ხუთშაბათს, 24 სექტემბერს მიუნხენის "ბაიერნი" ევროპის სუპერთასის შეხვედრაში ანდალუსიის "სევილიას" დაუპირისპირდება.

გთავაზობთ გუნდების სავარაუდო თერთმეტეულებს მომავალი შეხვედრისთვის.

"ბაიერნი": ნოიერი - პავარი, სულე, ბოატენგი, დეივისი - კიმიხი, გორეცკა - გნაბრი, მიულერი, სანე - ლევანდოვსკი.

"სევილია": ბონო - ნავასი, კუნდე, დიეგო კარლოსი, ესკუდერო - რაკიტიჩი, გუდენჟი, ფერნანდო - სუსო, დე იონგი, ოკამპოსი.

22-09-2020, 19:40

sandro

მეტის ნახვა

მიუნხენის "ბაიერნის" ახალწვეულმა, ლეროი სანემ რობბერის დუეტთან შედარებაზე კომენტარი გააკეთა.

"სანაბრი თუ გნანე? მე ორივე მომწონს. ფანებს შეუძლიათ რაც სურთ ის დაგვიძახონ, თუმცა, ჯერ რობბერისთან შედარება ძალიან ადრეა."

"ამ დუეტმა ათწლეულის განმავლობაში უმაღლეს დონეზე ითამაშა და "ბაიერნში" ისტორია დაწერა. ჩვენ კი ამ კლუბის მაისურით ჯერ მხოლოდ ერთი მატჩი ჩავატარეთ."

"გნაბრისთან მეგობრობა არასდროს შემიწყვიტავს. ჩვენ ახალგაზრდულ ნაკრებებში ერთად გამოვდიოდით და ძალიან კარგი ურთიერთობა გვაქვს." - აცხადებს სანე.

22-09-2020, 19:37

sandro

მეტის ნახვა

ზუსტად 5 წლის წინ ამ დღეს, მიუნხენის "ბაიერნის" ლიდერმა, რობერტ ლევანდოვსკიმ "ვოლფსბურგის" წინააღმდეგ 9 წუთში 5 გოლის გატანა მოახერხა.

გავიხსენოთ ეს ლეგენდარული მატჩი.

22-09-2020, 16:28

sandro

მეტის ნახვა

ხუთშაბათს ევროპის სუპერთასის შეხვედრა გაიმართება, რომელშიც მიუნხენის "ბაიერნი" ანდალუსიურ "სევილიას" დაუპირისპირდება.

მატჩამდე ესპანური კლუბის მთავარმა მწვრთნელმა, ხულიენ ლოპეტეგიმ საინტერესო განცხადება გააკეთა.

"ბაიერნს დიდებული გუნდი ჰყავს, დიდებული ინდივიდუალისტი ფეხბურთელებით. მათი მთავარი მწვრთნელი პატივისცემას იმსახურებს იმ შედეგებისა და თამაშის გამო, რაც კლუბმა გასულ პერიოდში აჩვენა."

"ვიცით, რომ ევროპის საუკეთესო კლუბს ვეთამაშებით, მაგრამ არ გვეშინია. ჩვენ ძალიან ამბიციური გუნდი გვყავს, რომელსაც მორიგი ტიტულის მოპოვება სწყურია." - აცხადებს ლოპეტეგი.

22-09-2020, 14:50

sandro

მეტის ნახვა

მიუნხენის "ბაიერნის" რადარზე კატალონიის "ბარსელონას" ამომავალი ვარსკვლავი, რიკი პუჩი გამოჩნდა.

ესპანური გამოცემების ინფორმაციით, "რეკორდმაისტერში" 21 წლის ფეხბურთელი ტიაგო ალკანტარას შემცვლელად ესახებათ და მზად არიან ის ერთწლიანი იჯარით დაიმატონ.

მოგეხსენებათ, ბოლოდროინდელი ცნობებით პუჩი კუმანის ამჟამინდელ გეგმებში არ შედის და მის იჯარით გაშვებას აპირებს, "ბაიერნი" კი ამ შანსის გამოყენებას ეცდება.

წყაროს ცნობით, თავდაპირველად რიკიმ უარი განაცხადა "ბარსელონას" დატოვებაზე, თუმცა, მიუნხენში მისი დამატების იმედი კვლავ აქვთ.

21-09-2020, 23:54

sandro

მეტის ნახვა

მიმდინარე სატრანსფერო ფანჯრის ერთ-ერთ მთავარ განხილვის თემად ტიაგო ალკანტარა იქცა. ესპანელი ფეხბურთელი დიდი ხნის განმავლობაში ტოვებდა კლუბს და საბოლოოდ ის "ლივერპულს" შეუერთდა.

