვენ არ გვჭირდება ფეხბურთელი, რომელიც მხოლოდ იმ სიმაღლეზე ხტება, რამდენზეც საჭიროა. ყველა მათგანი საკუთარ თავს უნდა გადაახტეს და მაქსიმალურისთვის იბრძოლოს." - აცხადებს ფლიკი.

3-12-2020, 15:59

sandro

მეტის ნახვა

გერმანული გამოცემა BILD-ის ინფორმაციით, მიუნხენის "ბაიერნმა" ედუარდო კამავინგას ტრანსფერზე მუშაობა განაახლა.

ახალგაზრდა ნახევარმცველის შესახებ გასული კვირების განმავლობაშიც იწერება, თუმცა, უკანასკნელი ცნობებით, "რეკორდმაისტერი" საქმეს უკვე სერიოზულად მიუდგა.

როგორც ცნობილია, ჰანს ფლიკი ტიაგო ალკანტარას ჩამნაცვლებლად სწორედ 18 წლის უნიჭიერეს ფეხბურთელს მიიჩნევს და მასში დიდ პოტენციალს ხედავს.

კამავინგას შეძენა "ბაიერნის" გარდა ასევე მანჩესტერ "იუნაიტედსაც" სურს. მის ტრანსფერში მთავარ ფავორიტებად სწორედ ეს კლუბები მიიჩნევიან.

2-12-2020, 23:54

sandro

მეტის ნახვა

ჩემპიონთა ლიგის ჯგუფური ეტაპის მეხუთე ტურში მიუნხენის "ბაიერნი" მადრიდის "ატლეტიკოს" ესტუმრა და დაუზავდა - 1:1.

"რეკორდმაისტერის" ერთადერთი გოლი გუნდის ლიდერმა, თომას მიულერმა 86-ე წუთზე, თერთმეტმეტრიანი დარტყმით გაიტანა. აღსანიშნავია, რომ გერმანელი ფეხბურთელისთვის ეს გოლი ისტორიული აღმოჩნდა.

კერძოდ, მიულერს უკვე 47 გოლი დაუგროვდა ჩემპიონთა ლიგის ისტორიაში, რითაც ის საუკეთესო ბომბარდირთა ათეულში შევიდა.

თომასმა ლეგენდარული ფილიპო ინძაგი ჩამოიტოვა, რომელსაც მის მსგავსად 46 გოლი ჰქონდა გატანილი.

ისტორიაში საუკეთესო ბომბარდირთა ათეული ამჟამად ასე გამოიყურება:

2-12-2020, 23:17

sandro

მეტის ნახვა

რამდენიმე დღის წინ FIFA-ს ოფიციალურმა საიტმა გასული წლის საუკეთესო ფებხურთელის ჯილდოსთვის მებრძოლთა სია დაასახელა.

საბუკმეიკერო კანტორებმა თითოეულ კანდიდატს კოეფიციენტი მიანიჭეს. არ იქნება გასაკვირი თუ გეტყვით, რომ მთავარ ფავორიტად რობერტ ლევანდოვსკი მიიჩნევა.

პოლონელ თავდამსხმელის შანსი 1.3 კოეფიციენტით შეფასდა, რაც ყველაზე დაბალია კანდიდატებს შორის. მას შემდეგ მოდიან კრისტიანო რონალდუ და ლეო მესი, შესაბამისად 6.0 და 8.0 კოეფიციენტებით.

შეგახსენებთ, რომ FIFA მსოფლიოს საუკეთესო ფეხბურთელს 11 დეკემბერს დაასახელებს.

2-12-2020, 23:12

sandro

მეტის ნახვა

როგორც ჩანს, მიუნხენის "ბაიერნი" აღებული კურსის ცვლილებას არ აპირებს და მომავალი სეზონიდან კვლავ გაგრძელდება გუნდის გადახალისება.

გერმანული გამოცემების ინფორმაციით, "რეკორდმაისტერმა" 2021 წლის ზაფხულის ტრანსფერები უკვე დაგეგმა და 2 მთავარი სატრანსფერო სამიზნეც ამოირჩია.

წყაროს ცნობით, კლუბი ყველაზე მეტად გლადბახის "ბორუსიას" ფეხბურთელების, დენის ზაქარიასა და ფლორიან ნეუჰაუსის შეძენას ეცდება.

როგორც ცნობილია, ორივე ხსენებული მოთამაშის მოყვანა პირადად ჰანს ფლიკის მოთხოვნაა, რაც 2021/22 წლების სეზონის დაწყებამდე აუცილებლად შესრულდება.

