იანვარში ბუნდესლიგაში სატრანსფერო რეკორდი დამყარდა

ზამთრის სატრანსფერო ფანჯარა უკვე დასრულდა და ცნობილია, თუ რა შემადგენლობებით დაამთავრებენ გუნდები სეზონის.

2020 წლის იანვარი სარეკორდო გამოდგა გერმანიის ბუნდესლიგისთვის. ჯამში გუნდებმა გასულ თვეში 190 მილიონი ევრო დახარჯეს, ასეთი დიდი რაოდენობის თანხა კი გერმანიაში არცერთი სატრანსფერო ფანჯრის დროს არ დახარჯულა.

ამ მხრივ გამორჩეული იყო დედაქალაქური კლუბი "ჰერტა". ბერლინელებმა 4 ტრანსფერში ჯამში 78 მილიონი ევრო გადაიხადეს და ამით არა მხოლოდ გერმანიაში, არამედ მთელს ევროპაში ყველაზე მაღალი პოზიცია დაიკავეს.

შეგახსენებთ, რომ "ბაიერნს" ზამთარში თანხები ფაქტობრივად არ დაუხარჯავს. კლუბმა მხოლოდ ალვარო ოდრიოსოლა დაიმატა ნახევარწლიანი იჯარით.