ესპანური გამოცემა Cadena SER-ის ინფორმაციით, 29 წლის ნახევარმცველის დამატება კატალონიის "ბარსელონასაც" ძალიან სურდა, თუმცა, კლუბები ტრანსფერზე ვერ შეთანხმდნენ.

წყაროს ცნობით, ტრანსფერზე პირადად კლუბის დირექტორი, ხავიერ ბორდასი მუშაობდა. თუმცა, "ბლაუგრანამ" ფეხბურთელის სანაცვლოდ მხოლოდ სასაცილო თანხა, 10 მილიონი ევრო გაიმეტა, მაშინ, როდესაც "ბაიერნი" 30 მილიონს ითხოვდა.

21-09-2020, 21:24

sandro

მეტის ნახვა

დორტმუნის "ბორუსიას" ლიდერმა, მარკო როისმა მიუნხენის "ბაიერნთან" დაკავშირებით საინტერესო ისტორია გაიხსენა.

"2012 წელს, სანამ "დორტმუნდში" გადავიდოდი, "ბაიერნს" ჩემი დამატება სურდა. მე ვესაუბრე იუპ ჰაინკესს, რომელიც უდიდესი გამოცდილების მწვრთნელია."

"მინდოდა მცოდნოდა, სად უფრო უკეთესად შევძლებდი პროგრესს. თუმცა, ჰაინკესმა ჩემი დარწმუნება ვერ შეძლო."

"დორტმუნდში გადასვლას არასდროს ვინანებ." - აცხადებს როისი.

21-09-2020, 20:24

sandro

მეტის ნახვა

ავტორიტეტულმა გერმანულმა გამოცემა Bild-მა ბუნდესლიგის პირველი ტურის სიმბოლური ნაკრები გამოაქვეყნა.

გელზერკიხენის "შალკესთან" ბრწყინვალე გამოსვლა დაუფასდათ მიუნხენის "ბაიერნის" ფეხბურთელებს და თერთმეტეულში არც მეტი არც ნაკლები 6 მოთამაშე მოხვდა.

გარდა ამისა, საუკეთესო მთავარ მწვრთნელად ჰანს ფლიკი დასახელდა.

სრული თერთმეტეული შემდეგნაირად გამოიყურება:

21-09-2020, 14:34

sandro

მეტის ნახვა

მიუნხენის "ბაიერნის" ლეგენდამ, ფრენკ რიბერიმ ლეროი სანესა და სერჟ გნაბრის დუეტზე კომენტარი გააკეთა.

"ორივეს გამო ძალიან ბედნიერი ვარ. იმედი მაქვს, ისინი ისეთივე წარმატებას მიაღწევენ, როგორსაც მე და რობენმა მივაღწიეთ. ჩემი გული კვლავ "ბაიერნისთვის" სცემს. მია სან მია". - აცხადებს ფრენკი.

შეგახსენებთ, რომ დუეტის "დებიუტი" პარასკევს შედგა და გნაბრიმ ჰეთ-თრიკი შეასრულა, სანემ კი გოლითა და 2 საგოლე გადაცემით გამოიჩინა თავი.

20-09-2020, 23:58

sandro

მეტის ნახვა

მიუნხენის "ბაიერნის" ლიდერს, რობერტ ლევანდოვსკის სასამართლოსთან პრობლემები აქვს.

პოლონური გამოცემების ინფორმაციით, 32 წლის თავდამსხმელს ყოფილმა აგენტმა, ცეზარ კუხარსკიმ სასამართლოში უჩივლა და თანხის უკანონოდ მითვისებაში სდებს ბრალს.

კერძოდ, საუბარია 39 მილიონ პოლონურ ზლოტზე, რაც ევროებში 9 მილიონია. სწორედ ამ თანხას ითხოვს კუხარსკი ანაზღაურების სახით.

წყაროს ცნობით, ლევანდოვსკი ამ ბრალდებას უარყოფს და სასამართლოში მოგების იმედი აქვს.

20-09-2020, 19:38

sandro

მეტის ნახვა

მიუნხენის "ბაიერნის" პრეზიდენტთა საბჭოს წევრმა, კარლ-ჰაინც რუმენიგემ ტიაგოს ტრანსფერზე კომენტარი გააკეთა.

"როდესაც ტიაგოს ტრანსფერი დადასტურდა, ის პარკირების ადგილზე მელოდებოდა. მოვიდა, 5 წუთის განმავლობაში მეხუტებოდა, ატირდა და ყველაფრისთვის მადლობა გადამიხადა" - აცხადებს რუმენიგე.

შეგახსენებთ, რომ ტიაგო ალკანტარა მერსისაიდულ "ლივერპულში" გადავიდა.

