ბარსელონას ვარსკვლავი ბაიერნში ტრანსფერთან კიდევ უფრო ახლოსაა

კატალონიის "ბარსელონას" მარჯვენა მცველი, ნელსონ სემედუ მიუნხენის "ბაიერნში" ტრანსფერთან კიდევ უფრო ახლოსაა.

მოგეხსენებათ, "რეკორდმაისტერი" უკვე დიდი ხანია, რაც ახალ მარჯვენა მცველს ეძებს და პორტუგალიელი ფეხბურთელი ერთ-ერთი მთავარი კანდიდატია ჩამონათვალში.

ესპანური გამოცემა Sport-ის ინფორმაციით, მიუნხენელებმა პირველი შეთავაზება უკვე გააკეთეს და ახლა "ბლაუგრანას" პასუხს ელოდებიან. ჯერ-ჯერობით, კონკრეტული თანხა არ სახელდება.

როგორც ცნობილია, სემედუს გარდა "ბაიერნი" ასევე სერჟინიო დესტის შესაძენადაც იბრძვის და დიდი ალბათობით, საბოლოო არჩევანი სწორედ ამ ორ მოთამაშეს შორის გაკეთდება.