ბუნდესლიგამ მწვრთნელებს დასაყვირებლად სპეციალური წესი დაუდგინა

მოგეხსენებათ, მომავალი კვირიდან გერმანიის ბუნდესლიგა ოფიციალურად ბრუნდება. თუმცა, გუნდებს სპეციალური წესების დაცვა მოუწევთ.

მაგალითად, გარდა მინდორზე მოთამაშე ფეხბურთელებისა, სტადიონზე მყოფ ყველა პირს პირბადე უნდა ჰქონდეს გაკეთებული, რომლის მოხსნაც აკრძალულია.

თუმცა, ბუნდესლიგამ მთავარი მწვრთნელებისთვის სპეციალური დაშვება გააკეთა. კერძოდ, მათ შეუძლიათ პირბადის მოხსნა იმ შემთხვევაში, როდესაც დაძახება, დაყვირება დასჭირდებათ.

ამ შემთხვევაშიც მათ სპეციალური წესის დაცვა მოუწევთ. კერძდ, ნიღბის მოხსნის წინ ისინი ყველაზე ახლოს მდგომი ადამიანისგან 1.5 მეტრის მოშორებით უნდა იდგეს.