საგა სრულდება ნოიერი ახალი კონტრაქტის გაფორმებასთან ახლოსაა

გერმანული გამოცემა Bild სასიხარულო ინფორმაციას ავრცელებს.

მანუელ ნოიერის ირგვლივ ატეხილი საგა დასასრულს უახლოვდება. დიდი ალბათობით, "რეკორდმაისტერის" კაპიტანი მომავალ წლებსაც ამ გუნდში გაატარებს.

წყაროს ცნობით, ჰასან სალიჰამიჯიჩმა და ოლივერ კანმა 34 წლის კიპერთან კონტრაქტის თაობაზე შეთანხმებას მიაღწიეს. ახლა მხოლოდ მცირე, გარკვეული დეტალების მოგვარება არის დარჩენილი და კაპიტანი ახალ კონტრაქტსაც მოაწერს ხელს.

ჯერ-ჯერობით უცნობია ხელშეკრულების დეტალები. თუმცა, იმის გათვალისწინებით, რომ ნოიერი მკაცრად ითხოვდა მრავალწლიან კონტრაქტს, უნდა ველოდოთ, რომ ის მინიმუმ სამწლიანი იქნება.