ფანები თასის ფინალს დაესწრებიან ფლიკის ოპტიმისტური განცხადება

მიუნხენის "ბაიერნის" მთავარმა მწვრთნელმა, ჰანს ფლიკმა დამაიმედებელი განცხადება გააკეთა.

"ყოველთვის ვიმეორებდი და ახლაც იგივეს ვიტყვი, ფანები ფეხბურთს ძალიან აკლია. მათი არყოფნით ამ სპორტს უდიდესი ხიბლი აკლდება."

"არის რაღაც საკითხები, რასაც ჩვენ ვერ გადავწყვეტთ. მაგრამ, ძალიან კარგი იქნება, თუ მაყურებლები მალე დაუბრუნდებიან ტრიბუნებს. ეს ყველას წაადგება."

"პირადად მე ოპტიმისტურად ვარ ამ საკითხის მიმართ განწყობილი და ვიმედოვნებ, რომ გერმანიის თასის ფინალში მათი დასწრება მოხერხდება. ამაზე მუშაობა დაწყებულია და საბოლოო გადაწყვეტილება პოლიტიკოსებმა უნდა მიიღონ." - აცხადებს ფლიკი.