Breaking კიდევ ერთი კორონავირუსის შემთხვევა გერმანულ ფეხბურთში

გერმანულ ფეხბურთში რიგით მეორე კორონავირუსით ინფიცირების შემთხვევა დადასტურდა.

ამჯერად საქმე ეხება ბუნდესლიგა 2-ში მოასპარეზე "ნიურნბერგის" ცენტრალურ მცველს, ფაბიან ნიურნბერგერს.

20 წლის ფეხბურთელმა დღეს ტესტირება ჩაიტარა და სამწუხაროდ, დადებითი პასუხი მიიღო.

შეგახსენებთ, რომ კორონავირუსის პირველი შემთხვევა გერმანულ ფეხბურთში ოთხშაბათს დაფიქსირდა, როდესაც ინფიცირება "ჰანოვერის" ცენტრალურ მცველს, ტიმო ჰუბერსს დაუდასტურდა.

აღსანიშნავია, რომ ნიურნბერგერს "ბაიერნის" წინააღმდეგაც აქვს ნათამაშები. წლის პირველ ტესტ მატჩში "რეკორდმაისტერი" სწორედ "ნიურნბერგს" შეხვდა და 20 წლის ფეხბურთელმა სასტარტო შემადგენლობიდან დაიწყო თამაში.