ფლიკმა საზაფხულო ტრანსფერებზე გადაწყვეტილება მიიღო

მიუნხენის "ბაიერნის" მთავარმა მწვრთნელმა, ჰანს ფლიკმა ზაფხულის სატრანსფერო ფანჯრისთვის მნიშვნელოვანი გადაწყვეტილება მიიღო.

53 წლის სპეციალისტის მიზანი ბენჟამინ პავარის დაცვის ცენტრალურ ნაწილში გადაწევაა. მის ნაცვლად კი კლუბს ახალი მარჯვენა მცველის დამატება მოსთხოვა.

გერმანული გამოცემების ინფორმაციით, უკვე გადაწყვეტილია, რომ "რეკორდმაისტერი" ალვარო ოდრიოსოლას არ გამოისყიდის. შესაბამისად, გუნდი, ფაქტობრივად, მარჯვენა მცველის გარეშე დარჩება.

ჯერ-ჯერობით უცნობია, კონკრეტულად რომელი ფეხბურთელის დამატებას შეეცდება "ბაიერნი". შეგახსენებთ, რომ მოლაპარაკებები მიმდინარეობს "აიაქსთან" სებასტიან დესტთან დაკავშირებით.