გრიზმანი პორტუგალიაში 23 აგვისტომდე სამყოფი ჩანთა წამოვიღე

მიუნხენის "ბაიერნის" მომავალი მეტოქის, კატალონიის "ბარსელონას" ფორვარდს, ანტუან გრიზმანს იმედი აქვს, რომ მისი გუნდი ჩემპიონთა ლიგის ფინალში გასვლას შეძლებს.

"ბაიერნი ძალიან კარგ ფეხბურთს თამაშობს, რომელიც შეტევაზეა ორიენტირებული, თუმცა, ჩვენც გვაქვს საკუთარი ხრიკები, რითაც წარმატების მიღწევას შევეცდებით."

"მომავალი მეტოქე ფიზიკურად ძალიან კარგად არის მომზადებული. გარდა ამისა მათ ბურთის კონტროლი შეუძლიათ. თუმცა, ჩვენ ყველაფერს გავაკეთებთ, რათა ცხოვრება გავურთულოთ."

"პორტუგალიაში 23 აგვისტომდე სამყოფი ჩანთა წამოვიღე. გარდა ამისა, შევიძინე Playstation-იც. ჩემპიონთა ლიგის დასრულებამდე 3 მატჩია დარჩენილი და ვეცდებით, რომ ყველა მათგანში მივიღოთ მონაწილეობა." - აცხადებს ფრანგი.