კორონაკრიზისმა ბაიერნის ფეხბურთელების ფასები საგრძნობლად შეამცირა

მიუნხენის "ბაიერნის" სატრანსფერო ღირებულება კორონავირუსის გამო საგრძნობლად დაეცა.

ავტორიტეტული გამოცემა Transfermarkt-ის მონაცემებით, ფეხბურთელების საერთო ფასი 936 მილიონი ევროდან 756 მილიონ ევრომდე დაეცა, რაც 19 პროცენტიან ვარდნას ნიშნავს.

გარდა ამისა, კრიზისამდე გუნდს 50 მილიონ ევროზე უფრო ძვირადღირებული 10 ფეხბურთელი ჰყავდა, ახლა კი მათი რიცხვი 6-მდე შემცირდა.

მაგალითისთვის, სერჟ გნაბრის სატრანსფერო ფასი 5 მარტთან შედარებით 18 მილიონი ევროთი დაეცა და 72 მილიონს შეადგენს. იოზუა კიმიხის ფასი 80-დან 64-მდე დაეცა, რობერტ ლევანდოვსკის და ფილიპე კოუტინიოსი კი - 70-დან 56-მდე.