ლუკას ერნანდესის აგენტი კონტრაქტზე ეს სრული სიცრუეა

მიუნხენის "ბაიერნის" მცველის, ლუკას ერნანდესის აგენტმა, მანუელ გარცია კილონმა კონტრაქტის შესახებ ისაუბრა.

"პრესაში იწერება იმის შესახებ, რომ ლუკასი ყოველწლიურად ანაზღაურების სახით 24 მილიონ ევროს იღებს. მინდა გითხრათ, რომ ეს სრული სიცრუეა და მისი ხელფასი გაცილებით მცირეა."

"არც კი ვიცი საიდან გაჩნდა ეს ჭორი. შესაძლოა, ზოგიერთებს სურთ, რომ ამით ფეხბურთელებს შორის შუღლი ჩააგდონ და ვინმეს ავნონ." - აცხადებს კილონი.

შეგახსენებთ, რომ ბოლოდროინდელი ცნობებით "ბაიერნი" დავიდ ალაბასთან და მანუელ ნოიერთან ახალი კონტრაქტის პირობებზე შეთანხმებას სწორედ ზოგიერთი მოთამაშის მაღალი ანაზღაურების გამო ვერ ახერხებს.