BILD გუნდში არსებული არეულობის მიზეზი ცნობილია

მოგეხსენებათ, მიუნხენის "ბაიერნი" რამდენიმე ფეხბურთელთან ახალი კონტრაქტის თაობაზე შეთანხმებას ვერ ახერხებს.

გერმანული გამოცემა Bild-ის ინფორმაციით, ამის მიზეზი ესპანეთიდან წამოსული ფეხბურთელების ხელფასებია.

კერძოდ, ლუკას ერნანდესი და ფილიპე კოუტინიო "რეკორდმაისტერის" ერთ-ერთი ყველაზე მაღალანაზღაურებადი მოთამაშეები არიან. მათი წლიური ხელფასი 20 მილიონ ევროს აჭარბებს, რამაც რამდენიმე მოთამაშის უკმაყოფილება გამოიწვია.

წყაროს ცნობით, კლუბი მანუელ ნოიერთან და დავიდ ალაბასთან ახალ კონტრაქტზე შეთანხმებას სწორედ ხელფასის გამო ვერ ახერხებს. მათი მაღალი მოთხოვნები კი სწორედ ზემოხსენებული მოთამაშეების ანაზღაურებამ გამოიწვია.