20-09-2020, 15:17

sandro

მეტის ნახვა

გერმანიის ბუნდესლიგის პირველ ტურში მიუნხენის "ბაიერმა" გელზერკიხენის "შალკეს" უმასპინძლა და 8:0 გაანადგურა, რითაც ახალი რეკორდი დაამყარა.

კერძოდ, გერმანული ფეხბურთის ისტორიაში გახსნით ტურში ასეთი სხვაობით არცერთ გუნდს არ გაუმარჯვია.

ხსენებული რეკორდი აქამდეც "რეკორდმაისტერს" ეკუთვნოდა, როდესაც 2016 წელს ბრემენის "ვერდერი" დაამარცხეს 6:0. ახლა კი, როგორც ხედავთ კლუბმა შედეგი კიდევ 2 გოლით გააუმჯობესა.

19-09-2020, 16:00

sandro

მეტის ნახვა

მიუნხენის "ბაიერნის" მთავარმა მწვრთნელმა, ჰანს ფლიკმა "შალკესთან" გამანადგურებელი სხვაობით გამარჯვების შემდეგ პირველი კომენტარი გააკეთა.

"კარგი შეხვედრა გამოგვივიდა, მაგრამ, პირველ ტაიმში ორი, სამი ან ოთხი გოლით მეტი უნდა გაგვეტანა. თუმცა, მთავარია სეზონის სტარტზევე ვაჩვენეთ ჩვენი ძალები."

"სანემ და გნაბრიმ ერთად პირველად ითამაშეს და კმაყოფილი ვარ მათი გამოსვლით. თუმცა, ჩემი საქმე არ არის მათი შედარება სხვა ფეხბურთელებთან (რიბერი, რობენის დუეტი)."

"გორეცკამ დისკომფორტი იგრძნო პირველ ტაიმში და აღარ გავრისკეთ. ვფიქრობ, სერიოზული არაფერია."

"მუსიალამ ვარჯიშებზე დაამტკიცა, რომ დიდი ტალანტის პატრონია. მას დავეხმარებით, რათა ნაბიჯ-ნაბიჯ ახალ მწვერვალებს მიაღწიოს." - აცხადებს ფლიკი.

19-09-2020, 13:54

sandro

მეტის ნახვა

მოგეხსენებათ, მიუნხენის "ბაიერნი" ახალი მარჯვენა მცველის დამატებას გეგმავს, გუნდს კი მთავარ კონკურენტად სატრანსფერო ბაზარზე კატალონიის "ბარსელონა" ევლინება.

კერძოდ, მოგეხსენებათ, რომ "რეკორდმაისტერის" მთავარი სამიზნეები "ნორვიჩის" ამომავალი ვარსკვლავი, მაქს აარონსი და "აიაქსის" მცველი, სერჟინიო დესტი არიან. "ბლაუგრანამ" კი ორივე მათგანის დამატება სცადა.

წყაროს ცნობით, თავდაპირველად კატალონიელებმა ბრიტანელი მცველის დამატება სცადეს, თუმცა, უარი მიიღეს. ამის შემდეგ კი დესტის ტრანსფერზე დაიწყეს მუშაობა.

როგორც ცნობილია, "ბაიერნისთვისაც" მთავარი პრიორიტეტი სწორედ ნიდერლანდელი ფეხბურთელის ტრანსფერია და სავარაუდოდ, კლუბებს სერიოზული ბრძოლა მოუწევთ დესტის გადასაბირებლად.

19-09-2020, 13:20

sandro

მეტის ნახვა

გელზერკიხენის "შალკეს" განადგურების შემდეგ "ბაიერნის" გარემარბმა, ლეროი სანემ პირველი კომენტარი გააკეთა.

"ბიჭებთან ერთად თამაში სასიამოვნო იყო. კარგი დღე გამოვიდა. თავს კომფორტულად ვგრძნობდი და გუნდთან ერთად ყველაფერი გამომდიოდა. დღეს ყველა დამშეული იყო, ყველას გოლის გატანა სურდა."

"შალკეში დიდი დრო გავატარე. მსგავსი მარცხის მიღება სეზონის სტარტზე ძალიან მტკივნეულია. მათ გამო ვწუხვარ." - აცხადებს სანე.

19-09-2020, 01:22

sandro

მეტის ნახვა

მოგეხსენებათ, მიუნხენის "ბაიერნმა" ბუნდესლიგის პირველ ტურში "შალკე" 8:0 გაანადგურა.

გთავაზობთ ქართველების ყველაზე სახალისო კომენტარებს აღნიშნულ მატჩთან დაკავშირებით:

19-09-2020, 01:13

sandro

მეტის ნახვა