ერნანდესმა ატლეტიკო უარით გაისტუმრა

მადრიდის "ატლეტიკოსა" და საფრანგეთის ეროვნული ნაკრების უნივერსალურ მცველს, ლუკა ერნანდესს, კლუბის დატოვება გადაწყვეტილი აქვს.

ესპანური ტელეარხის, "El Transistor-ს" ინფორმაციით, 23 წლის ფრანგმა "როხიბლანკოს" ახალ კონტრაქტზე ოფიციალურად უთხრა უარი.

ერნანდესმა მადრიდული კლუბის წინადადება არ მიიღო და განაცხადა, რომ მომდევნო სეზონს უკვე სხვა კლუბში ჩაატარებს.

ეს კი გერმანულ პრესაში გავრცელებული ინფორმაციის დადასტურებაა - ლუკა ერნანდესი მიუნხენური გრანდის ხელმძღვანელობას შეუთანხმდა.

მსოფლიო ჩემპიონი მცველის გადაბირება "ბაიერნს" 80 მილიონ ევრომდე უნდა დაუჯდეს.