ტოტენჰემი ბაიერნის ამომავალი ვარსკვლავის ტრანსფერზე მუშაობს

ლონდონის "ტოტენჰემის" რადარზე მიუნხენის "ბაიერნის" ამომავალი ვარსკვლავი, ტეილორ ბუთი გამოჩნდა.

ბრიტანული გამოცემების ინფორმაციით, 18 წლის ნახევარმცველმა ჟოზე მოურინიოს შტაბში დიდი მოწონება დაიმსახურა გასულ წელს, "დეზებთან" ჩატარებული შეხვედრის შემდეგ.

UEFA-ს ახალგაზრდული ლიგის შეხვედრაში მიუნხენელებმა ლონდონელ თანატოლებს 3:0 სძლიეს და გათამაშებას გამოთიშეს. ზემოხსენებული ფეხბურთელი კი ერთ-ერთი საუკეთესო გახლდათ "რეკორდმაისტერის" მხრიდან.

უცნობია, რა თანხის გადახდას აპირებს "ტოტენჰემი" ამერიკელი ტალანტის სანაცვლოდ. იმ შემთხვევაში, თუ ბუთის მიმართ დაინტერესებას ჰანს ფლიკიც გამოთქვამს, შესაძლოა, "ბაიერნმა" მისი შენარჩუნება გადაწყვიტოს.