ლევანდოვსკის ისტორიული რეკორდის დამყარების შანსი აქვს

ჩემპიონთა ლიგის ნახევარფინალურ შეხვედრაში მიუნხენის "ბაიერნი" ლიონის "ოლიმპიკს" დაუპირისპირდა და 3:0 დაამარცხა.

გუნდის გამარჯვებაში თავისი წვლილი შეიტანა პოლონელმა თავდამსხმელმა, რობერტ ლევანდოვსკიმ, რომელმაც ერთი გოლის გატანა მოახერხა. აღსანიშნავია, რომ 31 წლის ფეხბურთელს ლიგის რეკორდის დამყარების შანსი კვლავ აქვს.

კერძოდ, ტურნირის ისტორიაში ერთ სეზონში გატანილი გოლებით კრისტიანო რონალდუ ლიდერობს. პორტუგალიელმა 2013/14 წლების სეზონში მეტოქეთა კარი 17-ჯერ დალაშქრა, რაც საუკეთესო შედეგია.

ლევანდოვსკის მიმდინარე სეზონში უკვე 15 გოლი მოუგროვდა. იმ შემთხვევაში, თუ რობერტი "პსჟს" წინააღმდეგ დუბლს შეასრულებს, ის რეკორდს გაიმეორებს, ჰეთ თრიკის შემთხვევაში კი ახალ ისტორიას დაწერს.