ბაიერნი 16 წლის ტალანტის სანაცვლოდ 30 მილიონ ფუნტს იხდის

მიუნხენის "ბაიერნის" რადარზე კიდევ ერთი ტალანტი გამოჩნდა.

ბრიტანული გამოცემების ინფორმაციით, "რეკორდმაისტერი" სერიოზულად არის დაინტერესებული "ბირმინგემის" 16 წლის ნახევარმცველის, ჯუდი ბელინგემის დამატებით.

წყაროს ცნობით, ინგლისური კლუბი ახალგაზრდა ფეხბურთელის სანაცვლოდ 15 მილიონ ფუნტს და დამატებით კიდევ 15 მილიონ ფუნტს ბონუსების სახით ითხოვს.

როგორც ცნობილია, მიუნხენური გრანდი მზადაა ამ თანხის გადასახდელად. თუმცა, ტრანსფერს "მანჩესტერისა" და "ჩელსის" ინტერესი აფერხებს.

ბელინგემი "ბირმინგემის" აღზრდილია და ის მიმდინარე სეზონში ძირითადი გუნდის შეუცვლელი წევრი გახდა.