ბაიერნმა პრემიერლიგის ვარსკვლავის ტრანსფერზე მუშაობა განაახლა

გასული თვეების განმავლობაში აქტიურად იწერებოდა იმის შესახებ, რომ მიუნხენის "ბაიერნი" "კრისტალ პალასის" შემტევის, ვილფრიდ ზაჰას დამატებაზე მუშაობდა. ბოლო დროს კი საუბრები ჩაწყნარდა.

თუმცა, ბრიტანული გამოცემა Daily Star-ის ინფორმაციით, "რეკორდმაისტერმა" ახალგაზრდა ფეხბურთელის ტრანსფერზე მუშაობა კვლავ განაახლა.

წყაროს ცნობით, მთავარ დაბრკოლებას კოტ-დივუარელის სატრანსფერო ფასი წარმოადგენს. როგორც ცნობლია, "პალასს" მისი გაყიდვა 60 მილიონ ევროდ სურს, რაც მიუნხენური გრანდისთვის ძალიან მაღალია.

ზაჰას დამატება გარდა "ბაიერნისა" ასევე ინგლისურ კლუბებს, "ნიუკასლსა" და ლივერპულის "ევერტონს" სურთ.