რამდენ ხანს გამოტოვებს რობერტ ლევანდოვსკი

მიუნხენის "ბაიერნის" ოფიციალურმა საიტმა რობერტ ლევანდოვსკის ტრავმა დაადასტურა.

პოლონელი თავდამსხმელის დაზიანება საკმაოდ სერიოზული გამოდგა. მას 10 დღის განმავლობაში ფეხი თაბაშირში უნდა ედოს, ამის შემდეგ კი რეაბილიტაციის კურსები დაიწყება.

როგორც ცნობილია, ლევანდოვსკი "რეკორდმაისტერს" ერთი თვის განმავლობაში ვერ დაეხმარება.

31 წლის ფორვარდი ჩემპიონთა ლიგის პირველ 1/4 ფინალურ მატჩს გამოტოვებს და სწორედ ამის შემდეგ დაუბრუნდება ის გუნდს.