ჩემპიონთა ლიგის დაბრუნების საბოლოო თარიღი ცნობილია

ფეხბურთის გულშემატკივრების მოლოდინი საბოლოოდ დასრულდა. იტალიურმა გამოცემა Sky Italia-მ ჩემპიონთა ლიგის დაბრუნების ზუსტი თარიღი დაასახელა.

წყაროს ცნობით, დარჩენილი 1/8 ფინალური ეტაპის მატჩები, მათ შორის "ბაიერნისა" და "ჩელსის" განმეორებითი შეხვედრა, 7-9 აგვისტოს პერიოდში გაიმართება.

პლეი-ოფის დასკვნით ეტაპს მინი-ტურნირის სახე ექნება და ქალაქ ლისაბონში გაიმართება. დაპირისპირებები ერთმატჩიანი გვექნება.

1/4 ფინალური ეტაპის თამაშები 12-15 აგვისტოს გაიმართება, ნახევარფინალური წყვილები ერთმანეთს 18-19 აგვისტოს შეხვდებიან, ფინალი კი 23 აგვისტოს გაიმართება.

როგორც ცნობილია, აღნიშნულ ინფორმაციას UEFA ოფიციალურად ოთხშაბათს, 17 ივნისს დაადასტურებს.