იურგენ კლოპი ბაიერნის ვარსკვლავის ტრანსფერს ითხოვს

ბოლო დროს აქტიურად იწერება იმის შესახებ, რომ ტიაგო ალკანტარა მიმდინარე სატრანსფერო ფანჯრის დროს მიუნხენის "ბაიერნის" რიგებს დატოვებს.

ბრიტანული გამოცემების ინფორმაციით, 29 წლის ნახევარმცველის დამატებასთან ძალიან ახლოს არის მერსისაიდული "ლივერპული". მხარეებს შორის მოლაპარაკებები უკვე დაწყებულია და მხოლოდ სატრანსფერო ფასის შეთანხმება დარჩა.

წყაროს ცნობით, ტიაგოს დამატება პირადად იურგენ კლოპის მოთხოვნაა, რომელიც მეტნაკლებად იცნობს ესპანელ ნახევარმცველს და კარგად იცის მისი შესაძლებლობები.

შეგახსენებთ, რომ ალკანტარას "ბაიერნთან" კონტრაქტი 2021 წელს ეწურება და მის გახანგრძლივებას არ აპირებს.