მიულერი ლიოვის გადაწყვეტილებით გაბრაზებულია

მიუნხენის "ბაიერნის" შემტევი თომას მიულერი გერმანიის ეროვნული ნაკრებიდან მოულოდნელად გაშვებას გამოეხმაურა.

"რაც უფრო მეტს ვფიქრობ ამაზე, მით უფრო მეტად ვბრაზდები ამაზე თუ რა გზით მოხდა ეს ყველაფერი.

ვერ ვხვდები რატომ უნდა იყოს ეს საბოლოო გადაწყვეტილება. მთავარი მწვრთნელის არჩევანს არ ვაყენებ ეჭვქვეშ, მაგრამ მატსს, ჟერომსა და მე მაღალ დონეზე თამაში კვლავ შეგვიძლია.

გერმანიის ეროვნულ ნაკრებთან ერთად ჩვენ ბევრი გამოვიარეთ და ბოლო 10 წელიწადში უდიდესი წარმატებები მოვიპოვეთ", - განაცხადა მიულერმა.

"ბუნდესნაკრების" თავკაცმა, იოახიმ ლიოვმა, აღნიშნა, რომ ის ეროვნულ გუნდში ჟერომ ბოატენგს, მატს ჰუმელლსა და თომას მიულერს აღარ გამოიძახებს.