ოფიციალურად არანგისმა საბოლოო გადაწყვეტილება მიიღო

ბოლო დღეებში აქტიურად ვრცელდებოდა ინფორმაცია იმის შესახებ, რომ მიუნხენის "ბაიერნი" ახლოს იყო ლევერკუზენის "ბაიერის" გამოცდილი ფეხბურთელის, ჩარლზ არანგისის დამატებასთან.

31 წლის ჩილელ ნახევარმცველს სეზონის დასრულების შემდეგ კლუბთან კონტრაქტი ეწურებოდა და გერმანული გამოცემების ცნობით, "რეკორდმაისტერი" მის უფასოდ დამატებას გეგმავდა. თუმცა, საბოლოოდ სიტუაცია შეიცვალა.

"ლევერკუზენის" ოფიციალური საიტის ცნობით, არანგისმა დღეს ახალ კონტრაქტს მოაწერა ხელი, რომლის მიხედვითაც ფეხბურთელი გუნდში 2023 წლამდე დარჩება. შესაბამისად, მისი ტრანსფერი "ბაიერნის" რიგებში საბოლოოდ გამოირიცხა.