რობერტ ლევანდოვსკიმ საოცარი რეკორდი დაამყარა

შაბათს გერმანიის ბუნდესლიგის მე-19 ტურში მიუნხენის "ბაიერნმა" გელზერკიხენის "შალკეს" უმასპინძლა და 5:0 გაანადგურა.

"რეკორდმაისტერი" მე-7 წუთზე პოლონელი თავდამსხმელის, რობერტ ლევანდოვსკის შედეგიანი დარტყმით დაწინაურდა. აღსანიშნავია, რომ გუნდის ლიდერმა ამ გოლის წყალობით რეკორდი დაამყარა.

კერძოდ, ლევანდოვსკის ბუნდესლიგის ზედიზედ 9 შეხვედრაში აქვს უკვე გოლი გატანილი. მსგავსი შედეგი კი ისტორიაში მხოლოდ ერთხელ, "შალკეს" ყოფილმა ფეხბურთელმა, კლაუს ფიშერმა დააფიქსირა 1970-იან წლებში.

იმ შემთხვევაში, თუ ლევანდოვსკი "მაინცის" წინააღმდეგაც შეძლებს გოლის გატანას, მაშინ ის ხსენებული რეკორდის მოხსნას შეძლებს.