მიულერი ბორუსიასთან მატჩი გადამწყვეტი არ იქნება

მიუნხენის "ბაიერნის" შემტევმა ნახევარმცველმა, თომას მიულერმა, დორტმუნდის "ბორუსიასთან" ბუნდესლიგის საპასუხო თამაშზე ისაუბრა.

"დორტმუნდის "ბორუსიას" შეცდომის დაშვების უფლება არ აქვს, ვინაიდან ჩვენ კარგ ფორმაში ვიმყოფებით.

ეს ამაღელვებელი დაპირისპირება იქნება ტიტულისთვის - ნებისმიერი მაყურებლის ოცნება.

დორტმუნდის "ბორუსიასთან" თამაშს საჩემპიონო რბოლაში უდიდესი მნიშვნელობა აქვს, მაგრამ არა გადამწყვეტი", - განაცხადა მიულერმა.

26 ტურის შემდეგ გერმანიის ბუნდესლიგას "ბაიერნი" და დორტმუნდის "ბორუსია" 60-60 ქულით ლიდერობენ.

ამ გუნდების საპასუხო მატჩი "ალიანს არენაზე" 6 აპრილს გაიმართება. პირველ წრეში დორტმუნდში "ყვითლებმა" 3:2 იმარჯვეს.