ბაიერნის თვის საუკეთესო მოთამაშის ვინაობა ცნობილია

მიუნხენის "ბაიერნის" გულშემატკივრებმა გასული თვის საუკეთესო მიუნხენელი აირჩიეს.

არანორმალური ბრძოლისუნარიანობა, უდიდესი სამუშაო და გადამწყვეტი გოლები - ამ ყველაფრის წყალობით "რეკორდმაისტერის" ფანების გული გუნდის ესპანელმა საყრდენმა, ხავი მარტინესმა, დაიპყრო.

30 წლის ესპანელმა საერთო ხმების 58% მიიღო და დამაჯერებელი გამარჯვება მოიპოვა. მარტინესმა კინგსლი კომანი (13,1%), სერჟ გნაბრი (11,3%), ლეონ გორეცკა (5,4%) და ხამეს როდრიგესი (3,6%) ჩამოიტოვა უკან.

ხავი მარტინესმა, რომელსაც "ხავი მაშინეზ" შეარქვეს, "ენფილდზე" "ლივერპულის" წინააღმდეგ (0:0) ფანტასტიკურად იასპარეზა, ხოლო რამდენიმე დღეში "ჰერტასთან" (1:0) გამარჯვების გოლი გაიტანა.

მიმდინარე სეზონში, ყველა ტურნირზე ერთად, ხავი მარტინესმა 24 თამაშში მიიღო მონაწილეობა და 3 ბურთი გაიტანა.