ოფიციალურად ბუნდესლიგაში აღზევებული პირველი კლუბის ვინაობა ცნობილია

დღეს გერმანიის მეორე ბუნდესლიგის 32-ე ტურის რამდენიმე შეხვედრა ჩატარდა რომლის შემდგომაც უმაღლეს ლიგაში დაწინაიურებული პირველი გუნდის ვინაობა შევიტყეთ.

მას შემდგომ, რაც "ჰამბურგმა" და "ჰაიდენჰაიმმა" ქულები დაკარგეს, პირველადგილოსანი ბიელფილდის "არმინია" ორივე კლუბისთვის მიუწვდომელი აღმოჩნდა და შესაბამისად, ამ უკანასკნელმა ბუნდესლიგის საგზური მოიპოვა.

იმ შემთხვევაში, თუ "არმინია" დარჩენილ 3 ტურში მინიმუმ 1 ქულას მოიპოვებს, მაშინ კლუბი ბუნდესლიგა 2-ის ჩემპიონიც გახდება.

ცნობისთვის, "არმინია" 1905 წელს დაარსებული კლუბია და პერიოდულად ბუნდესლიგაში ახერხებდა აღზევებას. უკასნასკნელად გერმანიის საუკეთესო ლიგაში კლუბი 2008-09 წლებში ასპარეზობდა.