2-12-2020, 21:26

sandro

მეტის ნახვა

ბრიტანული გამოცემა The Times-ის ინფორმაციით, არ არის გამორიცხული, უახლოეს მომავალში ჩემპიონთა ლიგის ფორმატის ცვლილება ვიხილოთ.

კერძოდ, წყაროს ცნობით, UEFA განიხილავს ჭადრაკის სისტემაზე გადასვლას, რაც გულისხმობს შემდეგს:

სავარაუდოდ, მონაწილეთა რაოდენობა 36 კლუბამდე გაიზრდება, თითოეული კლუბი კი 5 მოწინააღმდეგეს შეხვდება შინ და გარეთ. სულ 10 შეხვედრა.

საუკეთესო 16 გუნდი 1/8 ფინალში შეძლებს გასვლას. დივიზიონის პირველადგილოსანი მეთექვსმეტეს შეხვდება, მეორეადგილოსანი მეთხუთმეტეს და ა. შ.

სავარაუდოდ, დამტკიცების შემთხვევაში ეს ცვლილება ძალაში 2024/25 წლების სეზონიდან შევა.

2-12-2020, 20:42

sandro

მეტის ნახვა

ჩემპიონთა ლიგის ჯგუფური ეტაპის მე-5 ტურში მიუნხენის "ბაიერნი" მადრიდის "ატლეტიკოს" სტუმრობს.

გთავაზობთ სასტარტო შემადგენლობებს:

"ატლეტიკო": ობლაკი - ტრიპიერი, სავიჩი, ხიმენესი, ერმოსო - ლორენტე, კოკე, საული, კარასკო - ჟოაო ფელიში, კორეა

"ბაიერნი": ​ნუბელი - ზულე, ალაბა, ერნანდესი - სარი, ხავი მარტინესი, მუსიალა, არი-მბი - სანე, ჩუპო მოტინგი, დუგლას კოშტა

1-12-2020, 22:37

sandro

მეტის ნახვა

UEFA-ს ოფიციალურმა საიტმა გასული სეზონის საუკეთესო თერთმეტეულის გამოსავლენად გამოკითხვა დაიწყო.

გასაკვირი არ იქნება თუ გეტყით, რომ სიაში ყველაზე მეტი, 10 წარმომადგენელი მიუნხენის "ბაიერნს" ჰყავს.

ხმის მიცემა ამ ლინკის საშუალებით შეგიძლიათ.

იხილეთ ნომინანტების სრული სია:

1-12-2020, 15:37

sandro

მეტის ნახვა

მოგეხსენებათ, დღეს გერმანიის ფეხბურთის ფედერაციის შეხვედრა გაიმართა, სადაც გადაწყდა, რომ იოახიმ ლიოვი ეროვნულ ნაკრებში მინიმუმ ევროპის ჩემპიონატამდე დარჩება.

გარდა ამისა, ბუნდესფედერაციამ ლიოვთან ერთად კიდევ ერთ მნიშვნელოვან საკითხზე იმსჯელა. ეს გახლავთ ვეტერანი ფეხბურთელების დაბრუნება ნაკრებში.

გერმანული გამოცემების ინფორმაციით, გადაწყვეტილება შეიცვალა, ოღონდ მცირედით.

ჟერომ ბოატენგი, თომას მიულერი და მატს ჰუმელსი ეროვნულ გუნდში დაბრუნებას მხოლოდ ერთ შემთხვევაში შეძლებენ. თუ ნაკრებს ბევრი ტრავმირებული ფეხბურთელი დაუბრუნდება.

სხვა შემთხვევაში კი ლიოვის პოზიცია უცვლელია და ვეტერანები კვლავ ნაკრებს მიხმა ხვდებიან.

1-12-2020, 00:09

sandro

მეტის ნახვა

დღეს გერმანიის ფეხბურთის ფედერაციამ გადაწყვეტილება მიიღო, რომლის მიხედვითაც იოახიმ ლიოვი ევროპის ჩემპიონატის დასრულებამდე ნაკრების მთავარი მწვრთნელის პოსტზე რჩება.

აღნიშნულ თემაზე კომენტარი მიუნხენის "ბაიერნის" ვეტერანმა ცენტრალურმა მცვლემა, ჟერომ ბოატენგმა გააკეთა.

"მე ბედნიერი ვარ ამ ფაქტით. ვფიქრობ, გასული წლების განმავლობაში ლიოვმა სრულიად დაიმსახურა ნაკრების მწვრთნელის პოსტის შენარჩუნება." - აცხადებს ბოატენგი.

30-11-2020, 23:56

sandro

მეტის ნახვა