ფლიკი ყველაფერს მომავალი კვირების განმავლობაში გავიგებთ

კვირას მიუნხენის "ბაიერნი" "აუგბსურგს" უმასპინძლებს. თამაშამდე ჰანს ფლიკმა პრესკონფერენციაზე ისაუბრა.

"ჩემი მომავალი? კონტრაქტის გაფორმება ერთი-ორი დღის საქმე არ არის. ამას გარკვეული პერიოდის დაკვირვება სჭირდება. მომავალი კვირების განმავლობაში ყველა ერთად ვნახავთ."

"ხავი მარტინესმა და ლუკას ერნანდესმა დღეს ივარჯიშეს და კვირისთვის მზად იქნებიან, ისევე როგორც ჟერომ ბოატენგი. რაც შეეხება კომანს, ის სრულ მზადყოფნაში არაა."

"კიმიხი გუნდის ერთ-ერთი უმნიშვნელოვანესი ფეხბურთელია. მას ყველა პოზიციაზე იდეალურად შეუძლია თამაში, რაც დიდ უპირატესობას გვაძლევს."

"აუგბსურგის წინააღმდეგ საკუთარ კედლებში ვთამაშობთ და რა თქმა უნდა, ყველაფერს გავაკეთებთ გულშემატკივრების გასახარებლად."

"მანუელი თავის მომავალზე არ ღელავს. მან იცის თავისი როლი გუნდში. მას ჯერ კონტრაქტის გახანგრძლივებაზე გადაწყვეტილება არ მიუღია." - აცხადებს ფლიკი.