ბაიერნი კიდევ ერთ ბრიტანელ ტალანტს იმატებს

მიუნხენის "ბაიერნის" ახალგაზრდული აკადემია ევროპელი ტალანტების დამატებას აგრძელებს.

ბრიტანული გამოცემების ინფორმაციით, "რეკორდმაისტერის" სამიზნე ამჯერად გლაზგოს "სელტიკის" ამომავალი ვარსკვლავი, ბარი ჰეფბარგი გახლავთ.

16 წლის ფეხბურთელი პოზიციით მარჯვენა ვინგერია. ასაკის მიუხედავად, ის უკვე "სელტიკის" 18-წლამდელთა გუნდის ერთ-ერთი ლიდერია და მას ეროვნულ ნაკრებშიც დიდ მომავალ უწინასწარმეტყველებენ.

"რეკორდმაისტერმა" გასულ წელს იგივე გუნდიდან უკვე წამოიყვანა ლიამ მორისონი, რომელიც ძალიან კარგად პროგრესირებს. შესაბამისად, გუნდის სკაუტებს იმედი აქვთ, რომ ჰეფბარგიც სწორედ მის გზას დაადგება.