ჰაინკესი ფლიკი ბაიერნისთვის იდეალური მწვრთნელია

მიუნხენის "ბაიერნის" ლეგენდარულმა მწვრთნელმა, იუპ ჰაინკესმა გუნდში არსებულ სიტუაციაზე ისაუბრა.

"ჰანსი ძალიან კარგი ადამიანია ძალიან კარგი ხასიათით. ადრეც მითქვამს და იგივეს გავიმეორებ, ის იდეალური მწვრთნელია "ბაიერნისთვის". მას ზუსტად ის ხასიათი და საფეხბურთო კომპეტენცია აქვს, რომელიც ამ გუნდს სჭირდება. ფლიკზე უკეთეს მწვრთნელს ამ გუნდისთვის ვერ წარმოვიდგენ."

"რაც შეეხება კანს, მისი დაბრუნება გუნდისთვის ძალიან მნიშვნელოვანია. ის არის ადამიანი, რომელიც მხოლოდ გამარჯვებისკენ არის მომართული. მისი გამოცდილება და საფეხბურთო ინტელექტი გუნდს ძალიან გამოადგება." - აცხადებს ჰაინკესი.