Mundo ბაიერნმა კოუტინიოს თაობაზე გადაწყვეტილება შეცვალა

ბოლო დროს აქტიურად ვრცელდება ინფორმაცია იმის შესახებ, რომ მიუნხენის "ბაიერნი" ფილიპე კოუტინიოს შენარჩუნებას არ აპირებს. თუმცა, როგორც ჩანს, კლუბმა თავისი გადაწყვეტილება შეცვალა.

ესპანური გამოცემა Mundo Deportivo-ს ინფორმაციით, "რეკორდმაისტერი" აპირებს, რომ 27 წლის ნახევარმცველის იჯარა კიდევ გარკვეული ვადით გადაავადოს.

კერძოდ, კლუბს ფეხბურთელის შენარჩუნება აგვისტოს ბოლომდე უნდა, რაც დაახლოებით სამთვიან საიჯარო პერიოდს გულისხმობს.

წყაროს ცნობით, "ბაიერნს" იმედი აქვს, რომ კოუტინიო მათ ჩემპიონთა ლიგაზე დაეხმარებათ. გარდა ამისა, კლუბი ამ პერიოდში უკეთესად დააკვირდება ფეხბურთელს და გადაწყვეტს, გამოისყიდოს თუ არა ის.