ბაიერნის რიგებში ტრავმიანობა გრძელდება

მიუნხენის "ბაიერნის" ტრავმირებულთა სია კვლავ იზრდება.

"დორტმუნდთან" გამართული შეხვედრის დროს გუნდის ცენტრალური მცველი, ჟერომ ბოატენგი შეცვალეს. როგორც დღეს გახდა ცნობით, ვეტერან ფეხბურთელს კუნთის პრობლემები აღენიშნებოდა და მისი მინდვრიდან გაყვანის მიზეზიც სწორედ ეს გახდა.

გერმანული გამოცემა Kicker დამაიმედებელ პროგნოზს აკეთებს და აცხადებს, რომ მომავალი შეხვედრისთვის ბოატენგი დაბრუნებას მოახერხებს. თუმცა, ჯერ-ჯერობით ოფიციალურად არაფერია ცნობილი.

ასევე ტრავმირებულია "ბაიერნის" სარეზერვო გუნდის მოთამაშე, ლარს ლუკას მაი. ფეხბურთელი ძირითად გუნდთან ერთად ატარებდა ვარჯიშებს და ვარაუდობდნენ, რომ მიმდინარე სეზონში მისი დებიუტიც შედგებოდა. თუმცა, 19 წლის მცველმა მძიმე დაზიანება მიიღო და უცნობია, შეძლებს თუ არა სეზონის დასრულებამდე დაბრუნებას.