გორეცკა გოლის აღნიშვნის გამო ბოდიშს არ იხდის

გერმანიის ბუნდესლიგის მე-19 ტურის შეხვედრაში მიუნხენის "ბაიერნმა" გელზერკიხენის "შალკეს" უმასპინძლა და 5:0 გაანადგურა.

"რეკორდმაისტერის" შემტევმა, ლეონ გორეცკამ ხსენებულ მატჩში ულამაზესი გოლი გაიტანა, რომელიც შემდგომ აღნიშნა. თამაშის შემდეგ მას ამ თემაზე კომენტარის გაკეთება მოუწია.

"არ ვაპირებ ბოდიშის მოხდას, თუმცა, ასევე არ ვარ იმ ტიპის ადამიანი, რომელიც ყოფილი გუნდის კარში გატანილი გოლის აღნიშვნას ემხრობა." - აცხადებს გორეცკა.

შეგახსენებთ, რომ 24 წლის ნახევარმცველი "შალკეს" ღირსებას 2013-დან 2018 წლამდე იცავდა.