ბაიერნის რადარზე სერჟინო დესტი გამოჩნდა

მიუნხენის "ბაიერნი" ამსტერდამის "აიაქსის" კიდევ ერთი ტალანტის დამატებას აპირებს.

გერმანული გამოცემების ინფორმაციით, "რეკორდმაისტერი" უკვე დიდი ხანია აკვირდება 19 წლის მარჯვენა მცველს, სერჟინიო დესტს.

წყაროს ცნობით, ჰასან სალიჰამიჯიჩი გასულ კვირაში ამსტერადმში იმყოფებოდა, სადაც ახალგაზრდა ფეხბურთელის თამაშს დააკვირდა "პსვს" წინააღმდეგ. ხოლო თავად დესტი კი გერმანიის თასზე "ბაიერნისა" და "ჰოფენჰაიმის" დაპირისპირებას დაესწრო.

მოგეხსენებათ, "ბაიერნი" აქტიურად ეძებს მარჯვენა მცველს და როგორც ჩანს, დესტი ერთ-ერთი პირველი ვარიანტია. როგორც ცნობილია, კლუბი მზადაა 26 მილიონი ევრო გადაიხადოს.