ბაიერნმა შესაძლოა ტიაგოს შემცვლელი არ შეიძინოს

მოგეხსენებათ, ტიაგო ალკანტარა მიუნხენის "ბაიერნის" დატოვებასთან საკმაოდ ახლოსაა და აღნიშნული ინფორმაცია კარლ ჰაინც რუმენიგემაც დაადასტურა. თავდაპირველად იყო საუბრები იმის შესახებ, რომ კლუბი კაი ჰავერცს მოიყვანდა მის ნაცვლად. თუმცა, როგორც ჩანს ეს ტრანსფერი არ შედგება.

გერმანული გამოცემა Sport1-ის ინფორმაციით, "რეკორდმაისტერი" საერთოდ არ აპირებს მიმდინარე სატრანსფერო ფანჯრის დროს ტიაგოს შემცვლელზე ზრუნვას და ჰანს ფლიკს საკუთარი შემადგენლობის ეიმედება.

მოგეხსენებათ, "ბაიერნმა" სულ ცოტა ხნის წინ დაიმატა ფრანგი ამომავალი ვარსკვლავი ტანგუი ნიანზუ კოუასი. წყაროს ცნობით, ჰანს ფლიკი მას ძირითად გუნდში ავარჯიშებს და გეგმავს, რომ მომავალ სეზონში ხშირად მისცეს სათამაშო დრო.