მიუნხენი 2022 წელს ჩემპიონთა ლიგის ფინალს აღარ უმასპინძლებს

დღეს UEFA-მ ჩემპიონთა ლიგის მიმდინარე სეზონის დარჩენილი მატჩების გარდა ასევე სხვა მნიშვნელოვანი გადაწყვეტილებებიც მიიღო.

ევროპული ფეხბურთის მმართველი ორგანოს გადაწყვეტილებით, ჩემპიონთა ლიგის ფინალის მასპინძელი ქალაქების ვინაობა არ შეცვლილა, თუმცა გადაიწია ამ ქალაქებში ჩატარების თარიღებმა.

2020/21 წლების სეზონის ფინალური მატჩი ნაცვლად სანკტ-პეტერბურგისა ქალაქ სტამბულში გაიმართება, რუსული ქალაქი კი ლიგის ფინალს 2021/22 წლების სეზონში უმასპინძლებს.

ეს უკანასკნელი თარიღი მიუნხენს "ეკუთვნოდა", თუმცა, ვინაიდან თარიღებმა გადაიწია, შესაბამისად, "ალიანს არენა" ჩემპიონთა ლიგის ფინალს 2022/23 წლების სეზონში უმასპიძნლებს.