პირველი გუნდი ჩემპიონთა ლიგის ისტორიაში ბაიერნის უნიკალური მიღწევა

ჩემპიონთა ლიგის 1/8 ფინალურ ეტაპზე მიუნხენის "ბაიერნმა" ლონდონის "ჩელსი ძალიან დამაჯერებლად გამოაგდო.

ჰანსი ფლიკის გუნდმა დღეს მიუნხენში ინგლისური კლუბი 4:1 გაანადგურა და "ლურჯებს" ორი მატჩის ჯამში, 7:1, მოუგო.

აღსანიშნავია, რომ "რეკორდმაისტერს" ჩემპიონთა ლიგის ჯგუფური ეტაპი 100%-იანი შედეგით ჰქონდა დასრულებული, რაც იმას ნიშნავს, რომ "ბაიერნმა" ჯერჯერობით ტურნირზე ყველა თამაში მოიგო.

მიუნხენური გრანდი გახდა პირველი გუნდი ჩემპიონთა ლიგის ისტორიაში, რომელმაც ზედიზედ 8 თამაშის მოგება მოახერხა.

აქამდე რეკორდი ეკუთვნოდა მადრიდის "რეალს", რომელმაც 2014/15 წლების სეზონში მიჯრით 7 შეხვედრა მოიგო.

"ბაიერნის" მომდევნო მეტოქე 14 აგვისტოს კატალონიის "ბარსელონა" იქნება.