ოფიციალურად ბუნდესლიგის განახლებამდე ძალიან მცირე დრო რჩება

გერმანიის ბუნდესლიგისა და ბუნდესლიგა 2-ის განახლებამდე ძალიან მცირე დრო რჩება.

გერმანიის ფეხბურთის ფედერაციის ოფიციალური გადაწყვეტილებით, დღეიდან კორონავირუსზე კლუბების ტესტირება დაიწყო. ეს ტურნირის განახლების წინაპროცესია.

როგორც ცნობილია, ტესტირებას გაივლიან როგორც ფეხბურთელები, ასევე სამწვრთნელო შტაბის წევრები და გუნდების სხვა წარმომადგენლებიც, რომლებსაც უშუალო შეხება ექნებათ მატჩების მიმდინარეობასთან და მოთამაშეებთან.

შეგახსენებთ, რომ ბუნდესლიგის განახლება 9 მაისისთვის იგეგმება. ფედერაციაში საბოლოო დასტურს მხოლოდ ქვეყნის მთავრობისგან ელოდებიან.