რა ზეგავლენას მოახდეს სიტის დისკვალიფიკაცია ბაიერნზე

გუშინ UEFA-მ "მანჩესტერ სიტის" ორი წლის განმავლობაში ევროტურნირებზე მონაწილეობის უფლება აუკრძალა.

აღნიშნული საკითხი, რა თქმა უნდა, გარკვეულ ზეგავლენას გარდა მანჩესტერული კლუბისა, ასევე სხვა გუნდებზეც მოახდენს.

კერძოდ, მას შემდგომ რაც ზემოხსენებული ინფორმაცია დადასტურდა, ევროპულ პრესაში გავრცელდა ინფორმაცია, რომ გუნდს არაერთი სუპერვარსკვლავი დატოვებს, მათ შორის არის ლეროი სანეც.

გერმანელი გარემარბის ტრანსფერზე მიუნხენის "ბაიერნი" უკვე დიდი ხანია მუშაობს, "სიტის" დისკვალიფიკაცია კი ამ შანსებს ერთი-ორად ზრდის.

ბოლოდროინდელი ინფორმაციით "ქალაქელები" აქტიურად ცდილობდნენ სანესთან ახალი კონტრაქტის გაფორმებას. იმის გათვალისწინებით, რომ კლუბი დიდი ხნის მანძილზე ვეღარ ითამაშებს ჩემპიონთა ლიგაზე, ფეხბურთელი მის გახანგრძლივებაზე უარს იტყვის, რაც "ბაიერნს" შანსს მისცემს, რომ შედარებით დაბალ ფასად შეძლოს სანეს გაფორმება.